Operasjonssjukepleiar Thorax

Ønsker du faglege utfordringar og er ein god lagspelar så må du sjå her.

Thoraxkirurgisk seksjonen (TKS) er ein spennande seksjon med dyktige medarbeidarar og faglege utfordringar. TKS er ein del av Kirurgisk serviceklinikk (KSK) som er den største somatiske klinikken i føretaket med om lag 1200 tilsette. KSK har ansvar for store delar av tilbodet innan operasjon, anestesi, intensivbehandling og akuttmedisin på Haukeland universitetssjukehus.

Thoraxseksjonen ligg i 2. etasje og har fine lokale med fire operasjonsstover. Thoraxseksjonen har hjarte- og lungeoperasjonar som sitt spesialfelt. Den eine operasjonsstova vår er ei hybridstove der vi utfører kirurgi innanfor områda thoraxkirurgi, karkirurgi og invasiv kardiologi. Ein gong i veka, har vi robotassistert thorax kirurgi. I tillegg har vi innlegging av veneporter, Hickman og dialysekateter for heile Haukeland universitetssjukehus. Vi har stort fokus på fagleg utvikling og pasientsikkerheit i ein travel arbeidskvardag.

Vi har ledig to 100% faste stillingar som operasjonssjukepleiar her hos oss. Arbeidstid er dagtid med turnus (37,5 t/u), med heimevakter etter kl 20.00 på kvelden, på natt og i helg.

Vi søker deg som held fokus på pasienten i ein travel kvardag, som er engasjert i å forbedre tilbod og kvalitet og som bidrar positivt til godt samarbeid og triveleg arbeidsmiljø.

Arbeidsoppgåver

• Bistå ved operasjonar, steril og koordinerande funksjon
• Ansvaret for å planlegge og gjennomføring av oppgåver knytt til operasjonspasienten
• Sikre god flyt og gjennomføring av operasjonsprogram
• Undervise studentar i spesialisering og nytilsette
• Delta i daglege driftsoppgåver

Kvalifikasjonar

• Norsk autorisasjon som sjukepleiar og vidareutdanning i operasjonssjukepleie
• Gode datakunnskapar
• Ønskeleg med erfaring som operasjonssjukepleiar
• Gode språkkunnskapar er heilt avgjerande for forsvarleg pasientbehandling. Ikkje-nordiske statsborgarar må kunne dokumentere ferdigheiter i norsk på minimum B2/NOR-U3- nivå eller høgare. Dokumentasjon må leggast ved søknad

Personlege eigenskapar

• Du har motivasjon og interesse for fagfeltet
• Du bidrar positivt til eit fagleg og kollegialt godt miljø
• Du har god fagleg vurderingsevne, arbeider målretta og strukturert
• Du er punktleg og påliteleg
• Du må kunne arbeide godt både sjølvstendig og i team
• Du tilpassar deg lett og er løysingsorientert og fleksibel
• Du kommuniserer og samarbeider godt med pasientar, pårørande og kollegaer
• Du har engasjement for fagfeltet/pasientgruppa og ønskjer å vidareutvikle kompetansen din
• Du behandlar pasientar profesjonelt og empatisk, er imøtekommande og viser respekt
• Du held deg roleg, objektiv og kontrollert i stressande situasjonar, og arbeider stabilt under press
• Du arbeider målretta og toler å stå i krevande situasjonar
• Du trivst med å arbeide i eit tverrfagleg miljø og meistrar høgt tempo

Vi tilbyr

• Ein spennande og meiningsfull jobb
• Eit aktivt og triveleg arbeidsmiljø
• Fagleg dyktige medabeidarar
• Lønn i samsvar med gjeldande overeinskomst
• Gode pensjons- og forsikringsordningar

Vi oppfordrar alle søkarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.

Helse Bergen, Haukeland universitetssjukehus, har nærare14.000 tilsette som har som mål å gi best mogleg helsehjelp til pasientane våre, og rett opplæring til pasientar og pårørande. Kvart år behandlar vi over 900.000 pasientar og bidreg i utdanninga av fleire tusen helsearbeidarar. Forsking og innovasjon er og viktige oppgåver i sjukehuset. Les meir på www.helse-bergen.no eller facebook.

Helse Vest skal så langt som råd avspegle mangfaldet i befolkninga.  Vi ønsker å rekruttere medarbeidarar uavhengig av kjønn med ulik kompetanse, fagkombinasjonar, livserfaring og perspektiv for å bidra i spesialisthelsetenesta.