Vil du  bidra til auka livskvalitet og meistring for barn og unge i Alver?

Om stillinga

Vi søkjer ein engasjert og fagleg nysgjerrig ergoterapeut til ein nyoppretta ergoterapistilling i Alver kommune med arbeidsted i Knarvik. Stillinga er ein del av Fysio-ergoterapitenesta i Alver kommune, og ansvarsområdet vil være barn og unge på Frekhaug- og Knarvik området. Du får ein kvardag der du jobbar tett på barn/unge, føresette og andre samarbeidspartnarar - med mål om meistring i kvardagsaktivitetar og deltaking både på heimebane, i barnehage/skule, institusjon og i våre lokale. 

Stillinga er ledig fom. 01.05.26.

Om oss

• Fysio-ergoterapitenesta og Hjelpemiddellageret i Alver kommune er delt inn i 4 ulike distrikt: Frekhaug, Knarvik, Manger og Hjelpemiddellageret på Mjåtveit. 
• I tillegg har me 22 avtalefysioterapeuter fordelt på 8 ulike institutt

Arbeidsoppgåver

• Hjelpemiddelformidling, opplæring og tilpassing av hjelpemiddel 
• Tilrettelegging for aktivitet og deltaking, samt energiøkonomisering
• Bustadtilrettelegging, tilrettelegging skule/barnehage og rådgjeving 
• Rettleiing og samarbeid med barn/unge, føresette og andre samarbeidspartnera
• Observasjon og kartlegging av motoriske ferdigheiter
• Bidra til rehabilitering, førebygging og kvardagsmeistring slik at barn/unge oppnår best mogleg funksjon
• Koordinator med og utan individuell plan (IP)

Kvalifikasjonskrav 

• Autorisasjon som ergoterapeut 
• Erfaring frå arbeid med barn/unge og hjelpemiddelformidling
• Praktisk erfaring med tilrettelegging av ulike arenaer
• Gode digitale ferdigheiter og kjennskap til digitale dokumentasjonsverktøy 
• Førarkort klasse B 
• Gode norskkunnskapar, munnleg og skriftleg

Ønskjeleg kompetanse

• Godkjent bestillar eller erfaring frå samarbeid med NAV Hjelpemiddelsentral
• Vidareutdanning eller kurs innafor brukargruppa 
• Erfaring som koordinator og/eller med individuell plan

Me er ein organisasjon i læring! 

Som ein del av arbeidet vert det forventa at du bidrar til ein læringskultur ved å dela kunnskap og utvikla deg i takt med endringar i samfunnet. Du heldt deg oppdatert på relevante arbeidsverktøy, arbeidsmetoder og aktivt tek ansvar for læring, samt fagleg og personleg utvikling. Vi arbeider med å utvikle vår digitale kompetanse, og nyttar mellom anna teams i vår informasjonsflyt. Bidrag til å løysa arbeidsoppgåver med ny teknologi eller anna vert godt motteke. 

Kven er du?

• Du er tolmodig, motiverande og positiv. 
• Du byggjer tillit over tid, kommuniserer tydeleg og handterer krevjande situasjonar med ro.
• Du er initiativrik og løsningsorientert, med eit stort  engasjement for brukargruppa. 
• Du har gode samarbeidsevner, men kan og arbeide sjølvstendig. 
• Du trivst i ein travel og variert kvardag.
• Du innhentar deg nødvendig kunnskap og er fagleg oppdatert.
• Du kan reflektera etisk og fagleg over komplekse problemstillingar 

Me tilbyr

• Ein meiningsfull jobb der du kan gjera ein forskjell i livet til barn og unge
• Spanande og varierte arbeidsoppgåver 
• Godt fagmiljø og moglegheit til å utvikla ferdigheitane dine 
• Me har eit godt og inkluderande arbeidsmiljø 
• Stor grad av fleksibilitet og du har moglegheit til å påvirke eigen arbeidskvardag
• Gratis parkering 
• God pensjonsordning i KLP
• Løn i samsvar med gjeldande lov- og avtaleverk

Me er Alver

Me får vere der frå aller fyrste stund, og vi får følgje deg gjennom livet!

Video: https://www.youtube.com/watch?v=_xHE9zF24G4&ab_channel=Alverkommune

Politiattest 

I tråd med Helse- og omsorgstenestelova § 5-4 vert det stilt krav om tilfredsstillande politiattest ved tiltrede
 

Alver kommune - Ein spennande organisasjon for engasjerte og kompetente medarbeidarar! 

Velkomen til Alver kommune, ein kommune som har vakse til å bli ein av dei største kommunane i fylket. Med om lag 30 000 innbyggjarar og 2 700 dedikerte tilsette, har vi eit sterkt samfunn som søkjer å løyse utfordringar og utvikle seg vidare. 

Vår plassering nord for Bergen gir oss privilegiet av ei variert og fascinerande natur. Frå rolege fjordar og opne havområde til majestetiske fjell og lokale toppar, byr Alver kommune på ei rekkje utandørs opplevingar. Vi er også stolte av å huse verdas beste korps og vere vertskap for eit rikt kulturliv. 

Vi verdset meiningsfulle oppgåver og ser på kvar einaste medarbeidar som ein verdifull bidragsytar til vårt viktige samfunnsoppdrag. Som ein del av vårt team vil du få moglegheita til å engasjere deg og bruke din kompetanse til å forme framtida til vår kommune. Vi legg vekt på å skape eit arbeidsmiljø der du kan bløme og utvikle deg. Alver kommune har heiltidskultur som satsingsområde i heile organisasjonen.  

Vi ser fram til å ønskje deg velkommen og gi deg ei meiningsfull og givande karriere hos oss.