On-site teknikar

Helse Vest IKT

Frist 19.07.2026
Ansettelsesform Fast

On-site teknikar

Seksjon Lokalstøtte nord har ansvar for drift, forvalting og brukarstøtte for sluttbrukarutstyr i Helse Førde og Helse Bergen. Dette omfattar utstyr som vert nytta i det daglege, mellom anna PC-ar, skjermar, tastatur, mus, skrivarar, skannarar, strekkodelesarar og mykje anna.

Saman med Seksjon Lokalstøtte sør utgjer seksjonen den samla lokalstøttefunksjonen i Helse Vest IKT. Totalt er 32 teknikarar fordelte mellom Bergen, Stavanger, Haugesund og Førde. Målet vårt er å sikre at tilsette i sjukehusa på Vestlandet har velfungerande, stabile og trygge IKT-verktøy i arbeidskvardagen.

Vi søkjer no etter ein teknikar til Seksjon Lokalstøtte nord med arbeidsstad i Førde.

Arbeidsoppgåver

Drift, vedlikehald og leveranse av IKT-sluttbrukarutstyr som PC-ar, skrivarar, skjermar, nettbrett, betalingsterminalar, sjølvbeteningsautomatar m.m.
Følgje opp reparasjonar og garanti mot leverandørar.
På staden kundeoppfølging.
Varelogistikk.
Deltaking i prosjekt.

Kvalifikasjonar

Erfaring frå reparasjon, feilsøking og montering av sluttbrukarutstyr.
Kunnskap og erfaring med feilsøking på Windows-operativsystem.
Erfaring med kundebehandling.
Erfaring frå stordriftsmiljø er ein fordel, men ikkje eit krav.
Fagbrev innanfor relevante fag er ein fordel, men ikkje eit krav.
Førarkort klasse B.
Gode norskkunnskapar, både skriftleg og munnleg.

Personlege eigenskapar

Vi legg stor vekt på personlege eigenskapar og ser etter deg som:

er sjølvstendig og ansvarsbevisst.
er serviceinnstilt og klar til å hjelpe brukarane på sjukehusa.
jobbar godt i team, men også sjølvstendig.
er positiv og initiativrik.
er open og svolten på ny kunnskap og teknologi.

Vi tilbyr

Høyrest det givande ut å jobbe ein stad med eit inspirerande samfunnsoppdrag? Då vil vi snakke med deg! Hos oss får du:

Moglegheita til å jobbe i eit stort og tverrfagleg miljø i ein banebrytande bransje
Tilgang til Helse Vest sine kollektive avtalar og tilbod for tilsette
Fleksible arbeidsordningar med fleksitid og arbeidsveke på 37,5 timar inkl. lunsj
Løn etter avtale
Medlemskap i KLP som sikrar gode pensjonsrettar

Vi oppfordrar alle søkjarar til å nytte Vitnemålsportalen for å laste opp verifiserte vitnemål og karakterutskrifter, der det er mulig. Har du utdanning frå utlandet, legg ved godkjenning frå Direktoratet for høgare utdanning og kompetanse.

Ferdigheter
AI-generert

Datamaskinutstyr
Feilsøking og reparasjon av elektronisk utstyr
Logistikk
Montere teknisk utstyr
Norsk
Reparere IKT-enheter
Vedlikeholde datamaskinvare

Om arbeidsgiveren

Helse Vest IKT leverer alle IKT-tenester til spesialisthelsetenesta i Helse Vest. Våre kundar er både dei offentlege sjukehusa i Helse Vest, samt fleire private helsetenesteleverandørar i regionen. Vi har kontor i Bergen, Stavanger, Førde og Haugesund.

Vi siktar mot å betre helsetenesta ved innovativ bruk av IKT-løysingar. Vi har som mål å innføre teknologi som gjer pasientbehandlinga på sjukehusa tryggare og meir effektiv. Vi er eit framtidsretta miljø som kontinuerleg samarbeider med sjukehusa for å hjelpe dei med innovative arbeidsmåtar. For å klare det, er vi avhengig av å vere ein variert miks av tilsette. I tillegg til teknologi- og IT-hovud, har vi mange flinke folk i stabs- og støttefunksjonar, og ikkje minst med helsefagleg bakgrunn.

Føretaksgruppa i Helse Vest ønskjer å spegle mangfaldet i befolkninga i rekrutteringa vår. Vi oppmodar alle som er kvalifiserte til å søkje ledige stillingar uansett kjønn, alder, funksjonsevne og fleirkulturell bakgrunn, eller om du har hatt eit lengre opphald frå arbeidslivet. Føretaksgruppa i Helse Vest ønskjer å leggje til rette for inkluderande rekruttering.

Vil du verte betre kjent med oss og lese meir om kva vi driver med? Gå inn på helse-vest-ikt.no