Assisterande seksjonsleiar ved Auge operasjonsavdeling

Auge operasjon er ein del av Augeavdelinga ved Haukeland universitetssjukehus og har ansvar for både planlagde og akutte operasjonar innan augekirurgi. Seksjonen har fleire operasjonsstover og utfører eit breitt spekter av inngrep i samarbeid med operasjonssjukepleiarar, anesteispersonell, assistentar, portørar og legar. Vi har ein høg og stabil aktivitet med sterk vekt på kvalitet, presisjon og god pasientflyt. Seksjonen har om lag fjorten operasjonssjukepleiarar.

Vi søker ein assisterande seksjonsleiar i 100% fast stilling. Rolla er driftsretta og skal støtte seksjonsleiar i dagleg koordinering, oppfølging av drift og praktiske oppgåver. Stillinga rapporterer til seksjonsleiar og fungerer som stedfortredar ved behov.

Assisterande seksjonsleiar inngår også i klinisk arbeid ved behov og samarbeider tett med fagsjukepleiar og resten av teamet for å sikre god kvalitet og kontinuitet i drifta.

Arbeidsoppgåver

• Bidra til dagleg driftskoordinering og oppfølging av oppgåvefordeling
• Støtte seksjonsleiar i vurdering av bemanning og praktisk drift
• Delta i planlegging og oppfølging av arbeidsplanar og turnus
• Støtte seksjonsleiar i administrative oppgåver knytte til drift
• Bidra i opplæring og oppfølging av nytilsette i samarbeid med fagsjukepleiar
• Følge opp studentar saman med fagsjukepleiar, inkludert fordeling av kontaktsjukepleiarar
• Samarbeide med fagsjukepleiar og MTA om medisinsk teknisk utstyr, service, avvik og opplæring
• Delta i oppfølging av prosedyrar, dokumentasjon, avvik og forbetringsarbeid
• Delta i HMS arbeid, inkludert vernerundar og brannvernopplæring
• Bidra i det daglege operative arbeidet ved behov

Kvalifikasjonar

• Norsk autorisasjon som sjukepleiar
• Vidareutdanning som operasjonssjukepleiar
• Erfaring frå operasjonsavdeling
• Ønskeleg med relevant mastergrad, men ikkje krav
• God samarbeidsevne og god kommunikasjonsevne
• Grunnleggande systemforståing og evne til å bruke administrative system
• Erfaring med leiing eller koordinering er ønskeleg
• Personleg dugleik blir vektlagt

Personlege eigenskapar

• Løysingsorientert og trygg i samarbeid med andre
• Bidrar til eit godt arbeidsmiljø og møter kollegaer og pasientar med godt humør
• Evne til å arbeide strukturert, sjølvstendig og med god gjennomføringsevne
• Trygg i kommunikasjon og i møte med travle og komplekse situasjonar
• Motivert for fagleg utvikling og for å bidra i forbetringsarbeid

Vi tilbyr

• Eit fagleg sterkt og engasjert arbeidsmiljø i Auge operasjon
  
• Varierte og utviklande oppgåver i ei driftsretta rolle
  
• Tett samarbeid med seksjonsleiar, fagsjukepleiar og eit erfarent operasjonsteam
  
• Moglegheiter for fagleg utvikling og relevante kurs
  
• Ein arbeidsplass som vektlegg inkludering, samarbeid og eit godt arbeidsmiljø

Vi oppfordrar alle søkarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.

Helse Bergen, Haukeland universitetssjukehus, har nærare14.000 tilsette som har som mål å gi best mogleg helsehjelp til pasientane våre, og rett opplæring til pasientar og pårørande. Kvart år behandlar vi over 900.000 pasientar og bidreg i utdanninga av fleire tusen helsearbeidarar. Forsking og innovasjon er og viktige oppgåver i sjukehuset. Les meir på www.helse-bergen.no eller facebook.

Helse Vest skal så langt som råd avspegle mangfaldet i befolkninga.  Vi ønsker å rekruttere medarbeidarar uavhengig av kjønn med ulik kompetanse, fagkombinasjonar, livserfaring og perspektiv for å bidra i spesialisthelsetenesta.