Leiar for rekneskap

Er du ein leiar som trivst med å vere tett på drifta – og som meistrar balansen mellom det strategiske og det operative? Då kan dette vere jobben for deg!

I Vestland fylkeskommune arbeider vi målretta med å digitalisere verksemda og utnytte systema våre fullt ut. Vi nyttar Visma Enterprise Plus som ERP-system og Framsikt til budsjett- og rapportering.

Rekneskapsfunksjonen har ei sentral rolle i dette arbeidet, og vi søkjer no ein operativ og handlekraftig leiar som vil vere til stades i den daglege drifta og sikre framdrift og kvalitet i teamet.

Arbeidsoppgåver

Kjerneoppgåver i eininga

• Remittering
• Fakturering og purring
• Fakturamottak
• Avstemming av bankkonti og balanse
• Anleggsmodul
• Rapportering til myndigheitene (mva, KOSTRA mm)
• Brukaradministrasjon i ERP-system, administrator betalingsløysingar
• Brukarstøtte og saksbehandling i supportsystem
• Periode- og årsoppgjer

Arbeidsoppgåver

Du vil ha personalansvar for eit fagleg sterkt team på 7 medarbeidarar på Leikanger. Som operativ leiar er du ein aktiv deltakar i den daglege drifta. Du er tett på oppgåvene, set retning og sikrar at teamet leverer til rett tid og med rett kvalitet.

• Dagleg drift og leiing av eininga, inkludert medarbeidaroppfølging og kompetanseutvikling
• Ansvar for å utarbeide og kvalitetssikre rekneskapen, inkludert utvikling og dokumentasjon av rekneskapsrutinar
• Tilby interne kurs og generell opplæring innan rekneskapsområdet
• Svare på rekneskapsspørsmål frå organisasjonen
• Kontaktperson mot fylkeskommunen sin revisor
• Kontaktperson for bankavtale og inkassoleverandør

Kvalifikasjonar

• Høgare økonomisk utdanning, gjerne på bachelor-nivå eller tilsvarande. Relevant arbeidserfaring innan rekneskap kan kompensere for utdanningskravet.
• Erfaring frå rekneskapsarbeid, gjerne frå ei stor og kompleks verksemd
• Relevant leiarerfaring, gjerne frå ei operativ leiarrolle
• God forståing for rekneskapssystem og integrasjon av ulike system
• Erfaring med prosjekt- og prosessrelatert arbeid er ein klar fordel
• Erfaring frå offentleg sektor er ønskjeleg

Personlege eigenskapar

Du er en leiar som

• Er operativ og til stades – du er ikkje redd for å ta tak i oppgåvene der det trengst
• Har gode samarbeidsevner og skapar eit godt arbeidsklima
• Har gjennomføringsevne og evnar å prioritere riktig
• Er analytisk og strukturert i arbeidsforma
• Evnar å skape tillit og aksept i organisasjonen
• Har personleg integritet
• Kommuniserer godt, både munnleg og skriftleg
• Identifiserer deg med verdiane våre: kompetent, open og modig
• Personlege eigenskapar vil bli vektlagd

Vi tilbyr

Hos oss får du:

• Gode moglegheiter for fagleg utvikling
• Løn etter avtale/
• Gode offentlege pensjons- og forsikringsordningar

Kvifor velje oss?

• Fagleg sterkt miljø – bli ein del av eit kompetent rekneskapsteam med høg fagleg integritet
• Digital kvardag – vi har implementert moderne system og jobbar kontinuerleg med å utnytte dei fullt ut og forbetre prosessane
• Tett samarbeid – du samarbeider med nøkkelressursar innan løn, innkjøp og IKT
• Påverknadskraft – du får reell innverknad på korleis rekneskapsfunksjonen utviklar seg
• Leikanger ved Sognefjorden – ein flott kontorstad med gode pendlarmoglegheiter