Ønskjer du å arbeide med ivaretaking av vassdrag og natur?  

Om stillinga

Miljøvernavdelinga hos Statsforvaltaren er regional statleg miljøvernmynde og arbeider for gjennomføring av nasjonal miljøvernpolitikk i Rogaland. Vi arbeider mellom anna med naturvern, naturforvaltning, forureining, uttalar til regionale og kommunale planar etter plan- og bygningslova.

Avdelinga har 34 tilsette med stort engasjement for miljø, natur, klima og plan, og desse er inndelt i to fagområde med kvar sin fagleiar, faggruppe natur og faggruppe forureining. Aktuell stilling er knytt til faggruppe natur.

Faggruppe natur har 11 medarbeidarar. Oppgåvene spenner vidt; med tema som anadrom fisk, vassforvaltning, naturvern og kulturlandskap, overvaking av natursystem og artar, viltforvaltning, kraftanlegg, og arealsaker på alle nivå etter plan- og bygningsloven. Den omfattande sakshandsaminga er såleis knytt til ei rekke ulike lovverk med forskrifter. Det vert lagt vekt på godt informasjonsarbeid og samarbeid med publikum, grunneigarar, organisasjonar og offentlege styresmakter.

Miljøvernavdelinga har ledig ei fast stilling som rådgivar/seniorrådgivar innan natur, med særleg fokus på kantvegetasjon langs vassdrag og å følgje opp ulovlege tiltak i denne. 

Det er ønskeleg med tiltreding så snart som råd.

Arbeidsoppgåver

Du vil arbeide med: 

• Sakshandsaming etter vassresurslova knytt til:
  • dispensasjonar for hogst av kantvegetasjon etter § 11
  • følgje opp ulovlege inngrep i kantsona etter § 59
  • informasjonsarbeid knytt til gjeldande regelverk

  Andre aktuelle arbeidsoppgåver for stillinga er:

• sakshandsaming innan forskrift om fysiske tiltak i vassdrag, naturmangfaldlova og anna relevant lovverk.
• handsaming og innspel til søknadar om tilskot
• gje innspel til planar/tiltak som kan få konsekvensar for vassdrag og livet i og rundt vassdraga
• formidling av nasjonal naturvernpolitikk med vekt på rettleiing av kommunar, regionale myndigheiter og andre relevante aktørar
   

Kvalifikasjonskrav

Vi ønskjer oss ein dyktig medarbeidar som

• har relevant utdanning på mastergradsnivå, med fagleg tyngde innan akvatisk økologi og biologi. Utdanning på lågare nivå kan kompenserast med relevant erfaring
• har erfaring frå sakshandsaming innan naturforvaltning, men nyutdanna kan og søke
• har interesse for eller kompetanse innan økologi, biologi, gjerne med vekt på ferskvatn
• trivst med tverrfagleg arbeid

Personlege eigenskapar

Vi ser etter deg som: 

• samarbeider godt og byggjer gode relasjonar 
• er strukturert, sjølvstendig og løysningsorientert 
• har ein trygg og tydeleg kommunikasjon 
• trivst med varierte oppgåver og ansvar 

Vi legg vekt på at du er personleg eigna for stillinga.

Det er ein fordel å  ha sertifikat for personbil klasse B. 

Vi tilbyr

• lønn som rådgivar/seniorrådgivar,  kr 620 000 - kr 740 000 pr år, avhengig av kvalifikasjonar og erfaring. For særleg godt kvalifiserte kan høgare lønn vurderast 
• fleksibel arbeidstid og gode arbeidsvilkår i staten 
• god pensjonsordning (det blir trekt 2% pensjonsinnskot frå lønna) gruppelivsforsikring og moglegheit for bustadlån gjennom Statens pensjonskasse. Les meir om ansatt godane på spk.no/medlemskap-i-spk 
• moglegheit for fagleg utvikling og kompetansebygging 
• varierte, interessante og samfunnsnyttige arbeidsoppgåver 
• triveleg arbeidsmiljø i Statens Hus sentralt i Stavanger
• HjemJobbHjem-ordning
• 6 månaders prøvetid 

Mangfold og inkludering 

Vi ønskjer eit mangfaldig arbeidsmiljø og oppmodar kvalifiserte kandidatar til å søkje, uavhengig av bakgrunn. Vi legg til rette ved behov.

Slik søkjer du

Alle som søkjer stillinga, må søke digitalt gjennom rekrutteringsportalen Jobbnorge. Du må laste opp relevante vitnemål og attester. Vitnemål og/eller karakterutskrifter hentar du frå vitnemålsportalen i Jobbnorge. Har du utdanning frå utlandet legg du ved godkjenning frå NOKUT. 

 Offentleg søkjerliste utarbeidast etter søknadsfristens utløp. Dersom du ønskjer å reservere deg frå oppføring på offentleg søkjerliste må dette grunngjevast. Du vil få varsel om reservasjon ikkje tas til følgje.

Statsforvaltaren er Kongen og regjeringa sin representant i fylket og skal arbeide for at Stortinget og regjeringa sine vedtak, mål og retningslinjer blir følgde opp i Rogaland. Oppgåvene er i hovudsak rettleiing, tilsyn og klagebehandling, som er retta mot enkeltpersonar, kommunar og bedrifter. Statsforvaltaren skal medverke til å samordne, forenkle og effektivisere statlege verksemder i fylket. 

Statsforvaltaren har eit særleg ansvar for å følgje opp berekraftmåla på fagområda våre, og skal som ein del av arbeidet vårt formidle relevant kunnskap til andre aktørar i regionen. 

Statsforvaltaren har oppgåver innan fagområda miljøvern, landbruk, utdanning, helse, beredskap, sosial- og familierett, verjemål, kommuneøkonomi og planlegging. Embetet har ca. 200 tilsette.