Vil du leie og utvikle eit sterkt fagmiljø på Hareid?

Vil du leie og utvikle eit sterkt fagmiljø på Hareid?

SpareBank 1 Regnskapshuset SMN er ein del av det største finanskonsernet i Midt-Noreg og ein leiande leverandør av rekneskapstenester, økonomirådgiving og rapporteringsløysingar. No ser vi etter ein trygg og engasjert teamleiar som ønskjer å vere med på å vidareutvikle kontoret vårt på Hareid. 

Som teamleiar får du personalansvar for seks medarbeidarar og ei viktig rolle i den vidare utviklinga av kontoret. Du blir òg ein del av det lokale leiarteamet på Søre Sunnmøre, saman med marknadsområdeleiar og teamleiar for kontora i Ørsta og Volda. Vi trur det er viktig at du blir motivert av å skape gode rammer for både medarbeidarar og kundar, bidra til fagleg utvikling og leggje til rette for eit sterkt lag som leverer høg kundeverdi. 

Dei viktigaste ansvarsområda dine 

Du vil mellom anna: 

• leie, følgje opp og utvikle medarbeidarane på kontoret 
• bidra til høg fagleg kvalitet, gode arbeidsprosessar og eit godt arbeidsmiljø 
• vere ein synleg og tilgjengeleg leiar i den daglege drifta 
• utvikle sterke kunderelasjonar og bidra til gode kundeopplevingar 
• samarbeide tett med andre kontor og fagmiljø i Regnskapshuset SMN 
• bidra til digitalisering, utvikling av tenestene våre og kontinuerleg forbetringsarbeid 
• representere selskapet og byggje relasjonar i lokalt næringsliv 
• vere ein pådrivar i samarbeidet med andre einingar i selskapet og bidra til å realisere samvirkepotensialet i konsernet 

Kven ser vi etter? 

Vi ser etter deg som trivst med å leie og utvikle andre, og som blir motivert av å skape resultat saman med teamet ditt. Du er relasjonssterk, tillitsskapande og evnar å kombinere tydelegheit med omsorg. 

Vi trur du vil lukkast godt hos oss dersom du: 

• har erfaring frå rekneskap, økonomi, rådgiving eller liknande verksemd 
• har leiarerfaring, eller eit ønske om å ta steget inn i ei leiarrolle 
• har god forståing for korleis teknologi og digitalisering påverkar kundearbeid og leveransar 
• er strukturert, skaper framdrift og byggjer gode relasjonar 
• blir motivert av å utvikle menneske og fagmiljø 
• har relevant utdanning innan økonomi, rekneskap eller leiing. Relevant erfaring kan kompensere for formell utdanning. 

Kva tilbyr vi? 

Hos oss får du ei spennande leiarrolle med stor grad av tillit og handlingsrom. Du blir del av eit sterkt fagmiljø med dyktige kollegaer som samarbeider på tvers av fagområde for å skape verdi for kundane våre. 

I tillegg tilbyr vi: 

• gode moglegheiter for fagleg og personleg utvikling 
• personalbank med svært gode vilkår på lån og forsikring 
• gode pensjons- og forsikringsordningar, inkludert AFP 
• moglegheit til å bli medeigar i SpareBank 1 SMN gjennom ansattprogrammet vårt 
• ein trygg og solid arbeidsgivar med fokus på mangfald, inkludering og berekraft 
• sosiale arrangement, aktivitetar og tilgang til firmahytter 

Klar for å bli ein del av laget vårt? 

Vi ønskjer ein enkel og smidig rekrutteringsprosess. Du treng ikkje å skrive søknadsbrev. Det held at du svarar på nokre korte spørsmål i søknadsportalen og lastar opp CV. 

Har du spørsmål om stillinga? 

Ta gjerne kontakt med marknadsområdeleiar Synnøve Hovdenakk på telefon 905 17 360. 

Vi gler oss til å høyre frå deg!