Sikkerheit og beredskap - spesialkonsulent / rådgjevar

Ønskjer du å jobbe med viktige oppgåver innan sikkerheit og beredskap?

I denne stillinga vil du få jobbe overordna for heile Vestland fylkeskommune, og du vert ein viktig ressurs i arbeidet med å førebyggje, handtere og lære av uønskte hendingar. Stillinga er plassert i seksjon for sikkerheit og støttetenester i avdeling for IKT og digitalisering. Seksjonen har eit overordna ansvar for sikkerheits- og beredskapsarbeidet i Vestland fylkeskommune, og samarbeider tett med fagmiljø i heile organisasjonen.

Arbeidsoppgåver

Du vil mellom anna få arbeide med å:

• Vidareutvikle styringssystemet for sikkerheit og beredskap
• Utarbeide og oppdatere verdivurderingar, ROS-analysar, VTS-analysar og overordna beredskapsplanverk
• Planleggje, gjennomføre og evaluere beredskapsøvingar
• Bidra i handtering av uønskte hendingar
• Rettleie avdelingar i deira arbeid med ROS-analysar, planar og øvingar
• Vidareutvikle arbeidet med personellsikkerheit
• Bidra til å byggje sterk sikkerheitskultur i organisasjonen
• Bidra i relevante utgreiingar, fagteam og prosjektgrupper
• Bidra til vidareutvikling av tenester og leveransar på fagområdet

Kvalifikasjonar

Vi ser etter deg som har:

• Relevant høgare utdanning på minimum bachelornivå, til dømes innan sikkerheit, beredskap eller administrative fag
• Relevant realkompetanse kan kompensere for manglande formell utdanning
• God munnleg og skriftleg framstillingsevne på norsk
• Høg integritet og evne til å arbeide strukturert og sjølvstendig
  
  Det er ein fordel om du har:
• Relevant erfaring frå stillinga sine arbeidsområde
• Kjennskap til sikkerheitslova
• Erfaring frå offentleg forvaltning
  
  Vi oppmodar også nyutdanna til å søkje.
  
  Den som vert tilsett må kunne sikkerheitsklarerast på nivå HEMMELEG.

Personlege eigenskapar

Du kjenner deg igjen i verdiane våre som er open, kompetent og modig.

Vi legg stor vekt på personlege eigenskapar og ser etter deg som:

• Har gode samarbeids- og kommunikasjonsevner
• Jobbar sjølvstendig med høg arbeidskapasitet og leveranseevne
• Er analytisk, utviklingsorientert og løysingsorientert
• Tek ansvar utover eige arbeidsområde
• Har god gjennomføringsevne og handterer fleire oppgåver samtidig

Vi tilbyr

Hos oss får du:

• ein meiningsfull og samfunnsnyttig arbeidskvardag
• ei spanande stilling i eit arbeidsmiljø med høg fagleg kompetanse
• gode moglegheiter for fagleg utvikling
  
• stillingsnemning spesialkonsulent / rådgjevar etter kvalifikasjonar og erfaring
• løns- og arbeidsvilkår i samsvar med gjeldande avtalar
• fleksibel arbeidstid
• heimekontor etter gjeldande avtale i VLFK
• gode offentlege pensjons- og forsikringsordningar

Kontorstaden ligg i Sogndal kommune, som er omfatta av den nye ordninga for sletting av kr. 25.000 av studielånet pr. år. Sjå www.lanekassen.no for utfyllande informasjon og vilkår.

Vestland fylkeskommune har ansvar for å utvikle Vestland fylke og å yte viktige tenester for samfunnet. Vi gir vidaregåande opplæring, tannhelsetenester og kollektivtransport til innbyggjarane i fylket. Vi har ansvar for vegsamband og legg til rette for næringsutvikling, fritidsopplevingar, kulturliv og inkludering. Klima og miljø er premiss for samfunnsutviklinga og som verdiskapingsfylke er Vestland ein nasjonal pådrivar for eit desentralisert Noreg.

Vi skal vere ein trygg og inkluderande arbeidsplass for alle, uavhengig av kjønn, alder, etnisk bakgrunn, religion, livssyn, funksjonsevne, seksuell orientering og kjønnsidentitet. Hos oss jobbar vi aktivt med mangfald, inkludering og likestilling. Mangfald bidrar til auka innovasjon, berekraft, effektivitet, læring og trivsel. Vi vil at dei som jobbar hos oss skal spegle samfunnet i Vestland.

Vi gjer merksam på at i følgje offentleglova § 25, 2. ledd, kan opplysningar om søkjaren bli offentleggjort sjølv om du har oppmoda om å ikkje bli ført på offentleg søkjarliste. Dersom du har bedt om unntak frå offentleg  søkjarliste vil du alltid bli varsla før søkjarlista blir offentleggjort. 

Alle nye tilsetjingar blir gjort med ei prøvetid på 6 månader. Administrasjonsmålet vårt er nynorsk.