Er du ein strukturert og løysingsorientert lagspelar som ønskjer å bidra i økonomiteamet vårt det neste året?

Vi i Enivest søker ein engasjert og strukturert økonomimedarbeidar som kan steppe inn i eit eittårig vikariat frå januar/februar 2026, medan ein av våre medarbeidarar er i permisjon. Du vil bli ein del av innsiktsavdelinga, som består av økonomi, analyse og produkt.

Her vil du samarbeide tett med rekneskapsansvarleg og andre i organisasjonen, og få ansvar for varierte og viktige oppgåver innan økonomistyring og administrasjon. Vi er opptekne av god overlapping og opplæring, og vil legge til rette for ein grundig introduksjon i god tid før permisjonsstart.

Arbeidsoppgåver og ansvarsområder

Som økonomimedarbeidar vil du jobbe tett med rekneskapsvarleg og saman ha fokus på å sikre høg kvalitet, internkontroll og beste praksis i rekneskapsprosessar, periodeavslutningar og årsoppgjer. Du spelar ei viktig rolle i å sikre stabil dagleg drift ved å halde system og oppgåver oppdaterte, og sørge for at alle saker vert handtert effektivt og presist.

Dine hovudoppgåver kan inkludere:

· Fakturering og kontrollarbeid

· Sakshandtering

· Balanseavstemming

· Behandling av inngåande faktura

· Remittering

· Lønnskøyring og kontakt med vår lønnspartner

· Bidra i årsoppgjer og revisjon

· Prosessforbetring og effektivisering

· Oppfølging av kostnader og interne rapportar

· Bidra i interne prosjekt

Kven er du?

Du er ein sjølvstendig og strukturert person som likar å ha orden i sysakene. Du trivst med tal og detaljar, men har også forståing for korleis økonomi heng saman med drift og strategiske val.

Vi ser for oss at du har:

· Erfaring frå liknande økonomi- eller rekneskapsarbeid

· Utdanning innan økonomi/rekneskap. Relevant erfaring kan kompensere for manglande utdanning.

· Gode digitale ferdigheiter, særleg i Excel – erfaring med VB, Semine, Maestro eller liknande system er ein fordel.

· Viser initiativ, er positiv, serviceinnstilt og har evne til å arbeide strukturert både aleine og saman med andre.

· God skriftleg og munnleg framstillingsevne på norsk.

Kva får du hos oss?

· Ein variert og meiningsfull arbeidskvardag i eit framtidsretta teknologiselskap

· Trivelege og dyktige kollegaer som støttar kvarandre

· Kontor i Førde og fleksible løysingar ved behov

· Konkurransedyktig løn og vilkår

· Gode pensjons- og forsikringsordningar, samt kollektiv bonusordning

· Høve til å vere med på å utvikle eit selskap i vekst

Bli ein del av Enivest

Hos oss vil du få gode utviklingsmoglegheiter i eit framoverlent miljø med fagleg dyktige kollegaer som støttar og inspirerer kvarandre. Vi legg stor vekt på å satse på våre tilsette, og fremje ein delingskultur med korte linjer og samarbeid på tvers av fagområder.

Enivest er ein engasjert samfunnsaktør og er aktiv i fleire lokale initiativ og prosjekt. Vi jobbar for å auke attraktivitet og bulyst i distriktet, samt leggje til rette for regional vekst og verdiskaping.

I Enivest verdset vi mangfald og trivsel på arbeidsplassen, og vi er opptatt av å legge til rette for at våre tilsette skal kunne utvikle seg både fagleg og personleg.

Stillinga rapporterar til CFO, og arbeidsstaden vil vere på vårt kontor i Førde, med moglegheit for fleksible løysingar.

For ytterligare informasjon kan du kontakte Jan Reidar Kalstad på tlf. 975 44 723, eller Renate Sæterbakken på tlf: 918 61 103