Psykologspesialist /Psykolog Spesialpoliklinikken, PBU

Klinikk psykisk helsevern for barn og unge (PBU) gir spesialisert helsetilbod til barn og unge (0-18 år) med psykiske vanskar, og deira pårørande. Stillinga er ved Spesialpoliklinikken som er lokalisert i det nye barnesjukehuset på Haukeland universitetssjukehus. Vår seksjon har tre team; nevroteam, autismeteam og konsultasjonsteam. Vi har 15 psykologspesialistar/nevropsykologar, 2 barnepsykiatrar/barnelegar, 1 psykolog i spesialisering, 4 fagkonsulentar, 3 konsulentar/sekretærar, spesiallogoped og fysioterapeut hos oss. Vi har stort fokus på korleis vi samhandlar internt og eksternt for å gi best mogleg tenester til våre pasientar.

Vi har ledig følgande stilling: Psykologspesialist på vårt autismeteam.

Arbeidsoppgåver

• Utgreiing av autismespekterforstyrringar hos barn i aldersgruppa 0-6 år
• Vurdering av komorbide tilstandar, derunder utviklingshemming, ADHD, spesifikke lærevanskar, motoriske vanskar m.m.
• Rettleiing av foreldre
• Vurdering av hjelpebehov og utarbeiding av anbefalingar for tilrettelegging og moglege hjelpetiltak i samarbeid med foreldre og kommunale instansar
• Halde kurs for foreldre/pårørande om diagnose
• Tverrfagleg samarbeid med andre faggrupper om felles pasientar

Kvalifikasjonar

• Psykolog med spesialisering i barne- og ungdomspsykologi eller habiliteringspsykologi eller annen relevant fordypning. Psykologar som er i gang med spesialisering kan også søke
• Erfaring med utgreiing av utviklingsforstyrringar
• God kunnskap om relevant utgreiingsverktøy for målgruppa 0-6 år
• Gode kommunikasjonsferdigheiter og evne til å formidle fagkunnskap på ein forståeleg måte til både fagfolk og føresatte
  

Personlege eigenskapar

Personlege eigenskapar vi ønsker oss for alle medarbeidarar er

• Medarbeidarar som bidrar til å behalde- og vidareutvikle vårt gode arbeidsmiljø
• Evne til å arbeide systematisk og tverrfagleg for å utvikle heilskaplege behandlingsforløp
• Gode kommunikasjonsferdigheiter og evne til å formidle fagkunnskap på ein forståeleg måte til både fagfolk og føresatte

Vi tilbyr

• Lønn etter avtale
• Fagleg og personleg utvikling
• Gode pensjons- og forsikringsordningar
• Eit aktivt og triveleg arbeidsmiljø med høgt fagleg nivå
• Vi har fadderordning, rettleiing og internundervisning

Vi oppfordrar alle søkarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.

Helse Bergen, Haukeland universitetssjukehus, har nærare14.000 tilsette som har som mål å gi best mogleg helsehjelp til pasientane våre, og rett opplæring til pasientar og pårørande. Kvart år behandlar vi over 900.000 pasientar og bidreg i utdanninga av fleire tusen helsearbeidarar. Forsking og innovasjon er og viktige oppgåver i sjukehuset. Les meir på www.helse-bergen.no eller facebook.

Helse Vest skal så langt som råd avspegle mangfaldet i befolkninga.  Vi ønsker å rekruttere medarbeidarar uavhengig av kjønn med ulik kompetanse, fagkombinasjonar, livserfaring og perspektiv for å bidra i spesialisthelsetenesta.