Nyutdanna og klar for utfordringar? Bli rekneskapskonsulent i Helse Førde!

Vi styrkjer laget vårt med to nye medarbeidarar – ein i fast stilling og ein i vikariat.

• Fast stilling frå 01.04.2026
• Vikariat i perioden 01.06.2026 - 31.05.2027
  

Hos oss får du ein meiningsfull jobb midt i hjartet av helsevesenet, med gode utviklingsmoglegheiter og eit inkluderande arbeidsmiljø.

🧩 Om stillinga

Rekneskap er ein av to seksjonar i Økonomiavdelinga i Helse Førde, og består i dag av 12 tilsette. Vi har ansvar for korrekt og påliteleg rekneskap til rett tid. Vi samarbeider tett med leiarar og klinikkar i Helse Førde og med dei andre foretaka i Helse Vest. Hos oss får du høve til å utvikle deg innan rekneskapsføring og digitale løysingar, med tilgang til kurs og fagnettverk i Helse Vest. Du får ein moderne, digital kvardag med SAP og integrerte system og vi sørgjer for god opplæring frå første dag.

Ber om at det i søknaden blir opplyst kva stilling du søkjer på, eventuelt om begge stillingane er av interesse.

Velkommen til oss i Helse Førde!

Arbeidsoppgåver

• Generelle rekneskapsoppgåver som inn- og utbetalingar, manuelle bilag og avstemmingar
• Gjennomføring av rekneskapsprosessar i SAP og integrerte system
• Bidra ved månads- og årsavslutning med avsetningar og klargjering til rapportering
  
• Brukarstøtte og kundekontakt knytt til fakturahandtering, purring og utfakturering

Kvalifikasjonar

• Utdanning innan økonomi/rekneskap, minimum bachelornivå
• Nyutdanna og/eller med inntil fem års arbeidserfaring
• Gode IT-kunnskaper - kjennskap til SAP er ein fordel
• God rekneskapsforståing
• Gode norskferdigheter, munnleg og skriftleg.

Personlege eigenskapar

• Strukturert, nøyaktig og lærevillig
• Fleksibel, samarbeidsvillig og serviceinnstilt
• Engasjert og oppteken av kunnskapsdeling
  

Kvifor skal du velge oss ?

• Ei spennande stilling med fagleg og personleg utvikling
• Fleksibel arbeidstid
• Lønn i samsvar med gjeldande overeinskomst
• Gode pensjons- og forsikringsordningar
• Triveleg arbeidsmiljø
• Ein arbeidsplass som er ei inkluderande arbeidslivsbedrift (IA-bedrift)

Vi oppfordrar alle søkjarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.

Helse Førde HF har ansvar for spesialisthelsetenestene i Sogn og Fjordane. Føretaket arbeider for å gje pasientar og brukarar eit godt og heilskapeleg tilbod innanfor gjeldande rammer. Helse Førde sine institusjonar og prehospitale tenester er organisert i eit heilskapleg nettverk, og samarbeidet med andre instansar som m.a. kommunane er høgt prioritert. Føretaket har om lag 3 200 tilsette og eit budsjett på over 3,6 milliardar kroner og er den største verksemda i Sogn og Fjordane. Forsking og innovasjon er og viktige oppgåver i sjukehuset. 

Helseføretaket er eigd av det statlege Helse Vest RHF. Føretaksgruppa i Helse Vest skal spegle mangfaldet i befolkninga i rekrutteringa vår. Vi oppmodar alle som er kvalifiserte til å søkje ledige stillingar uansett kjønn, alder,  fleirkulturell bakgrunn eller om du har hatt opphald frå arbeidslivet. Føretaksgruppa i Helse Vest ønskjer å leggje til rette for inkluderande rekruttering.