Blandeoperatør – bli med å bygge Nordfjord!

Er du praktisk anlagt, likar å ha kontroll, og trivst med å sjå resultatet av arbeidet ditt kvar dag? Då kan du vere den vi leitar etter!

Hjå Stryn Betong AS får du ikkje berre ein jobb – du blir ein viktig del av laget som leverer betong til bygg og prosjekt over heile Stryn og omegn. Her får du vere med på alt frå små prosjekt i sentrum til store bygg på Strynefjellet, alltid med kvalitet og tryggleik i fokus.

Dette får du hjå oss

• Fast jobb med gode og stabile vilkår

• Full opplæring og kurs etter behov

• Eit ekte arbeidsmiljø – vi bryr oss om kvarandre

• Ein arbeidsplass der kvar dag er variert: alt frå produksjon til leveranse til lokale bygg og prosjekt

• Moglegheit til vidare utvikling innan betongfaget

Dine arbeidsoppgåver

• Operere og overvake blandeverket

• Planleggje og koordinere produksjon

• Sikre at betongen vi leverer held riktig kvalitet

• Vedlikehald og reinhald av maskiner og utstyr

• Bidra til tryggleik og orden på anlegget

Dette må du ha

• Førarkort klasse C eller CE

• Norsk – du må kunne kommunisere godt både munnleg og skriftleg

• Vilje til å ta grunnkurs i produksjon av betong , viss du ikkje har det frå før

Det er ein fordel om du også har

• Erfaring frå betong eller anlegg

• Truck- eller maskinførarbevis

• HMS-kurs/kompetanse

• Fagbrev innan produksjon eller bygg/anlegg

Kven er du?
Du er praktisk, strukturert og ansvarleg. Du trivst både med å jobbe sjølvstendig og saman med andre, og du løysar utfordringar med eit smil. Du er ein person vi kan stole på, og som vil vere med å bygge Nordfjord – bokstaveleg talt!

Stryn Betong AS vart stifta i mai 1976. Vi leverer betong primært i Nordfjord, og leverer betong til mellom anna næringsbygg, fjøsar, hus og hytter. Selskapet har i dag fem tilsette med god og lang erfaring innan ferdigbetong. Vi betjener eit blandeanlegg og fem betongbilar.