Sekretær sommaren 2026

Ekspedisjonen ved Førde sentralsjukehus søkjer engasjerte og serviceinnstilte ferievikarar til sommaren 2026.

• Periode: 22.06.2026 - 16.08.2026
• Arbeidstid: 3-delt turnus

Ekspedisjonen finn du ved hovudinngangen til Førde sentralsjukehus. Der bemannar vi resepsjonen, ansvar for kassefunksjon og utfører mellom anna pasientverttenester. Vi har og ansvar for sentralbordtenestene ved Førde sentralsjukehus, Nordfjord sjukehus og til tider heile Helse Førde!

Ekspedisjonen er døgnbemanna med 3-delt turnus og har ein sentral funksjon i beredskapen til Helse Førde!

Arbeidsperioden er i frå veke 26 til og med 33. Det må påreknast opplæringsvakter (10 - 15 stk) før denne perioden. Opplæringa er individuell og kan i stor grad tilpassast etter kandidaten sine ynskjer. Kandidatar som har høve til å prioritere opplæringsperioden vil verte prioritert.

Velkomen til Helse Førde!

Arbeidsoppgåver

• Bistå og retttleie pasientar, pårørande og publikum ved å bemanne resepsjonen og sentralbordet ved FSS
  
• Andre oppgåver i seksjonen etter behov
  

Kvalifikasjonar

• Relevant utdanning /erfaring som sekretær, kontormedarbeidar eller liknande. Gjerne frå helsesektoren
• Van med å nytte datamaskin som arbeidsverktøy
• Relevant erfaring frå tilsvarande arbeid kan kompensere for manglande utdanning
• Du må ha gode kunnskapar i norsk, både munnleg og skriftleg.

Personlege eigenskapar

• Gode evner til samarbeid og kommunikasjon
  
• Serviceinnstilt og ansvarsmedviten
  
• Strukturert og sjølvstendig
• Må trivast med å arbeide i team

Vi tilbyr

• Lønn i samsvar med gjeldande overeinskomst
  
• Gode pensjons- og forsikringsordningar
• Godt arbeidsmiljø

Vi oppfordrar alle søkjarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.

Helse Førde HF har ansvar for spesialisthelsetenestene i Sogn og Fjordane. Føretaket arbeider for å gje pasientar og brukarar eit godt og heilskapeleg tilbod innanfor gjeldande rammer. Helse Førde sine institusjonar og prehospitale tenester er organisert i eit heilskapleg nettverk, og samarbeidet med andre instansar som m.a. kommunane er høgt prioritert. Føretaket har om lag 3 200 tilsette og eit budsjett på over 3,6 milliardar kroner og er den største verksemda i Sogn og Fjordane. Forsking og innovasjon er og viktige oppgåver i sjukehuset. 

Helseføretaket er eigd av det statlege Helse Vest RHF. Føretaksgruppa i Helse Vest skal spegle mangfaldet i befolkninga i rekrutteringa vår. Vi oppmodar alle som er kvalifiserte til å søkje ledige stillingar uansett kjønn, alder,  fleirkulturell bakgrunn eller om du har hatt opphald frå arbeidslivet. Føretaksgruppa i Helse Vest ønskjer å leggje til rette for inkluderande rekruttering.