Driftsmedarbeidar

100% stilling i vikariat tom 31.12.26 med mogelegheit for forlenging/ fast tilsetting

Me ser etter deg som trivst med ein travel arbeidsdag, er omgjengeleg og stødig og som rettleiar kundane på ein trygg og god måte.

Arbeidsoppgåver

• Kundehandsaming og -mottak med vektregistrering
• Fagleg kunderettleiing på sorteringsrampe
• Digital journalføring og deklarering
• Interntransport
• Andre praktiske driftsoppgåver etter avtale og kvalifikasjonar

Kvalifikasjonar

• Generell IT-kompetanse
• Førarkort kl B
• C1/C, truck- og maskinførarbevis er ein fordel.
• Norsk munnleg og skriftleg, engelsk munnleg

Personlege eigenskapar

• Erfaren og trygg med god serviceinnstilling
• Evne til å arbeide sjølvstendig og i lag med andre
• Halde roen sjølv om «det kokar» Erfaring med praktisk arbeid og evne til å sjå løysingar
• Nysgjerrig på eit nytt fagområde med evne og vilje til å lære
• Påliteleg med gode samarbeidsevner
• Du er ein god kollega som tek ansvar og stiller opp

Me kan tilby

• Variert og meiningsfullt arbeid i ein bransje i utvikling
• Ein triveleg arbeidsplass med gode kollegaer
• Løn iht tariffavtale
• Pensjons- og forsikringsordningar

Spørsmål om stillinga: kontakt Drifts- og HMS-leiar Sven Gunnar Ramstad, tlf 95 89 96 89

BIR, vestlendingane si eiga miljøbedrift, er eit av Noregs største renovasjonsselskap, eigd av elleve kommunar: Askøy, Bergen, Bjørnafjorden, Eidfjord, Kvam, Osterøy, Samnanger, Ulvik, Vaksdal, Øygarden og Voss. BIR har hovudkontor sentralt i Bergen.


BIR ønskjer å utvikla avfallsbransjen i ein meir sirkulær og berekraftig retning og utnytta ressursane i avfallet betre. BIR er organisert som eit konsern og har ansvar for avfallet gjennom heile verdikjeda. Me ønskjer medarbeidarar som kjenner seg igjen i BIR sine kjerneverdiar: superpålitelig, miljøpådrivar, imøtekommande og lagspelar.


BIR har medarbeidarar med ulik fagkompetanse, fagkombinasjon, livserfaringar og perspektiv. Alle kvalifiserte kandidatar blir oppmoda til å søkja jobb hos oss, uavhengig av alder, kjønn, funksjonsevne, nasjonalitet eller etnisk bakgrunn.


Saman for ei god sak!