Sommarjobb for IT-studentar

DigdirCamp 2026

Ønskjer du sommarjobb i eit direktorat som jobbar med teknologi for å løyse viktige samfunnsoppgåver? Kvart år inviterer vi IT-studentar til å vere med på DigdirCamp i Sogndal i Vestland fylke. På DigdirCamp får du bruke kunnskapen og ferdigheitene dine til å jobbe med konkrete programmeringsoppgåver ved sida av erfarne utviklarar i våre fagmiljø.

Digitaliseringsdirektoratet (Digdir) er regjeringa sitt fremste verktøy for raskare og samordna digitalisering av offentleg sektor. Vi har eit spesielt ansvar for utvikling, drift og oppfølging av nasjonale felleskomponentar som mellom anna ID-porten ogMinID.

Vi har ledig sommarjobb for inntil åtte IT-studentar frå midten av juni til midten av august 2026. 

Fritid og sosiale aktivitetar

Sogn er som skapt for å utforskast! På fritida kan du utforske det vakre landskapet i Sogn, med fjell og fjordar like i nærleiken. Jotunheimen ligg berre ein god time unna. I tillegg sørger vi for bustad i Sogndal sentrum, der Digdir tek delar av kostnaden.

Som del av campen får du også vera med på Sognacamp (https://www.sognacamp.no/) - eit unikt konsept lansert i 2025, der lokalt næringsliv i Sogn har gått saman for å tilby ei spektakulær ramme på fritida for sommarjobbstudentar, med sosiale aktivitetar, utflukter og kjekke hendingar. 

Sognacamp organiserer aktivitetar, der vekedagane byr på enkle og lågterskeltilbod, medan helgane er sett av til større opplevingar. Du får sjansen til å bli kjend med andre unge sommarvikarar, bygge nettverk og oppleve alt det Sogn har å by på.

Arbeidsoppgåver

Du får høve til å arbeide tett saman med utviklingsmiljøet i Digdir. Oppgåvene vil vere å utvikle og tilpasse digitale tenester for offentleg sektor.

Studentane jobbar gjerne i to grupper for å løyse konkrete oppgåver. Gjennom sommaren presenterer studentane korleis dei jobbar med oppgåvene og kva for løysingar dei foreslår. 

Kvalifikasjonskrav

Vi søkjer primært etter studentar innan informatikk/systemutvikling. Arbeidsspråket er norsk.

Søknaden

Pass på at du i søknaden skriv kva utdanning du tek og kor langt du er komen i utdanninga. 

Vi treng også informasjon om du ønskjer felles innkvartering, og om du kan følgje oppsett arbeidsperiode hos oss.

Vi tilbyr

• timeløn som svarer til ei årsløn på kr 500 000
• eit spennande arbeidsfellesskap saman med våre erfarne medarbeidarar og med andre IT-studentar
• gode moglegheiter for kortreiste friluftseventyr i kvardagen
• ei supergod kantine i våre nyinnflytta lokaler
• å få jobbe på ein spennande arbeidsplass med stor grad av fridom slik som denne karen (https://youtu.be/2YiVLT1xF6Q)

Les meir om godene ved å jobbe i staten på Arbeidsgivarportalen (https://arbeidsgiver.dfo.no/lonn-goder-og-reise).

Vil du vite meir?

Les meir om DigdirCampen på våre eigne nettside (https://www.digdir.no/digdir/digdircamp-sommarjobb-it-studentar/1133) 

Er dette høyrest interessant og du ønskjer meir informasjon, kontakt gjerne

Systemutviklar Kristoffer Svedal
E-post: kristoffer.svedal@digdir.no
Telefon: 95 33 55 66

Seksjonssjef Jørn Stenehjem
E-post: jorn.stenehjem@digdir.no
Telefon: 911 46279

Vitnemål og attestar må følgje søknaden. Vi ber om at du hentar vitnemål frå Vitnemålsportalen direkte i Jobbnorge når du søkjer på stillinga. 

Søkarlister kan bli offentleggjorde i samsvar med offentleglova § 25. Dersom du ønskjer å reservere deg mot å bli oppført på den offentlege søkjarlista, må dette grunngjevast. Opplysningar kan bli offentleggjorde sjølv om du har bedt om å ikkje bli oppført på lista. Du vil i så fall bli varsla.

Digdir er underlagt Digitaliserings- og forvaltningsdepartementet. Direktoratet har om lag 475 tilsette fordelt på våre kontor i Brønnøysund, Leikanger og Oslo. Vi har fire fagavdelingar, to stabs- og støtteavdelingar og eit tilsyn for universell utforming av ikt, som har ei særskilt uavhengig rolle. Våre verdiar er påliteleg, inkluderande og uredd. 

Digdir er regjeringas fremste verktøy for ei raskare og meir samordna digitalisering av offentleg sektor. Direktoratet skal bidra til enklare og meir tilgjengelege offentlege tenester for innbyggarane og auka verdiskaping for næringslivet. Visjonen vår er saman for ein enklare digital kvardag. 

Les meir om Digdir på våre nettsider Digdir.no.