Vil du jobba utandørs og møta folk frå heile verda? Bli med på laget vårt!

Om stillinga

Me søkjer ein serviceinnstilt og utadvendt medarbeidar til mottak ved kaikanten for sommarsesongen. Som ein del av vårt team vil du ha dagleg kontakt med internasjonale gjester og bidra til å skapa gode opplevingar frå første møte. Her får du ein variert arbeidsdag med fjorden som næraste nabo!

• Ta imot gjester og informera om aktivitetar og attraksjonar i nærområdet

• Klargjera gjester med flytedrakter, redningsvestar og anna utstyr

• Handtera reservasjonar og halde orden i resepsjonen og på kaien

• Vedlikehald av utstyr

• Dagleg kommunikasjon med båtførarar og guidar

• Språkkunnskap: Norsk, svensk eller dansk + engelsk

• Førarkort klasse B (manuell gir)

• Du er utadvendt, serviceinnstilt og likar å jobba med folk

• Evne til å gjera deg kjent med nærområdet og attraksjonar

• Erfaring frå reiseliv eller servicebransjen (ikkje krav, men ein fordel)

• Språkkunnskap utover engelsk og skandinavisk (pluss, men ikkje krav)

• Serviceinnstilt og strukturert

• Sjølvstendig og løysingsorientert

• Ein lagspelar som handterer høgt tempo og er fleksibel

Kvifor velja oss?
Hos FjordSafari får du ein spektakulær arbeidsplass, gode kollegaer og ein sommar fylt med variasjon og opplevingar. Som medarbeidar på kaikanten blir du ein viktig del av gjesten si oppleving frå første augneblink.

FjordSafari er ei aktivitetsbedrift som tilbyr unike opplevingar i hjarta av Fjord-Noreg. Me held til i Flåm og Aurland – ein av Noregs mest spektakulære reiselivsdestinasjonar, med attraksjonar som Nærøyfjorden (UNESCO verdsarv), Flåmsbana, Rallarvegen og Aurlandsdalen.

Med vårt slagord GET CLOSER TO NATURE gir me gjestene naturbaserte opplevingar tett på fjord og fjell. Me tilbyr eit mangfald av aktivitetar året rundt – frå guida RIB-turar på fjorden til vandreturar med natur, kultur og lokale smakar. Om vinteren tek me i bruk truger for å gi gjestene unike utsiktspunkt over fjordlandskapet.

FjordSafari har 16 faste heilårstilsette og rundt 25 sesongtilsette. Me er stolte av å vera ein del av eit sterkt reiselivsmiljø og jobbar kvar dag for å skapa minnerike opplevingar for gjestene våre. No vil me ha deg med på laget!