Fagarbeidar

Austbø barnehage har ledig fast stilling som fagarbeidar 100% frå 10.8.26. Me treng også faste ringevikarar. I Time kommune arbeidar me for å gje alle barn eit trygt og godt barnehagemiljø. Visjonen vår er at barn og unge skal ha lyst på livet og evne til å meistre det.

Austbø barnehage er ein 4 avdelings barnehage med sentral beliggenhet på Bryne. Me er ein mellomstor barnehage med plass til 73 barn og er opptatt av å laga trygge og gode dagar for barna, personalet og foreldre. Me har eit spennande uteområde, og buss som gjer med me kjem oss ut på lengre turar rundt på Jæren. Barnehagen har ny og moderne personalavdeling som er godt tilrettelagt for de tilsette.

Me er nytenkande og arbeidar alltid med fagleg utvikling. Austbø er Marte meo praktiker barnehage. Me har fleire fellesdagar der alle barn og vaksne deltek, og fokuset er inkludering, meistring og glede. Personalet i Austbø er trygge og autoritative vaksne som er til stades for barna. Me har stort fokus på verdiane våre: Glede, omsorg og engasjement.

Me har pedagogar, inkluderingspedagog, fagarbeidarar og spesialpedaog. Me er lærebedrift for lærlingar i barne- og ungdomsarbeidarfaget. I administrasjonen er det styrar og assisterande styrar.

Her kan du sjå litt frå kvardagen i barnehagen Austbø barnehage

Arbeidsoppgåver

• Arbeida målretta i tråd med lovverk og barnehagen sitt eige planverk i nært samarbeid med dei andre tilsette på avdelinga og i barnehagen
• Arbeida i tråd med barnehagen sitt barnesyn
• Arbeida for eit trygt og godt barnehagemiljø for både enkelt barn og barnegruppe, foreldre og tilsette
• Foreldresamarbeid på avdelinga
• Gje barna ein god og trygg start på livet
• Skapa trivsel og utvikling, for både barn, personalet og føresette
• Er aktiv saman med barna i kvardagen

Kvalifikasjonar

• Du har godkjent fagbrev som barne- og ungdomsarbeidar.

• Gode digitale ferdigheiter
• Gode norske språkferdigheiter - både skriftlege og munnlege. For jobb i barnehage er det språkkrav etter barnehagelova §27 og §28

Du må laste opp relevante vitnemål og attestar. Vitnemål og/eller karakterutskrift kan du henta frå Vitnemålsportalen. Har du utdanning frå utlandet må du leggja ved generell og/eller yrkesgodkjenning frå Direktoratet for høgare utdanning og kompetanse (HKdir).

Personlege eigenskapar

• Gode samarbeidsevner, både internt og eksternt, og kunne bidra positivt i jobbfellesskapet
  
• Evne til å kunne arbeide sjølvstendig og ta initiativ til oppgåver som må gjennomførast
  
• Villig til å ta fatt på nye arbeidsoppgåver etter kvart som organisasjonen endrar seg
  
• Du må like utfordringar, vere engasjert og løysingsorientert
  
• Evne til å ta ansvar for eigen utvikling og ta til deg ny kunnskap
  
• Du må ha gode kommunikasjonsevner og framstå klar og tydeleg
• Gode evne til å synleggjera teori i praksis, aktiv, framtidsretta og nytenkjande
• Du har godt humør, og bidreg til å skapa trivsel og humor i kvardagen
• Du ser, forstår og har mot til å handla saman med kollega, barn og føresette
• Du har eit ynskje om å vidareutvikla barnehagen
  

Me tilbyr

• Gode pensjonsordningar
• Løn etter tariff
• Ein spennande, variert og fagleg utfordrande arbeidsplass i eit godt arbeidsmiljø
  
• Nært samarbeid med eit breitt fagmiljø i ein organisasjon i utvikling

Der det er lovkrav om det, må politiattest registreres før første arbeidsdag tar til.

"Me skal gjera kvarandre gode" er leveregelen for oss som jobbar i Time kommune. Me er opptatt av å utvikla og forbetra tenestene i lag med innbyggarane, besøkande og næringslivet slik at Time skal vera ein trygg og framtidsretta kommune. Kommunen har ca. 20 000 innbyggarar og ligg midt på Jæren, med Bryne som regionssenter og kollektivknutepunkt for buss og jernbane. Time er ein stor jordbrukskommune og har i tillegg eit variert næringsliv, med flest sysselsette innan industri, varehandel, hotell og restaurant. Det er 1340 årsverk i Time kommune, fordelt på om lag 1800 personar.

Time kommune er opptatt av mangfald og me oppmodar derfor alle som er kvalifiserte til å søka hos oss, uansett alder, kjønn, etnisitet, religion, funksjonsevne, seksuell orientering og kjønnsidentitet. Me gjer merksam på at opplysningar om søkaren kan verta offentleggjort, sjølv om ein har bede om å bli unntatt offentlegheit. Søkar vil verta varsla før offentleggjering.