Kontaktperson

Barnevernstenesta har ledig 100 % fast stilling som kontaktperson. Stillinga er for tida knytt til team for undersøking og oppfølging av hjelpetiltak for heimebuande barn. Andre oppgåver kan òg vere aktuelle ved endringar i behovet til tenesta.

Barnevernstenesta skal sørgje for at barn og unge som lever under forhold som kan skade helse og utvikling, får nødvendig hjelp og omsorg. Barnevernstenesta undersøkjer oppvekstforholda til barn og fattar ved behov vedtak om hjelpetiltak og/eller omsorgstiltak. Barnevernstenesta samarbeider med andre avdelingar i kommunen og andre etatar for å betre oppvekstmiljøet til barn og unge generelt. Time kommune nyttar modellen Betre tverrfagleg innsats (BTI) i arbeidet med førebygging, tidleg innsats og lågterskel hjelpetilbod i tråd med målsetjingane i den nasjonale barnevernreforma.

Som kontaktperson vil du ha ansvar for å undersøkje og følgje opp barn og unge med fokus på tryggleik, utvikling og trivsel. Arbeidet inneber tett samarbeid med foreldre, institusjonar, skular, helsetenester og andre relevante samarbeidspartnarar for å sikre at barnets beste alltid står i sentrum.

Barneverntenesta i Time søkjer ein medarbeidar som vil vere med og utvikle ei teneste med visjonen:
«Alle barn og unge har lyst på livet og evne til å meistre det».
Dette lever me ut gjennom vår felles leveregel:
«Me gjer kvarandre gode, og me gjer det i lag».

Tenesta består av 25 tilsette og er organisert i Team MUO (mottak, undersøking og oppfølging), Team Omsorg og ei felles tiltaksavdeling, for barneverntenesta i Time, Klepp og Hå. Arbeidsstad er Time rådhus.

Dersom ein intern tilsett i vikariat blir tilsett i den faste stillinga, kan det opne seg høve for vikariat i tenesta.

Arbeidsoppgåver

• Saksbehandling etter barnevernslova.
• Oppfølging av barn, unge og familiane deira.
• Samarbeid med aktuelle hjelpeinstansar rundt familien.
  

Kvalifikasjonar

• Utdanning som barnevernspedagog, sosionom eller anna relevant utdanning på minimum bachelornivå.
• Relevant erfaring og tilleggskompetanse vert vektlagde.
• Gode kommunikasjonsevner munnleg og skriftleg.
• Gode norskkunnskapar.
• Førarkort klasse B.
• Godkjend politiattest krevst ved tilsetjing.

Du må laste opp relevante vitnemål og attestar. Vitnemål og/eller karakterutskrift kan du henta frå Vitnemålsportalen. Har du utdanning frå utlandet må du leggja ved generell og/eller yrkesgodkjenning frå Direktoratet for høgare utdanning og kompetanse (HKdir).

Personlege eigenskapar

• Evne til å vere trygg og raus i møte med menneske i ein vanskeleg livssituasjon.
• Gode samarbeidsevner overfor barn, unge, foreldre og nettverket deira, samt det øvrige hjelpeapparatet.
• Løysingsorientert og nytenkjande.
• Evne til å arbeide målretta og kunne strukturere eigne arbeidsoppgåver.
• Toler uforutsigbarheit i arbeidkvardagen og periodar med høgare arbeidspress.
• Interesse for fagleg fordjuping og utvikling av eigen kompetanse.

Me tilbyr

• Gode pensjonsordningar.
• Løn etter tariff.
• Ein spennande, variert og fagleg utfordrande arbeidsplass i eit godt arbeidsmiljø.
  
• Nært samarbeid med eit breitt fagmiljø i ein organisasjon i utvikling.

Der det er lovkrav om det, må politiattest registreres før første arbeidsdag tar til.

"Me skal gjera kvarandre gode" er leveregelen for oss som jobbar i Time kommune. Me er opptatt av å utvikla og forbetra tenestene i lag med innbyggarane, besøkande og næringslivet slik at Time skal vera ein trygg og framtidsretta kommune. Kommunen har ca. 20 000 innbyggarar og ligg midt på Jæren, med Bryne som regionssenter og kollektivknutepunkt for buss og jernbane. Time er ein stor jordbrukskommune og har i tillegg eit variert næringsliv, med flest sysselsette innan industri, varehandel, hotell og restaurant. Det er 1340 årsverk i Time kommune, fordelt på om lag 1800 personar.

Time kommune er opptatt av mangfald og me oppmodar derfor alle som er kvalifiserte til å søka hos oss, uansett alder, kjønn, etnisitet, religion, funksjonsevne, seksuell orientering og kjønnsidentitet. Me gjer merksam på at opplysningar om søkaren kan verta offentleggjort, sjølv om ein har bede om å bli unntatt offentlegheit. Søkar vil verta varsla før offentleggjering.