Er du vår nye økonomisjef i Luster kommune?

Luster kommune søkjer ein erfaren og framtidsretta økonomisjef som ønskjer å ta ei sentral rolle i den vidare utviklinga av kommunen. Vår noverande økonomisjef har gått over i anna stilling, og me ser no etter ein ny leiar med høg fagleg integritet og god forståing for samanhengen mellom økonomisk styring, tenesteutvikling og kommunen sitt samfunnsoppdrag.

Som økonomisjef vil du få ei sentral leiarrolle i kommunen. Du rapporterer til kommunedirektøren og inngår i den strategiske leiargruppa. Stillinga gir eit breitt handlingsrom til å påverke kommunen si økonomiske styring i ei tid prega av omstilling, auka krav til effektiv ressursbruk og kontinuerleg utviklingsarbeid.

Arbeidsoppgåver

Som økonomisjef vil du ha overordna ansvar for kommunen si økonomistyring og vere ein sentral fagleg og strategisk rådgjevar for administrativ og politisk leiing. Arbeidsoppgåvene omfattar mellom anna:

• Overordna ansvar for økonomistyring, rekneskap og årsmelding

• Strategisk økonomiplanlegging, analyse og langsiktig utviklingsarbeid

• Utarbeiding av årleg budsjett og økonomiplan i samarbeid med kommunedirektør og leiargruppe

• Sikre god samanheng mellom økonomiske prioriteringar, politiske vedtak og vedtekne planar

• Leiing og vidareutvikling av økonomiavdelinga

• Pådrivar for vidareutvikling av digitale løysingar og effektive arbeidsprosessar

• Fagleg rådgjeving og støtte til leiarar i organisasjonen

• Vidareutvikling av rutinar, system og rapporteringsløysingar innan økonomiområdet

• Saksførebuing og presentasjon av økonomisaker for politiske organ

• Forvaltning av fond, lån og gjeld

• Overordna ansvar for innkjøp og offentlege anskaffingar

Kvalifikasjonar

Me søkjer ein kandidat med solid fagkompetanse og relevant erfaring:

• Relevant høgare utdanning innan økonomi, rekneskap eller administrasjon
  (minimum bachelorgrad – mastergrad er ein fordel)

• Erfaring med økonomistyring, gjerne frå offentleg sektor

• Leiarerfaring og dokumentert evne til å utvikle medarbeidarar og fagmiljø

• God systemforståing og erfaring med økonomisystem

• Gode norskkunnskapar, både skriftleg og munnleg

• God forståing for offentleg forvaltning og politiske avgjerdsprosessar

Personlege eigenskapar

Personlege eigenskapar vil bli lagt vekt på. Me ser etter deg som er:

• Strategisk og analytisk, med god heilskapleg forståing

• Strukturert, sjølvstendig og trygg i leiarrolla

• Ansvarsbevisst og tydeleg i faglege vurderingar

• Relasjonssterk og profesjonell i møte med medarbeidarar, leiarar og politisk nivå

• Samarbeidsorientert og løysingsorientert

Me tilbyr

• Arbeid i ein veldriven kommune med gode og sikre rammevilkår

• Eit godt og stabilt arbeidsmiljø med høg fagkompetanse

• Gode moglegheiter for fagleg utvikling

• Kommunale tilsetjingsvilkår med gode pensjons- og forsikringsordningar

• Løn etter avtale

Andre opplysningar

• Administrasjonsmålet i kommunen er nynorsk

• Alle faste nytilsetjingar vert gjort med ei prøvetid på 6 månader

• Me gjer merksam på at i følgje offentleglova § 25, 2. ledd kan opplysningar om søkjaren bli offentleggjort sjølv om du har oppmoda om ikkje å bli ført på offentleg søkjarliste. Dersom du har bedt om unntak frå offentleg søkjarliste vil du alltid bli varsla før søkjarlista vert offentleggjort

• Søknadar må leverast innan fristen og må sendast inn via rekrutteringssystemet vårt EasyCruit

Luster kommune ligg inst i Sognefjorden, har omlag 5.300 innbyggjarar og er ein av dei største kommunane i Sør-Noreg. Me har tre nasjonalparkar, verdsarven Urnes stavkyrkje, vakker natur og svært gode vilkår for friluftsliv. Næringslivet er variert - frå tradisjonelt landbruk til moderne industriverksemder og stadig meir varierte servicebedrifter. Luster har godt utbygde desentraliserte tilbod og mange levande bygder. Kommunesenteret Gaupne ligg 25 minutt frå region- og utdanningssenteret Sogndal. Kommunen har gode tenester, styrings- og kvalitetssystem.