Seksjonsleiar Identitets- og tilgangsstyring

Helse Vest IKT har ansvar for produksjon av IKT-tenester til alle sjukehusa i Helse Vest, med høge krav til stabilitet, kvalitet og sikkerheit. Sidan 2004 har Helse Vest IKT levert IT-utstyr og IT-løysingar til heile regionen, og vi aukar jamleg satsinga på innovasjon og nyvinningar for å forenkle pasientkvardagen.

Vi søkjer seksjonsleiar for identitets- og tilgangsstyring. Seksjonen har ansvar for heilskapleg og brukarnær identitets- og tilgangsstyring, som sikrar at rett person får rett tilgang til rett tid. Ansvarsområdet omfattar mellom anna IAM (Identity and Access Management), Active Directory, Entra ID og andre løysingar som legg til rette for gode og effektive brukaropplevingar ved pålogging.

Stillinga rapporterer til avdelingsleiar infrastruktur og inngår i avdelinga si leiargruppe. Du får ansvar for å leie medarbeidarane i teama og sikre leveransar i tråd med verksemda sine mål, strategiar og styringsmodell.

Arbeidsstad vil vere Bergen, Haugesund, Førde eller Stavanger.

Arbeidsoppgåver

• Leie, forvalte og vidareutvikle tenester innan identitets- og tilgangsstyring (IAM) for heile verksemda
• Setje retning gjennom å etablere felles strategiar, styrande prinsipp, arkitektur og standardar på området
• Samordne og vidareutvikle løysingsporteføljen
• Val knytta til teknologiløysingar innan identitets- og tilgangsstyring
• Bygge sterke og velfungerande team som sikrar stabil drift og høg kvalitet i leveransane
• Lede, utvikle og følgje opp medarbeidarar, og bidra til å rekruttere og vidareutvikle nødvendig kompetanse
• Sikre gode brukaropplevingar gjennom trygg og effektiv tilgangsstyring
• Gjennomføre gode avvegingar mellom tryggleik, brukervennlegheit og tekniske løysingar
• Sikre heilskaplege leveransar som støttar verksemda sine mål og behov på tvers av organisasjonen
• Ansvar for økonomi, ressursstyring og personal i eininga
  

Kvalifikasjonar

• Relevant høgare utdanning
• Relevant realkompetanse kan kompensere for manglande formell utdanning
• Ønskeleg med leiarerfaring
• Erfaring frå arbeid med Identitet- og tilgangsstyring
• God forståing for infrastruktur, tryggleik og kva som skal til for å levere stabile plattformer
• God munnleg og skriftleg formidlingsevne på norsk og engelsk
• Gode samarbeids- og kommunikasjonsevner
• Du må kunne sikkerheitsklarerast

Personlege eigenskapar

Vi ser etter deg som:

• er resultatorientert, set tydelege mål og har sterk gjennomføringsevne
• tek velgrunna avgjerder og står støtt i dei – også når dei er krevjande
• har god forståing for verksemda sitt samfunnsoppdrag og ser tenestene våre som del av ei større heilskap
• evnar å balansere dei strategiske hovudlinjene med dei viktige operasjonelle detaljane
• leier og arbeider konstruktivt også under press, og står støtt når du møter motgang
• er ein lagspelar som gir tillit, og som legg til rette for at medarbeidarar får brukt og utvikla kompetansen sin
• skapar engasjement og trivsel, og har eit stabilt og positivt humør

Vi tilbyr

• Ei unik moglegheit til å arbeide i eit stort, kompetent og tverrfagleg fagmiljø i ein banebrytande bransje som påverkar kvardagen til mange
• Eit meiningsfylt arbeid der du bidreg til betre helsetenester, samtidig som du får gode høve til både fagleg og personleg utvikling
• Gode og føreseielege vilkår gjennom Helse Vest sine kollektive avtalar og tilbod for tilsette
• Fleksible arbeidsordningar som legg til rette for balanse mellom arbeid og fritid, med fleksitid og 37,5 timars arbeidsveke inkludert lunsj
• Løn etter avtale
• Gode pensjons- og forsikringsordningar gjennom medlemskap i KLP

Vi oppfordrar alle søkjarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.