Psykolog i sjukehus, vikariat Konsultasjonstenesta

Klinikk psykisk helsevern for barn og unge (PBU) gir spesialisert helsetilbod til barn og unge (0-18 år) med psykiske vanskar, og deira pårørande. Stillinga er ved Konsultasjonstenesta som er lokalisert i det nye barnesjukehuset på Haukeland universitetssjukehus. Konsultasjonstenesta består av psykologspesialistar og barnepsykiater, og tar imot tilvisingar eller tilsynsførespurnader frå legar på alle somatiske avdelingar på Haukeland universitetssjukehus der det er behov for psykologisk oppfølging. Tenesta arbeider med akutt og/ eller kronisk sjuke barn og somatiseringstilstandar, samt bidrar med utgreiing av psykiske lidingar hos barn og unge som er innlagd i somatisk helsevern. Tenesta er elles ein del av sjukehuset sin daglege beredskap ved kriser og katastrofar. Organisatorisk er vi ein del av Spesialpoliklinikken, PBU.

Vedkomande som får tilbod om tilsetjing må legge fram tilfredsstillande politiattest (vandel), jfr Lov om helsepersonell § 20a (gjeld arbeid med barn og utviklingshemma).

Arbeidsoppgåver

• Oppfølging av pasientar og familiar til barn/ungdom som opplever alvorlege diagnosar/ulykker/skadar. Dette kan innebere kriseintervensjon, hjelp ved traumatiske og skremmande opplevingar
• Konsultasjon til helsepersonell
• Hjelp til barn/unge som strever med meistringsoppgåver knytt til sjukdom
• Behandling av prosedyreangst
• Vurdering av barn/unge med funksjonelle tilstandar
• Vurdering av barn/unge med mistanke om psykiske helseplagar i tilknyting til sin somatiske sjukdom/skade
• Vurderingar av pasientar som er innlagd pga intoksikasjon/alvorleg sjølvskading
• Deltaking i tverrfaglege team og ulike samarbeidsprosjekt i somatisk helsevern
  

Kvalifikasjonar

• Psykologspesialist/psykolog med relevant erfaring frå utgreiing og behandling av psykiske lidingar hos barn og unge
• Norsk autorisasjon
• Vilje og evne til fagleg oppdatering på beste praksis
• Gode språkkunnskapar er heilt avgjerande for forsvarleg pasientbehandling. Ikkje-nordiske statsborgarar må kunne dokumentere ferdigheiter i norsk på minimum B2/NOR-U3- nivå eller høgare. Dokumentasjon må leggast ved søknad
  

Personlege eigenskapar

• Vi ønsker deg som er nysgjerrig, varm, respektfull og trygg i møte med familiar i krise ved alvorlege sjukdom/skade/symptomlidingar
• Arbeidet krev god evne til samarbeid med andre faggrupper

Vi tilbyr

• Vi er fleksible på storleik på stilling. Det er mogleg å legge til rette for til dømes deltidsstilling 50% over 1 år
• Lønn etter avtale
• Spennande fagutvikling
• Rettleiing og fadderordning
• Trivelege kollegaer i nytt og fint bygg
• Fagleg varierte og spennande arbeidsoppgåver
• Oppleving av at arbeidet du gjer har stor betydning for barn og familiar

Vi oppfordrar alle søkarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.

Helse Bergen, Haukeland universitetssjukehus, har nærare14.000 tilsette som har som mål å gi best mogleg helsehjelp til pasientane våre, og rett opplæring til pasientar og pårørande. Kvart år behandlar vi over 900.000 pasientar og bidreg i utdanninga av fleire tusen helsearbeidarar. Forsking og innovasjon er og viktige oppgåver i sjukehuset. Les meir på www.helse-bergen.no eller facebook.

Helse Vest skal så langt som råd avspegle mangfaldet i befolkninga.  Vi ønsker å rekruttere medarbeidarar uavhengig av kjønn med ulik kompetanse, fagkombinasjonar, livserfaring og perspektiv for å bidra i spesialisthelsetenesta.