Beredskapsheimskonsulent

Ved Stavanger Akuttsenter, avdeling Stavanger beredskapsheim, har vi ledig 100 % fast stilling som fagkonsulent. Arbeidstid på dagtid (fleksitid).

Oppstart etter avtale.

Stavanger Akuttsenter har fire avdelingar. To institusjonsavdelingar og to beredskapsheimsavdelingar. Ein i Haugesund og ein i Stavanger. Vi bistår heile Rogaland og Vestland. Beredskapsheimsavdelingane tar imot barn og ungdom plassert etter lov om barnevern §§ 3-2, 4-1, 4-2, 5-5 jmf. 5-1. Alder 0-18 år. Ved avdeling Stavanger har vi 42 beredskapsheimar.

Beredskapsheim avdeling Stavanger tilbyr ein arbeidshverdag med varierte oppgåver og høgt tempo. Hos oss står kvalitet i sentrum, og du får gode moglegheiter til å utvikle deg både fagleg og personleg. Vi legg stor vekt på opplæring, rettleiing og tett oppfølging, og tilbyr eit inkluderande arbeidsmiljø der samarbeid, trivsel og utvikling står høgt.

Arbeidsoppgåver

• Oppfølging og rettleiing av beredskapsheimane.
• Oppfølgings- og koordineringsansvar av barn/ungdom i beredskapsheimane.
• Ansvar for opplæring, individuell rettleiing og grupperettleiing til beredskapsheimane.
• Dokumentasjon og rapportskriving etter gjeldande krav.
• Deltaking i samarbeidsmøter med andre interne og eksterne instansar.
  
• Deltaking i intern fagutvikling.
  
• Tett samarbeid med fagkoordinator og avdelingsleiar.

Kvalifikasjonar

• For stilling som fagkonsulent vert det krevd treårig høgskuleutdanning lik 180 studiepoeng som barnevernspedagog, sosionom eller vernepleiar.
• Godkjent rettleiingskompetanse. Kandidatar utan denne kompetansen kan bli vurderte ved å forplikte seg til å tileigna seg denne i ettertid.
• Krav om erfaring frå rettleiingsarbeid.
  
• Erfaring frå kommunalt barnevern og/eller arbeid med traumeutsatte barn og ungdom.
  
• God munnleg og skriftleg framstillingsevne.
• Førarkort klasse B.

Det er ønskeleg med:

• Relevant vidareutdanning.
• Kompetanse på, og erfaring med barn og ungdom med psykiske vansker.
• Kompetanse på, og erfaring med barn og unge med minoritetsbakgrunn.
• Erfaring frå arbeid med spe- og småbarn
• Gode IKT- ferdigheitar.

Personlege eigenskapar

Du:

• har gode kommunikasjons- og samarbeidsevnar.
• er initiativrik, fleksibel og løysingsorientert.
• evnar å arbeide sjølvstendig og i team, etter gjeldande rutinar og retningslinar samt skape framdrift i eige arbeid.
• likar krise- og akuttarbeid og meistrar ein uforutsigbar arbeidskvardag.
• er analytisk og strukturert i ditt arbeid.

Du:

• har god munnleg og skriftleg formidlingsevne på norsk.
• kan levera skriftleg arbeid (rapporter, sammenstillingar o.l.) iht. fristar og dokumentasjonskrav.

Personlege eigenskapar og motivasjon for stillinga vil bli tillagt stor vekt.

Vi tilbyr

• Stillinga er plassert i statleg lønsregulativ i stillingskode 1495 barnevernspedagog, 1494 sosionom eller 1508 vernepleiar , p.t. kr 550 000 – 670 000 pr. år.
• Ved relevant vidareutdanning tilsvarande 60 studiepoeng, kan det tilsetjast i stillingskode 1510 spesialutdanna barnevernspedagog, 1185 spesialutdanna sosionom, eller 1509 spesialutdanna vernepleiar, p.t kr 620 000 – 700 000 pr. år.
• Ved godkjenning som klinikar, kan det tilsetjast i stillingskode 1173 klinisk sosionom eller 1496 klinisk barnevernspedagog, p.t. kr 620 000 – 700 000 pr. År.
• Løn og stillingskode blir vurdert etter utdanning og erfaring. For spesielt kvalifiserte søkjarar kan noko høgare løn vurderast.
• Moglegheit for trening i arbeidstiden.
• Fleksitidsordning innanfor bestemte rammer.
• Medlemskap i Statens Pensjonskasse jf. Lov om Statens pensjonskasse, som inneber ein god tjensestepensjonsordning, moglegheit for tilbod om bustadlån til konkurrransedyktige vilkår, samt yrkesskade- og gruppelivsforsikring.
• Godt fagleg miljø med gode støttespelarar i arbeidskvardagen.

Opplysninger til deg som søkjer

• Inkludering og mangfald er ein styrke og gjer at vi kan løyse oppgåvene våre enda betre. Derfor ønsker vi oss medarbeidarar med ulike kompetansar, fagkombinasjonar, livserfaringar og perspektiv. Har du funksjonsnedsetting, hol i CV-en eller innvandrarbakgrunn, oppmodar vi deg som søker til å krysse av i jobbsøkerportalen. Er det kvalifiserte søkjarar, kaller vi inn minst éin i kvar gruppe til intervju, og får du jobben, legg vi til rette for deg om du treng det. Utanom å velje ut riktige kandidatar bruker vi ikkje avkrysningane til noko anna enn anonymisert statistikk.
• Stillinga er for tida lagt til Bufetat region vest, Stavanger Akuttsenter avd beredskapsheim i Stavanger.
• Politiattest må framleggast ved eventuell tilsetting, jf. lov om barnevern § 12-11, og forskrift om politiattest § 7. Denne attesten skal ikkje leggast med søknaden.
• Du kan be om ikkje å bli oppført på den offentlege søkerlista. Dette må i så fall begrunnast. Vi kontakter deg dersom ønsket ditt ikkje takast til følge.
  

Barne-, ungdoms- og familieetatens fem regionar har som hovudoppgåve å drifte og drive etaten sine institusjonar og familievernkontor. I tillegg har regionane ansvar for fosterheimsrekruttering og oppgåver knytt til adopsjon. Barn, unge og familiane deira skal få riktig hjelp til rett tid uansett kvar dei bur i Noreg. Bufetat sine fem regionar rapporterar til Barne-, ungdoms- og familiedirektoratet som er underlagd Barne- og familiedepartementet.

Bufetat region vest femnar om fylka Vestland og Rogaland. Regionkontoret ligg i Bergen