Rådgjevar organisasjonsutvikling

Er du god på organisasjonsutvikling? Skyss arbeider for å tilby eit berekraftig mobilitetssystem for innbyggarar og samfunn i Vestland. Vi skal redusere bruken av privatbil og gjere det enklare for folk å klare seg utan eigen bil. Arbeidet vårt påverkar kvardagen til mange menneske, og vi har stor respekt for oppgåva.

Vi har no ledig eit vikariat i 100 % stilling som rådgjevar for organisasjonsutvikling. Du vil vere del av eit fagmiljø, og skal bidra til å styrke organisasjonen sin evne til å levere på strategiske mål i samsvar med fagstrategi og relevante målbilde. Du har solid organisasjonsforståing og evnar å kombinere fagleg innsikt, metodisk tilnærming og sterke mellommenneskelege ferdigheiter.

I Skyss blir du del av eit kompetent og engasjert arbeidsmiljø der det er godt rom for fagleg utvikling. Du vil samarbeide tett med leiarar og medarbeidarar på tvers av organisasjonen for å sikre heilskaplege og målretta utviklingsprosessar.

Arbeidsoppgåver

I vikariatet som rådgjevar for organisasjonsutvikling vil du få ei viktig rolle i å vidareutvikle Skyss, i ei stabseining som har ansvar for intern og ekstern kommunikasjon og for å legge til rette for at organisasjonen er godt rusta til å levere på samfunnsoppdraget.

Sentrale oppgåver vil vere å

• planlegge og fasilitere organisasjons- og endringsprosessar
• bidra med strategisk rådgjeving og leiarstøtte i utviklings- og endringsarbeid
• bidra i utvikling og implementering av tiltak innan organisering, internkommunikasjon, kompetanse og arbeidsmåtar
• styrke og vidareutvikle ein god organisasjonskultur og eit inkluderande arbeidsmiljø

Kvalifikasjonar

Vi ser etter deg som har

• høgare utdanning på masternivå eller tilsvarande, gjerne innan organisasjon og leiing eller andre relevante fagområde
• erfaring med endringsleiing og utviklingsarbeid i organisasjonar
• god forståing for korleis digital transformasjon påverkar organisatoriske behov
• erfaring med prosjekt- og prosessleiing

Det er i tillegg ønskeleg at du har

• kjennskap til kollektivbransjen og/eller samferdselssektoren
• erfaring frå eller innsikt i offentleg sektor

Personlege eigenskapar

Vi treng deg som

• kjenner deg igjen i våre verdiar, som er open, kompetent og modig
• er engasjert i grøn omstilling og vil bidra i samfunnsutviklinga
• jobbar strukturert, sjølvstendig og har sterk gjennomføringsevne
• har gode samarbeidsevner og kommuniserer klart og tydeleg
• bidrar positivt til arbeidsmiljø og kulturutvikling

Vi tilbyr

Hos oss får du:

• ein meiningsfull og samfunnsnyttig arbeidskvardag
• ei spennande stilling i eit arbeidsmiljø med høg fagleg kompetanse
• gode moglegheiter for fagleg utvikling
• løn etter avtale
• gode offentlege pensjons- og forsikringsordningar
  

Om Skyss

Skyss har ansvaret for det offentlege tilbodet med buss, bybane, båt og ferje i Vestland fylke.

Vi er eit kompetanseorgan for mobilitet og kollektivtrafikk i fylket, og skal sikre at vi når dei politiske måla som fylkestinget set for kollektiv- og mobilitetstenester. Skyss sitt mål er å gjere det mogleg for kvar enkelt å reise berekraftig frå der du er til dit du skal.

Skyss skal bidra til å nå klimamåla i Parisavtalen. Vi skal gjennom ein forretningsmessig og digital transformasjon, slik at vi kan sikre samanheng i mobilitetstenester på nye måtar til det beste for innbyggarane i Vestland. For å få dette til, må vi styrke laget med nøkkelpersonar som har interesse for mobilitet og som ønsker å bygge bru mellom dagens løysingar og eit mobilitetstilbod for framtida. Skyss er ei eining i Vestland fylkeskommune, har om lag 100 tilsette og eit budsjett på vel 6 milliardar kroner.

Les meir om Skyss her: Jobb og karriere i Skyss