Vil du skape gode kundeopplevingar på skjerm og telefon?

Vil du jobbe med kundar og vere med på å skape gode digitale opplevingar? Då kan dette vere rett jobb for deg. 

Vi i SpareBank 1 Sogn og Fjordane har sterke røter som lokal sparebank, men vi er og ein moderne bank med digitale løysingar som gjer kvardagen enklare for kundane våre. No ser vi etter fleire kunderådgjevarar som får ansvar for kundar som møter oss digitalt, utanfor vårt kjerneområde. Det betyr stor variasjon, mykje ansvar og gode moglegheiter for å byggje eigne relasjonar og ei spennande portefølje. 

Som kunderådgjevar blir du ein viktig kontaktperson for kundar som nyttar våre digitale kanalar. Du gir gode råd tilpassa behova til kvar enkelt og bygg relasjonar som varer sjølv om møta skjer på skjerm eller telefon. 

Dine hovudoppgåver vil vere 

• Gi rådgjeving og løysingar innan lån, sparing og forsikring 

• Bygge, følgje opp og vidareutvikle eiga kundeportefølje 

• Skape gode kundeopplevingar gjennom digitale møte og dialog 

• Bidra til samarbeid og deling av kunnskap i teamet 

Kven er du 
Vi ser etter ein person som er naturleg i dialog med kundar og som trivst med å finne den løysinga som faktisk gjer ein forskjell. Du er proaktiv, engasjert og likar å ta initiativ i kundesituasjonar. Du jobbar strukturert, likar digitale arbeidsformer og har lyst til å lære nye ting. Høgare utdanning og autorisasjon som finansiell rådgjevar er ein fordel, men ikkje eit krav. Manglar du autorisasjon, sørgjer vi for at du får det på plass. 

Kvifor skal du søkje hos oss 
Her får du eit miljø der folk trivst, løftar kvarandre og gir rom til både ambisjonar og kvardagsliv. Det er korte og effektive beslutningsvegar, og du får påverke din eigen arbeidsdag. Vi gir deg utvikling, fleksibel arbeidstid og redusert arbeidstid frå mai til august. 

Som fast tilsett blir du medeigar i banken. Alle nytilsette får tildelt eigenkapitalbevis første året, og du får tilgang til gunstig spareordning i EK-bevis. Du får òg funksjonærlån med gode vilkår, samt fordelar på sparing og forsikring. I tillegg kan du nytte bankens velferdsgoder, som hytter og leilegheiter.  

Mange blir hos oss lenge. Det skuldast kombinasjonen av spennande arbeidsoppgåver, gode ordningar og eit miljø der folk både utviklar seg og har det kjekt på jobb.  

Klar for å ta neste steg? 
Søk gjerne allereie i dag. Vi vurderer søknader fortløpande og tek gjerne ein prat dersom du har spørsmål om stillinga. Vi ser fram til å høyre frå deg.