Driftsleiar VA

Kvam herad søkjer ein engasjert driftsleiar for VA som vil vere med og vidareutvikle ein av våre mest samfunnskritiske tenester – produksjon av trygt drikkevatn til heile Kvam

Avdelinga innan vatn og avløp har 6 dyktige driftsoperatørar og har ansvar for drift og vedlikehald av alle kommunale VA-anlegg i Kvam og deler av Samnanger (Kvamskogen). Produksjon av drikkevatn skjer i Ålvik, Skålheim, Kvamskogen, Strandebarm og Mundheim. Tilsvarande er det mange mindre anlegg for mottak av avløpsvatn i heile kommunen. I tillegg har kommunen eit nytt og moderne avløpsrenseanlegg i Øystese som reinsar vatn frå Kvamskogen, Øystese og Norheimsund.

Arbeidsoppgåver

• Leia drift og vedlikehald av kommunale anlegg innan vassproduksjon og avløpsrensing
• Vidareutvikla avdelinga i tråd med ny teknologi, kunnskap og arbeidsmetodar
• Planlegga mindre utbetringar på anlegg eller ledningsnett
• Bidra og sikra eit godt samarbeid med overordna mynde som Statsforvaltaren og Mattilsynet
• Delta i rullerande vaktordning
• Kontakt mot abonnentar, myndigheiter og eksterne entreprenørar/leverandørar

Kvalifikasjonar

 Me ser gjerne at du har noko erfaring frå eller kjennskap til:

• Anleggs- eller vassbransjen, tilsvarande stilling eller andre leiaroppgåver
• Arbeid med risikoanalysar, beredskapsplanar, kvalitetssystem og strategiar innan bransjen
• HMS innan VA
• Høgskuleutdanning eller fagskule/fagbrev innan eitt eller fleire tekniske fag t.d. kjemi/prosess, røyrlegging, automasjon eller maskin 
• Førarkort, minimum kl. B, men ynskjeleg også med tyngre køyretøy/tilhengar

Personlege eigenskapar

Som leiar i Kvam herad ventar kommunen at du er profesjonell, innovativ lagspelar.
Ut over det som ligg i desse forventingane, ynskjer me at du er: 

• Interessert i fagfeltet 
• Konstruktiv og gjev tydeleg retning
• Resultatorientert – effektiv, pliktoppfyllande og lojal mot vedtak
• Endringsvillig, serviceinnstilt og samarbeidsvillig på tvers av fag
• Ein leiar med gode evner til å motivera, inspirera og engasjera andre      

Me tilbyr

• Svært varierte og interessante arbeidsoppgåver
• Nye drifts-system som kan utviklast vidare
• Løns- og arbeidsvilkår i samsvar med gjeldande regulativ og lokalt lønnssystem
• Eit godt kollegialt arbeidsmiljø
  

Generell informasjon:

• Søknadar må sendast via Webcruiter for å verta registrert på utlysingssak
• I Kvam herad er det offisielle styringsmålet nynorsk. Alle tilsette i alle kommunale organ pliktar å nytta nynorsk skriftspråk i tenesta
• Me gjer merksam på at etter offentleglova § 25 kan opplysningar om søkjaren bli offentlege sjølv om søkjaren har oppmoda om ikkje å bli ført opp på søkjarlista. Dersom oppmodinga ikkje vert teke til følgje, vert søkjaren varsla om dette.
  
  Den kommunale organisasjonen skal i størst mogleg grad spegla mangfaldet i folkesetnaden. Målet er difor å oppnå ei balansert samansetjing når det gjeld alder, kjønn og kulturell bakgrunn. Kvam herad ønskjer å inkludera og leggja til rette for personar med nedsett funksjonsevne.

Kontaktinformasjon

Stein Rykkje, Leiar prosjekt og VA, 414 40 285

Arbeidsstad

Haugamyrvegen 30

5600 Norheimsund

Nøkkelinformasjon:

Arbeidsgivar: Kvam herad


Referansenr.: 5066501752

Stillingsprosent: 100%

Fast

Søknadsfrist: 12.02.2026