Fysioterapeut Lærdal sjukehus

Ortopedi rehabilitering ved Lærdal sjukshus har ledig stilling som fysioterapeut:

• Vikariat i 100% stilling frå 23.02.2026-31.08.2026

Lærdal sjukehus er ein del av Helse Førde HF. Lærdal ligg inst ved Sognefjorden med god kommunikasjon til Oslo og Bergen. Her er typisk vestlandsnatur med flott turterreng i nærområdet, sommar som vinter. Les meir om Lærdal kommune.

Hovedtyngda av arbeidet er ved ortopedisk avdeling seksjon Lærdal, men i tillegg ein del knytt til medisinsk avdeling. Det føregår fortida endringar i organisasjonen som kan m.a. påverke arbeidsoppgåver og forlenging av stillinga.

Arbeidsoppgåver

• Fysioterapi til postoperative ortopediske pasientar
• Poliklinisk vurdering/kontroll av ortopediske pasientar
• Del av tverrfagleg ortopedisk poliklinikk
• Fysioterapi til inneliggande indremedisinske pasientar
• Fysioterapi ved poliklinisk hjerterehabilitering
• Undervise på Lærings- og meistringskurs
• Andre aktuelle oppgåver

Kvalifikasjonar

• For stillinga krevst det dokumentert autorisasjon.
• Det vert lagt vekt på erfaring med elektive ortopediske pasientar
• Søkarar utanfor Skandinavia må dokumentere kunnskap i norsk skriftleg og munnleg
  

Personlege eigenskapar

• Du må kunne arbeide godt både sjølvstendig og i team
• Du har gode samarbeidsevner, er arbeidsvillig og initiativrik
• Du må fysisk kunne delta aktivt i utandørs hjerterehabilitering
• Det vert lagt vekt på personlege eigenskapar

Vi tilbyr

• Lønn i samsvar med gjeldande overeinskomst
• Gode pensjons- og forsikringsordninga
• Ein arbeidsplass som er ei inkluderande arbeidslivsbedrift (IA-bedrift)
• Personalhytta på Filefjell
• Hjelp med å skaffa bustad

Helse Førde HF har ansvar for spesialisthelsetenestene i Sogn og Fjordane. Føretaket arbeider for å gje pasientar og brukarar eit godt og heilskapeleg tilbod innanfor gjeldande rammer. Helse Førde sine institusjonar og prehospitale tenester er organisert i eit heilskapleg nettverk, og samarbeidet med andre instansar som m.a. kommunane er høgt prioritert. Føretaket har om lag 3 200 tilsette og eit budsjett på ca 4 milliardar kroner og er den største verksemda i Sogn og Fjordane. Forsking og innovasjon er og viktige oppgåver i sjukehuset. 

Helseføretaket er eigd av det statlege Helse Vest RHF. Føretaksgruppa i Helse Vest skal spegle mangfaldet i befolkninga i rekrutteringa vår. Vi oppmodar alle som er kvalifiserte til å søkje ledige stillingar uansett kjønn, alder,  fleirkulturell bakgrunn eller om du har hatt opphald frå arbeidslivet. Føretaksgruppa i Helse Vest ønskjer å leggje til rette for inkluderande rekruttering.