Tilkallingsvikar barne- og ungdomsskule

Annonsen gjeld stillingar på grunnskulane i Ulstein kommune.

Som hovudregel vert ledige stillingar lyst ut med eiga annonse, men vi har også behov for tilkallingsvikarar (rammeavtale) eller vikarar for korte periodar og lyser med dette ut annonse for det. Dersom du ønskjer å bli tilkallingsvikar, kan du vise interesse ved å sende oss elektronisk søknad.

Kvalifikasjonar

Vi søkjer etter vikarar til undervisningsarbeid i 1.-10. klasse, samt assistentvikarar for arbeid i skule og skulefritidsordning.

Personlege eigenskapar

Vi søkjer deg som:

• Har godkjent lærarutdanning eller anna undervisningskompetanse
• Har fagbrev i B/U-arbeidarfaget eller anna relevant erfaring frå undervisning eller arbeid med barn og unge
• Er god på å bygge relasjonar
• Vi legg vekt på evne til god kommunikasjon, samarbeid, stabilitet og fleksibilitet
  

Vi tilbyr

Avtale som tilkallingshjelp (rammeavtale) betyr at Ulstein kommune tek kontakt med arbeidstakar ved behov for midlertidig tilsetting, jf. AML § 14-9.
Det er kommunen sitt behov som er utgangspunktet for førespurnaden til arbeidstakaren. Avtalen inneber i seg sjølv inga plikt for arbeidstakaren til å utføre arbeid i kommunen. Arbeidsgjevar har rett til å inngå tilsvarande avtale med andre, og kommunen står fritt i val av arbeidstakar i det einskilde høve.
Rammeavtalen er saman med arbeidsplan/vaktliste ein godkjent arbeidsavtale, og Ulstein kommune har arbeidsgjevaransvar frå du kjem på jobb og til arbeidsdagen er ferdig. Du er i denne perioden omfatta av kommunens sine pensjons- og forsikringsordningar.

Krav til dokumentasjon:
For dei fleste stillingane i skulen er det krav om politiattest jf. opplæringslova. Tilfredsstillande politiattest skal vere levert før start i stilling. Arbeidsgivar må skriftleg stadfeste behov for politiattest, før ein kan søke om dette. Det kan vere behandlingstid hos politiet.

Dei som vert tilsett i stilling på skule kan bli pålagt å ta tuberkuloseprøve.

Det er krav om vitnemål og dokumentasjon av arbeidserfaring (attest) ved fastsetting av løn. Lønsansiennitet blir satt til 0 år før dokumentasjon er levert og vurdert.

Elektronisk søknadsprosess:
Vi rår til at du lastar opp vitnemål og attestar og eventuelt studentbevis som viser kva studie du tek og kva semester du er inne i, i Webcruiter. Desse dokumenta vert ein del av den elektroniske søknaden.

Vi tek i mot søknader fortløpande, og ønsker deg velkomen som søkjar her hos oss i Ulstein kommune. Til informasjon vil leiarane på skulane få tilgang til søknaden din.

Om vi ved seinare høve lyser ut ledig stilling som er interessant for deg, gjer vi merksam på at du må sende inn ny søknad til den konkrete stillinga.

Generell informasjon: 
Søkjarlister er offentlege.

Løn- og arbeidsvilkår er etter gjeldande lov- og avtaleverk. 

Kontaktinformasjon

Marianne Ulstein Johnston, Skulefagleg rådgivar, 70017703, Marianne.Ulstein.Johnston@ulstein.kommune.no

Arbeidsstad

Rådhuset

6065 ULSTEINVIK

Nøkkelinformasjon:

Arbeidsgivar: Tilkallingsvikar


Referansenr.: 5161435897

Stillingsprosent: 100%

Vikar