Avdelingsleiar Infrastruktur

Helse Vest IKT har ansvar for produksjon av IKT-tenester til alle sjukehusa i Helse Vest, med høge krav til stabilitet, kvalitet og sikkerheit. Sidan 2004 har Helse Vest IKT levert IT-utstyr og IT-løysingar til heile Helse Vest, og vi aukar jamleg satsinga på innovasjon og nyvinningar for å forenkle pasientkvardagen.

Vi søkjer avdelingsleiar for Infrastruktur. Avdelinga har hovudansvaret for leveransar innan datanettverk, konfigurasjon av plattformer for sluttbrukarutstyr, samt dei fleste sjukehusnære tenester innan varsling og alarmar, interntelefoni og teknologi knytt til pasient-TV, informasjonsskjermer med meir.

Avdelinga består av fire seksjonar: nettverk, pasientnær kommunikasjonsteknologi, klientplattform og identitets- og tilgangsstyring. Stillinga rapporterer til divisjonsleiar og er ein del av divisjonen si leiargruppe.

Arbeidsstad vil vere Bergen, Haugesund, Førde eller Stavanger.

Arbeidsoppgåver

• Leie arbeidet med å omsetje strategi til konkrete planar, tydelege prioriteringar og heilskapleg kapasitetsstyring i avdelinga
• Ta ansvar for koordinering, forankring og målretta gjennomføring på tvers av team og einingar
• Setje retning og sikre robuste, framtidsretta tekniske løysingar på overordna nivå
• Drive kontinuerleg vidareutvikling av dei teknologiske plattformene i tråd med verksemda sine behov
• Identifisere og ta i bruk ny teknologi som skapar verdi for brukarane og verksemda
• Prioritere satsingar og teknologival basert på strategiske mål og tilgjengelege ressursar
• Ha overordna ansvar for økonomi, ressursstyring og personaloppfølging i avdelinga

Kvalifikasjonar

• Relevant høgare utdanning
• Relevant realkompetanse kan kompensere for manglande formell utdanning
• Leiarerfaring frå større organisasjonar
• Erfaring frå eitt eller fleire av fagfelta som avdelinga har ansvar for
• God forståing for infrastruktur, tryggleik og kva som skal til for å levere stabile plattformer
• God munnleg og skriftleg formidlingsevne på norsk og engelsk
• Gode samarbeids- og kommunikasjonsevner
• Må kunne tryggleiksklarerast

Personlege eigenskapar

Vi ser etter deg som:

• er resultatorientert, set tydelege mål og har sterk gjennomføringsevne
• tek velgrunna avgjerder og står støtt i dei – også når dei er krevjande
• har god forståing for verksemda sitt samfunnsoppdrag og ser tenestene våre som del av ei større heilskap
• evnar å balansere dei strategiske hovudlinjene med dei viktige operasjonelle detaljane
• leier og arbeider konstruktivt også under press, og står støtt når du møter motgang
• er ein lagspelar som gir tillit, og som legg til rette for at medarbeidarar får brukt og utvikla kompetansen sin
• skapar engasjement og trivsel, og har eit stabilt og positivt humør

Vi tilbyr

• Ei unik moglegheit til å arbeide i eit stort, kompetent og tverrfagleg fagmiljø i ein banebrytande bransje som påverkar kvardagen til mange
• Eit meiningsfylt arbeid der du bidreg til betre helsetenester, samtidig som du får gode høve til både fagleg og personleg utvikling
• Gode og føreseielege vilkår gjennom Helse Vest sine kollektive avtalar og gode tilbod for tilsette
• Fleksible arbeidsordningar som legg til rette for balanse mellom arbeid og fritid, med fleksitid og 37,5 timars arbeidsveke inkludert lunsj
• Løn etter avtale
• Gode pensjons- og forsikringsordningar gjennom medlemskap i KLP

Vi oppfordrar alle søkjarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.