Avdelingsleiar

Bufetat region vest har ledig ei fast 100 % stilling som avdelingsleiar ved Stavanger Akuttsenter, avdeling Madla. Arbeidstid på dagtid (fleksitid). Oppstart etter avtale.

Stavanger akuttsenter, avdeling Madla, tek imot ungdom plassert etter lov om barnevern §§ 6-1 og 6-2/ 5-1. Vi har totalt plass til 5 ungdomar i alderen 13-18 år. Ungdomane bur på institusjonen til akuttsituasjonen er avklara. Opphaldet i institusjonen skal bidra til utreiing og kartlegging i høve til eventuelle vidare tiltak. Senteret har 2 institusjonsavdelingar og 79 beredskapsheimar fordelt på to avdelingar; ein i Haugesund og ein i Stavanger. Vi bistår heile Rogaland og tek i mot ca. 350 barn i året. Avdelingsleiaren er ein del av senteret sitt leiarteam og blir ein viktig bidragsytar i forhold til den faglege utviklinga på feltet.
Vi ser etter ein tydeleg og tilstadeverande avdelingsleiar som kan skape stabilitet i ei kompleks og levande institusjonskvardag. Hos oss leiar du i sanntid - midt i situasjonane, tett på ansatte og ungdom - samtidig som du held fast i retninga og driv fram tenesteutvikling. Det er ei leiarrolle for deg som motiveras av ansvar, relasjonar og resultatar - og som evnar å omsetje verdiar til handling.

Stillinga inneber at du både må ha leiarerfaring, barnevernfagleg eller helse- og sosialfagleg kompetanse samt erfaring frå døgndrift. Vi har behov for deg som har engasjement, og er opptatt av å vere del av ein organisasjon som skal utvikle best mogeleg tenestar i tråd med til ei kvar tid gjeldande faglege føringar. Vi samarbeidar tett med kommunale barneverntenester, skule, helse m.m.

Arbeidsoppgåver

• Dagleg ansvar for avdelinga, herunder planlegge og sikre effektiv turnusdrift gjennom året.
• Fag- og personaloppfølging, samt ansvar for internkontroll.
• Leie, motivere og følgje opp dei tilsette.
• Sikre at avdelinga vert drifta innafor dei faglege- og økonomiske rammene.
• Følgje opp administrative føringar og rapportere i tråd med dette.
• Sikre godt arbeidsmiljø saman med dei tilsette.
• Kvalitetssikring drift og arbeidsprosessar.
• Sikre godt samarbeid internt og eksternt.
• Avdelingsleiar må pårekne å ta del i det faglege arbeidet ved avdelinga.

Kvalifikasjonar

Krav til stillinga:

• Utdanning på bachelor- eller masternivå som barnevernspedagog, sosionom eller vernepleiar. Anna relevant bachelorgrad kan vurderast.
• Relevant leiarerfaring, gjerne innan offentleg sektor samt institusjonsdrift.
• Erfaring med endring- og utviklingsarbeid.
• God munnleg og skriftleg framstillingsevne på norsk.
• Gode digitale ferdigheitar og erfaring med rapportering og dokumentasjon.
  

Det er ønskjeleg med:

• Relevant videreutdanning tilsvarande 60 studiepoeng eller master.
• Leiarerfaring frå barnevernsfeltet.
• Erfaring med personaloppfølging.
• Erfaring frå kommunalt barnevern.
• Du bør ha sertifikatet for bil.
  

Personlege eigenskapar

Du er ein trygg og tydeleg leiar som vågar å utfordre og evnar å gjennomføre

• Du evnar å jobba strategisk, utviklings- og resultatorientert.
• Du er åpen for innspel, gjer handlingsrom og er god til å sjå, utvikle og motivera den enkelte medarbeidar.
• Gode kommunikasjons- og samarbeidsferdigheitar.
• Evne til å arbeida sjølvstendig og strukturert og vere aktiv i utvikling av senteret.
• Framoverlent i høve til utvikling av beste praksis.
• Fleksibel i høve til arbeidsoppgåver, både faglege og administrative.
• Evne til å ta beslutningar i komplekse sakar.
• For oss er det også svært viktig korleis du som person passar til jobben. Dette vil bli teke med i den totale vurderinga.

Vi tilbyr

• Stillinga er plassert i statleg lønsregulativ i stillingskode 1407 avdelingsleiar, p.t. frå kr 700 000 - 860 000 pr. år.
  Løn vert vurdert etter utdanning og erfaring. For særskild kvalifiserte søkjarar kan høgare løn vurderast.
• Medlemskap i Statens pensjonskasse jf. Lov om Statens pensjonskasse, som inneber ei god tenestepensjonsordning, med moglegheit om tilbod om bustadlån til konkurransedyktige vilkår, samt yrkesskade- og gruppelivsforsikring.
• Ein spanande arbeidsstad, med eit godt fagmiljø og gode utviklingsmoglegheiter.
• Du får vere med på å løfte oss slik at vi kan gi barn, unge og familiar eit enda betre tilbod.
• Høve til å trene inntil ein time i veka i arbeidstida.
• Godt tverrfagleg miljø.

Informasjon til deg som søker

• Inkludering og mangfold er ein styrke og gjer at vi kan løyse oppgåvene våre enda bedre. Derfor ønskjer vi oss medarbeidarar med ulike kompetansar, fagkombinasjonar, livserfaringar og perspektiv. Har du funksjonsnedsetjing, hol i CV-en eller innvandrarbakgrunn, oppmodar vi deg som søkjar til å krysse av i jobbsøkjarportalen. Er det kvalifiserte søkjarar, kallar vi inn minst ein i kvar gruppe til intervju, og får du jobben, legg vi til rette for deg om du treng det. Utanom å velje ut riktige kandidatar, nyttar vi ikkje avkryssingane til noko anna enn anonymisert statistikk.
• Stillinga er for tida lagt til Stavanger Akuttsenter, avd Madla.
• Politiattest må fremleggas ved tilsetjing, jf. lov om barnevern § 12-11 andre ledd, forskrift om politiattest § 7. Denne attesten skal ikkje leggas ved søknaden.
• Du kan be om å ikkje bli oppført på den offentlege søkarlista. Dette må i så fall begrunnas. Vi kontaktar deg dersom ønsket ditt ikkje tas til følge.

Søknad med CV sendas elektronisk via link på denne sida.

For å bli vurdert som søkjar, må du leggja ved relevante vitnemål og attestar med stadfesta stillingsstorleik. Vitnemål for utdanning teke i Noreg skal lastast opp frå Vitnemålsportalen. Har du utdanning frå utlandet må du leggja ved godkjenning frå Direktoratet for høgare utdanning og kompetanse/NOKUT.

Barne-, ungdoms- og familieetatens fem regionar har som hovudoppgåve å drifte og drive etaten sine institusjonar og familievernkontor. I tillegg har regionane ansvar for fosterheimsrekruttering og oppgåver knytt til adopsjon. Barn, unge og familiane deira skal få riktig hjelp til rett tid uansett kvar dei bur i Noreg. Bufetat sine fem regionar rapporterar til Barne-, ungdoms- og familiedirektoratet som er underlagd Barne- og familiedepartementet.

Bufetat region vest femnar om fylka Vestland og Rogaland. Regionkontoret ligg i Bergen