Psykologspesialist/psykolog

Spennande stilling for psykologspesialist/psykolog i rusfeltet

Dr. Martens er ein del av Avdeling for Rusmedisin (AFR) i Helse Bergen. institusjonen ligg i Ytre Sandviken. Vi gir tilbod om behandling og oppfølging til menneske med rus- og avhengigheitslidingar. Dr. Martens inneheld for tida ein avrusning/kortidspost, samt ein tvangspost. AFR har over 600 tilsette i fleire døgnseksjonar, forskingsseksjon, LAR, poliklinikkar og seksjon Ambulant.

Den tverrfaglege bemanninga i seksjon Dr Martens består p.t av seksjonsoverlege, LIS legar, psykolog, sosionom, sjukepleiar/vernepleiar, fysioterapeut og miljøterapeut.
Avrusing/korttidspost: Sengeposten har 10 sengeplassar, gir tilbod om avrusing og korttidsopphald. Opphaldet består av mellom anna individuell oppfølging, undervisning og gruppesamtalar, samt fokus på fysisk aktivitet.

Tvangspost: Sengeposten har 4 heildøgns sengeplassar, og pasientgruppa er lagd inn på tvangsvedtak etter Helse- og omsorgstjenesteloven §§ 10-2 og 10-3. Overordna målsetting med opphaldet er avrusing, stabilisering samt motivering og tilrettelegging for frivillig behandling etter avslutta tvangsopphald. Dette kan innebere både å hindre akutt, livstruande skade i nær framtid, og på sikt få pasienten rusfri eller inn i eit tilvære med vesentleg lågare rusmiddelforbruk. Det blir lagt vekt på høg grad av individuell tilrettelegging og brukarmedverknad, og tett samarbeid med pårørande og kommunale tenester/andre tenester. Gravide rusmiddelavhengige er ein del av pasientgruppa vår.

Psykologen som blir tilsett, vil bidra med utgreiing, samt utføring av dei beskrivne oppgåvene som ligg til seksjonen. Dei vil i tillegg bidra til ei spennande fag- og tenesteutvikling i seksjonen.

Ta gjerne kontakt dersom du har spørsmål.

Arbeidsoppgåver

• Kartlegging, utgreiing og behandling, inkl behandlaransvar for eigne inneliggande pasientar
• Samhandling internt og eksternt i spesialisthelsetenesta og med kommunale tenester
• Bidra til fag- og tenesteutvikling i seksjonen
• Bidra til å bygge psykologfagleg kompetanse i seksjonen med internundervisning og rettleiing
• Psykologspesialist vil få overordna psykologfagleg ansvar for pasientar som andre behandlarar følger opp

Kvalifikasjonar

• Norsk autorisasjon
• Psykologspesialist/psykolog
• Gode språkkunnskapar er heilt avgjerande for forsvarleg pasientbehandling. Ikkje-nordiske statsborgarar må kunne dokumentere ferdigheiter i norsk på minimum B2/NOR-U3- nivå eller høgare. Dokumentasjon må leggast ved søknad

Personlege eigenskapar

• Du bidrar positivt til eit fagleg og kollegialt godt miljø
• Du trivast med å arbeide i eit tverrfagleg miljø, er fleksibel og meistrar høgt tempo
• Du har god fagleg vurderingsevne, og arbeider målretta og strukturert
• Du tåler å stå i krevande situasjonar
• Du arbeider godt både sjølvstendig og i team
• Du er personleg eigna, og har gode kommunikasjonsferdigheiter

Vi tilbyr

• Løn etter avtale
• Gode pensjons- og forsikringsordningar
• Sosialt og støttande arbeidsmiljø
• Høgt fagleg nivå
• Fagleg og personleg utvikling
• Ein arbeidsplass som er ei inkluderande arbeidsliv-bedrift (IA-bedrift)
  

Vi oppfordrar alle søkarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.

Helse Bergen, Haukeland universitetssjukehus, har nærare14.000 tilsette som har som mål å gi best mogleg helsehjelp til pasientane våre, og rett opplæring til pasientar og pårørande. Kvart år behandlar vi over 900.000 pasientar og bidreg i utdanninga av fleire tusen helsearbeidarar. Forsking og innovasjon er og viktige oppgåver i sjukehuset. Les meir på www.helse-bergen.no eller facebook.

Helse Vest skal så langt som råd avspegle mangfaldet i befolkninga.  Vi ønsker å rekruttere medarbeidarar uavhengig av kjønn med ulik kompetanse, fagkombinasjonar, livserfaring og perspektiv for å bidra i spesialisthelsetenesta.