Bli med og bygg framtidas teknologi for reiselivsnæringa

I Apility byggjer vi teknologi som blir brukt av nokre av Noregs mest spennande attraksjonar, museum og opplevingsaktørar. Gjennom vår eigen plattform Entrii hjelper vi reiselivsbedrifter og tenestetilbydarar med å selje billettar og opplevingar, administrere kapasitet og skape betre gjesteopplevingar.

Vi byggjer no eit sterkare produktmiljø i Sogn. Derfor er vi på jakt etter menneske som kombinerer interesse for teknologi med forståing for reiseliv, opplevingar, marknadsføring eller digital produktutvikling. Hos oss får du høve til å jobbe med eit produkt som har direkte innverknad på korleis menneske opplever kultur, historie, natur og aktivitetar.

Midt i ein av Noregs sterkaste reiselivsregionar

Vi held til midt i hjartet av Vestlandet, omgitt av nokre av dei mest besøkte natur- og reiselivsdestinasjonane i landet. Her møter vi kvar dag den bransjen vi utviklar teknologi for. Mange av kundane våre er blant dei leiande aktørane innan opplevingar, kultur, attraksjonar og aktivitetar.

Nærleiken til bransjen gir oss innsikt som er vanskeleg å få gjennom rapportar og møte åleine. Vi ser utfordringane på nært hald, følgjer utviklinga tett og får kontinuerleg tilbakemelding frå menneska som brukar løysingane våre.

Teknologi som skaper opplevingar

Når nokon besøkjer eit museum eller bestiller ein aktivitet, er det lett å tenkje at opplevinga startar når dei kjem fram. Vi veit at ho startar lenge før. Gjennom teknologi for booking, billettsal, marknadsføring og innsikt er vi med på å forme heile kundereisa. Det er dette som gjer reiselivsteknologi så spennande.

Kven ser vi etter?

Vi er interesserte i å kome i kontakt med deg som har erfaring frå eitt eller fleire av desse felta:

• Reiseliv og opplevingsnæringa

• Digitale produkt og teknologi

• Marknadsføring og kommersiell utvikling

• Kundeservice og gjesteoppleving

• Produktleiing og prosjektleiing

Du treng ikkje å passe inn i éi bestemt rolle. Dersom du brenn for korleis teknologi kan skape betre opplevingar for besøkande, vil vi gjerne høyre frå deg.

Dette kan du få jobbe med

Hos oss er ingen dagar heilt like. Nokre dagar jobbar vi med å vidareutvikle Entrii, plattforma vår for billettsal og booking. Andre dagar jobbar vi med installasjon, integrasjonar eller brukarstøtte. Nokre dagar er vi ute og besøkjer spennande museum og attraksjonar, andre dagar er vi samla på kontoret.

Felles for alt vi gjer, er at vi byggjer løysingar som blir brukte i den verkelege verda – av menneske som skal oppleve museum, attraksjonar, aktivitetar, arrangement og destinasjonar.

Du kan mellom anna få jobbe med:

• Produktutvikling og innovasjon

• Systemarkitektur og integrasjonar

• UX og tenestedesign

• Kunstig intelligens og automatisering

• Data og innsikt

• Digitalisering av reiselivs- og opplevingsnæringa

Praktisk informasjon

• Me har kontorplassar på Leikanger og i Bergen, men det er ikkje uaktuelt med kontorplass ei anna bygd i nærleiken om ein ynskjer å ha hovudbase der.

• Jobben inneber litt reising til kundar på vestlandet eg ellers i landet, så at du har bil og sertifikat er ein fordel, sjølv om det ikkje er eit krav.

Send ein søknad på e-post eller ta kontakt med meg direkte, så møtest vi over ein kaffi.