Konsulent / spesialkonsulent dokumentasjonsforvaltning

Dokumentsenteret arbeider med det daglege og løpande dokumentasjonsarbeidet i Vestlandfylkeskommune, og legg til rette for god journalføring- og arkiveringspraksis iheile organisasjonen. Dokumentsenteret driv også rettleiing og støtte tilfagavdelingane.

Vi har no ledig fast stilling med kontorstad i våre moderne og funksjonelle lokale påLeikanger. Som medarbeidar ved dokumentsenteret vert du del av eit stortfagmiljø, og du vil få bidra til openheit, kvalitet og tillit i denfylkeskommunale forvaltninga.

Dersom du trivst med systematisk arbeid, har auge for kvalitet og ønskjer å bidra til eiprofesjonell forvaltning kan det vere nettopp deg vi er på leit etter, enten duer nyutdanna eller erfaren. Stillinga er ledig omgåande, med oppstart snarast mogleg.

Arbeidsoppgåver

• Mottak og journalføring av elektronisk og digital post, samt innskanna fysisk post og anna saksdokumentasjon
• Kvalitetssikring og utlegging av offentleg journal på einnsyn.no
• Brukarstøtte og bistand til saksbehandlarar
• Ved behov bistå med opplæring innan fagområdet og sak- og arkivsystemet Elements
• Bidra til utvikling og forbetring av rutinar og arbeidsprosessar
• Andre drifts- og utviklingsorienterte oppgåver innan eininga sine ansvarsområde

Kvalifikasjonar

• Utdanning på bachelornivå med relevant fag/emnesamansetning; gjerne innan arkiv, dokumentforvaltning, IT eller administrative fag. Relevant erfaring kan etter vurdering erstatte formalkrav til utdanning
• God skriftleg og munnleg framstillingsevne på norsk
• God digital kompetanse og systemforståing
• Ønskjeleg med kjennskap til sak- og arkivsystemet Elements
• Ønskjeleg med kjennskap til offentleg forvaltning og relevant regelverk

Personlege eigenskapar

• Du kjenner deg igjen i verdiane open, kompetent og modig
• Du har interesse for fagområdet og har ei positiv haldning til utvikling og digitalisering
• Du har stor arbeidskapasitet, er løysingsorientert og evner å samarbeide for å oppnå felles mål
• Du er fagleg nysgjerrig og god til å dele kunnskap med kollegaer

Vi tilbyr

Hos oss får du:

• gode moglegheiter for fagleg utvikling
• samarbeid med dyktige kollegaer i eit stort fagmiljø
• løn etter avtale
• gode offentlege pensjons- og forsikringsordningar
• fleksibel arbeidstid og moglegheiter for heimekontor

Vestland fylkeskommune har ansvar for å utvikle Vestland fylke og å yte viktige tenester for samfunnet. Vi gir vidaregåande opplæring, tannhelsetenester og kollektivtransport til innbyggjarane i fylket. Vi har ansvar for vegsamband og legg til rette for næringsutvikling, fritidsopplevingar, kulturliv og inkludering. Klima og miljø er premiss for samfunnsutviklinga og som verdiskapingsfylke er Vestland ein nasjonal pådrivar for eit desentralisert Noreg.

Vi skal vere ein trygg og inkluderande arbeidsplass for alle, uavhengig av kjønn, alder, etnisk bakgrunn, religion, livssyn, funksjonsevne, seksuell orientering og kjønnsidentitet. Hos oss jobbar vi aktivt med mangfald, inkludering og likestilling. Mangfald bidrar til auka innovasjon, berekraft, effektivitet, læring og trivsel. Vi vil at dei som jobbar hos oss skal spegle samfunnet i Vestland.

Vi gjer merksam på at i følgje offentleglova § 25, 2. ledd, kan opplysningar om søkjaren bli offentleggjort sjølv om du har oppmoda om å ikkje bli ført på offentleg søkjarliste. Dersom du har bedt om unntak frå offentleg  søkjarliste vil du alltid bli varsla før søkjarlista blir offentleggjort. 

Alle nye tilsetjingar blir gjort med ei prøvetid på 6 månader. Administrasjonsmålet vårt er nynorsk.