Årdal Teknologipark søkjer dagleg leiar

Vil du leie an i utviklinga av eit kraftsenter for framtidsretta industri og næringsliv i hjartet av Sogn?

Som vår nye daglege leiar får du ei unik moglegheit til å forme eit nyoppretta selskap frå grunnen av. Vi søkjer ein profil som er formålsdriven og har eit sterkt samfunnsengasjement, men som samstundes er ein utprega marknadsretta person med kommersiell teft. Du må vere strategisk anlagt, men samstundes ha god gjennomføringskraft – ein person som set ord og planar ut i konkret handling.

Ansvar og arbeidsoppgåver

Som dagleg leiar får du det overordna ansvaret for å profesjonalisere og utvikle selskapet vidare. Du vil ha stor fridom til å forme di eiga rolle, og du vil samarbeide tett med eit kompetent styre og nøkkelpersonar hos eigarane.

Dine viktigaste oppgåver blir å:

• Utvikle og realisere strategien for å tiltrekke nye bedrifter og skape berekraftig vekst.

• Aktivt drive sal, marknadsføring og profilering av teknologiparken nasjonalt og internasjonalt.

• Bygge og pleie sterke relasjonar med eigarar, leigetakarar, styresmakter og forskingsmiljø.

• Identifisere og utvikle nye forretningsmoglegheiter, inkludert utvikling av eigedom og industriareal.

• Sikre sunn drift og god økonomistyring, med ansvar for budsjett, regnskap og rapportering til styret.

Din profil

Vi ser etter ein handlekraftig og samlande leiar som brenn for å skape verdi gjennom samhandling. Du blir motivert av å byggje noko frå grunnen og har evna til å sjå kommersielle moglegheiter der andre ser barrierar.

Vi søkjer deg som har:

• Solid leiarkompetanse: Du har erfaring frå operativ og strategisk leiing, og kan vise til konkrete døme på korleis du har skapt vekst, betra lønsemd eller gjennomført krevjande omstillingar.

• Kommersiell driv: Du er marknadsorientert og har erfaring med å selje inn konsept, forhandle fram avtalar eller tiltrekke deg investeringar/kundar.

• Strategisk gjennomføringskraft: Du evnar å løfte blikket og leggje planar, men er samstundes ein «gjerar» som trivst med å vere tett på drifta og sikre framdrift i prosjekta.

• Relasjonsbyggjar: Du skaper tillit hjå både beslutningstakarar i næringslivet og offentlege aktørar, og du evnar å få ulike interesser til å dra i same retning.

• Relevant utdanning: Høgare utdanning på master- eller bachelornivå (t.d. innan økonomi, marknadsføring, leiing eller tekniske fag). Brei og relevant leiarerfaring kan kompensere for spesifikk utdanningsretning.

• Språk: Du kommuniserer svært godt på norsk og engelsk, både skriftleg og munnleg.

Vi ser etter den rette kombinasjonen av hovud og hjarta for oppgåva. Erfaring frå industri, eigedom eller energi er ein førdel, men vi er først og fremst på jakt etter ein leiar med kommersiell motor og solid gjennomføringskraft.

Vi oppmodar deg til å søkje, sjølv om du ikkje kjenner deg att i absolutt alt som blir nemnt i denne teksten. Kompetansegap kan tettast, og til sjuande og sist er det personlegdom, evner og entusiasme for rolla som er avgjerande!

Kvifor velje oss?

• Ein unik nøkkelrolle: Du får stor fridom til å forme di eiga rolle og framtida til selskapet.

• Solide eigarar: Du har Hydro, Årdal Energi og Årdal Utvikling i ryggen, med Årdal kommune som ein aktiv medspelar på eigarsida. Dette gir verksemda stor kraft og legitimitet. 

• Berekraft i praksis: Du får jobbe direkte med det grøne skiftet og sirkulærøkonomi i ein region med lange industritradisjonar.

• Fleksibilitet: Vi tilbyr fleksible løysingar for arbeidsstad, der ein kombinasjon av tilstadesvere i Årdal og bruk av heimekontor kan avtalast.

• Konkurransedyktige vilkår: Gode pensjons- og forsikringsordningar og løn etter avtale.

Søknadsfrist: 28. januar – søknader blir vurderte fortløpande.

Ønsker du mer informasjon om stillingen? 

Ta kontakt med vår rekrutteringspartner HAMNØY ved rådgiverne

• Sarya Aydilek, tel. 908 06 003

• Jan Tore Hamnøy, tlf. 411 02 200

Registrer og send inn CV og søknad snarest. Rekrutteringspartneren vår behandler alle henvendelser konfidensielt – også overfor oss i Årdal Teknologipark i den innledende fasen dersom det er ønskelig.

Tilstredelse etter avtale. 

Årdal Teknologipark er eit nyoppretta industriparkselskap som skal fungere som ein motor for berekraftig industriutvikling og nyskaping i Årdalsregionen. Vårt formål er å skape ein meir variert og robust næringsstruktur ved å leggje til rette for grøn industri, sirkulærøkonomi og framtidsretta teknologietableringar. Vi er ein sentral arena for kompetanse og innovasjon, strategisk plassert tett på Hydro sitt forskingsmiljø og den eksisterande prosessindustrien.

Selskapet har solide og ambisiøse eigarar i ryggen: Hydro Aluminium, Årdal Energi og Årdal Utvikling. Dette sikrar ei brei forankring i både industrien og lokalsamfunnet, der Årdal kommune spelar ei sentral rolle som indirekte eigar gjennom sine energiverk og utviklingsselskap.

Årdal Teknologipark forvaltar i dag ein portefølje av eigedommar og infrastruktur, og har som målsetjing å skape nye arbeidsplassar og fleire verksemdsetableringar i Årdal. Vi finansierast gjennom eige utleige og kapitalinnskot frå våre eigarar, som har tilført selskapet ein eigenkapital på om lag 44 millionar kroner for å sikre investeringskraft og vekst. Vi er stolte av å vere ein profesjonell og offensiv aktør som nyttar Årdal sine unike fortrinn – som rein energi og tung industrikompetanse – til å byggje morgondagens berekraftige industrisamfunn.