100 % fast stilling

Me har ledig 100 % fast stilling som rådgjevar miljøretta helsevern med oppstart snarast råd. Stillinga er plassert i kommunalavdeling for tekniske tenester.

Innhald i stillinga:

Du vil forvalta Voss herad sine lovpålagte oppgåver innan Folkehelselovas kapittel 3 om miljøretta helsevern. Du vil samarbeide med kommuneoverlegen, avdelingar i Voss herad og eventuelle samarbeidskommunar. Til stillinga høyrer klage- og sakshandsaming, rettleiing og informasjon, deltaking i plan- og samarbeidsorgan og tilsynsoppgåver. Det er ulike faktorar i miljøet har påverknad på helsa vår. Gjennom målretta miljøretta helsevern førebyggjer me helseskadar og fremjer folkehelsa. Sentrale oppgåver vil vera kopla til støy, ureining, radon, inneklima, skadedyr og omfattar skular, barnehagar, symjebasseng, solarium mm.

Kvalifikasjonar: 

• Høgare utdanning innan relevante fagområde, som HMS, yrkeshygiene, folkehelse, juss eller naturvitskaplege retningar som biologi, kjemi, akustikk eller helsefagleg utdanning.
• Relevant realkompetanse kan kompensere for manglande formell utdanning.
• Erfaring eller kjennskap til offentleg forvaltning og tilhøyrande regelverk.
• Gode ferdigheiter i skriftleg og munnleg norsk.
• God digital kompetanse, gjerne motivasjon for å ta i bruk nye digitale verktøy.
• Førarkort klasse B

Me ynskjer at du er:

• Ein lagspelar med evne til å skapa tillit og fremja samarbeid, både internt og eksternt.
• Motiverande og engasjert, med vekt på effektivitet, kommunikasjon og utvikling av gode relasjonar.
• Systematisk og strukturert, med fokus på kvalitet i arbeidsprosessar og oppgåver.
• Me ynskjer å bygga gode lag. Personlege eigenskapar er viktig for oss og vert tillagt vekt.

Me tilbyr:

• Eit inkluderande og støttande arbeidsmiljø basert på samarbeid og gjensidig vekst.
• Eit arbeidsfellesskap engasjert i innovasjon, utvikling og implementering av nye løysingar.
• God tilrettelegging for fagleg og personleg utvikling, med moglegheit for deltaking på kurs, nettverksbygging og kontinuerleg læring.
• Fleksibilitet til å påverka arbeidsdagen.
• Varierte og utfordrande arbeidsoppgåver, med deltaking i spennande prosjekt som utviklar både fagkompetanse og problemløysingsevner.
• Fleksitid som gir god balanse mellom arbeid og fritid.
• Løn etter kommunalt avtaleverk, samt konkurransedyktige forsikrings- og pensjonsordningar.

Me ønskjer eit arbeidsmiljø prega av mangfald, der våre tilsette reflekterer breidda i samfunnet. Me oppmodar alle kvalifiserte søkjarar til å søkje, uavhengig av alder, funksjonsevne, kjønn, etnisk bakgrunn eller kulturell erfaring. Etter søknadsfristen vert det sett opp ei offentleg søkjarliste som inneheld namn, alder, stilling eller yrkestittel og bustads- eller arbeidskommune for kvar søkjar. I fylgje offentligheitslova § 25 2. ledd kan opplysningar om søkjaren verta offentleggjort sjølv om søkjaren har bede om ikkje å verta oppført på søkjarlista. Søkjaren vert varsla dersom førespurnaden ikkje vert teken til fylgje.

Ver venleg og last opp vitnemål og attestar til søknaden.