Er DU vår nye planleggar?

Stryn Kommune ser etter ein god kollega og fagperson til vår planavdeling. Vi søkjer etter arealplanleggar i 100% fast stilling. Planavdelinga med 6 tilsette ligg i etat for samfunnsutvikling. Kontorstad er kommunesenteret i Stryn.

Arbeidsoppgåver

• Utarbeide /revidere planstrategi, kommuneplanen sin samfunnsdel og arealdel

• Oppdatering av kommunale plandatabasar

• Utarbeide saker for politisk handsaming, skriftleg og munnleg orienteringar

• Rettleiing og oppfølging av utbyggjarar og innbyggjarar

• Stillinga kan også bli tillagt andre relevante oppgåver knytt til planavdelinga

Kvalifikasjonar

• Relevant utdanning frå universitet eller høgskule

• Kjennskap til plan- og bygningslova, samt anna relevant lovverk

• Erfaring med framstilling av digitale planar vil vere ein fordel

• God skriftleg og munnleg framstillingsevne. Kommunen sitt målføre er nynorsk.

• Førarkort klasse B er ynskjeleg

Personlege eigenskapar

• Løysingsorientert, med god evne til å kommunisere

• Motivert for gode prosessar og framdrift

• Lagspelar som også kan arbeide sjølvstendig og strukturert

Vi tilbyr

• Trygg arbeidsplass med varierte og utfordrande arbeidsoppgåver

• Trivelege kollegaer

• God pensjons- og forsikringsordning

Stryn kommune er med sine om lag 7 250 innbyggjarar sentralt plassert i ein større bu- og arbeidsregion i Nordfjord. Her er omfattande turisme, eit rikt kulturliv og gode oppvekstvilkår for born og unge. Det er eit ekspansivt næringsliv med etterspurnad etter ulik type arbeidskraft. Næraste flyplass er Ørsta - Volda eller Sandane.

Stryn kommune ser på inkludering og mangfald som ein styrke. Vi ønsker medarbeidarar med ulike kompetansar, livserfaring og perspektiv. Ved behov vil vi så langt som mogleg legge til rette for tilpassing av utstyr, endring av rutinar og arbeidsoppgåver mm. Vi oppmodar alle som er kvalifisert til stillinga om å søke, uavhengig av kjønn, alder, etnisitet, funksjonsnivå eller legning. Det same gjeld dersom ein har hatt eit lengre opphald frå arbeidslivet.