Rådgjevar HR

Har du lyst til å bidra til at Sogndal kommune er ein profesjonell og attraktiv arbeidsgivar?
Har du erfaring med å gi råd til leiarar? Har du god kunnskap om lov og avtaleverk for offentleg sektor? Og er du interessert i å vidareutvikle personal- og organisasjonsprosessar og ha eit strategisk blikk på arbeidet ditt? 

I så fall vil du få ei sentral rolle i arbeidet med å vidareutvikle vår organisasjon og vår kultur slik at vi står godt rusta til å møte oppgåvene for framtida. 

Me har no ledig følgjande stillingar:

• 100% fast stilling 
• 100% midlertidig stilling i eitt år med moglegheit for forlenging 
  

 HR-avdelinga bidreg til utvikling av medarbeidarar, leiarar og organisasjon og har samstundes ansvar for å levere profesjonelle HR-prosessar. Vårt område er i utvikling. Me skal lukkast i å vera ein nyskapande og attraktiv arbeidsgjevar. HR-avdelinga vår løyser oppgåver i lag i ein moderne, fleksibel og dynamisk organisasjon. 

Me ser etter deg som er erfaren innan HR. Me trur du er ein sterk fagperson med interesse for fagfelta innan HR og har eit ønskje om å jobbe tett med leiarar i ein organisasjon i utvikling. 

Rådgjevar i HR vil bistå tilsette og leiarar med råd og støtte innan bla. fagområda lov- og avtaleverk, utviklingsprosessar og rekruttering, slik at både kandidatar, tilsette og leiarar opplever gode prosessar.

Arbeidsoppgåver: 

• Generell sakshandsaming innan personalfeltet 
• Kompetanseplanlegging- og gjennomføring 
• Leiarstøtte 
• Rekruttering 
• Forvalte og utvikle reglement, retningslinjer og styringsdokument 
• Prosjektdeltaking på tvers i organisasjonen 
• Gi råd og opplæring og vere med på utvikling innan heile fagområdet  

Andre oppgåver innan personalutvikling kan bli tillagt stillinga i samråd med deg.

For å kunne håndtere desse arbeidsoppgåve ser me etter deg som har denne kompetansen og kvalifikasjonane: 

• Høgare utdanning, fortrinnsvis bachelor eller master frå relevante fagområde (HR, administrasjon, jus og liknande. )
• God erfaring med leiarutvikling og kjennskap til endringsleiing helst innan offentleg verksemd. 
• Kompetanse om lovverk, særskilt arbeidsrett 
• Betydeleg relevant arbeidserfaring (HR, digitalisering, leiing, jus)  
• Kunnskap om og erfaring frå prosjekt- og utviklingsarbeid. 

Personlege eigenskapar: 

• God relasjonskompetanse 
• Høg arbeidskapasitet 
• Evne å jobbe strukturert og kunne prioritere i ein hektisk kvardag 
• Evne til å sjå løysingar og få med deg andre og har gjennomføringsevne 
• Vant til å jobbe sjølvstendig, samstundes som du er ein god lagspelar 

Det vil bli lagt stor vekt på personlege eigenskapar i vurderinga til stillinga.  

Me tilbyr: 

• Ein variert arbeidskvardag 
• Ein spanande jobb i eit godt arbeidsmiljø. 
• Gode pensjons- og forsikringsordningar 
• Gode velferdsordningar 

Me ønskjer eit arbeidsmiljø prega av mangfald, og at våre tilsette skal spegla folkesetnaden elles. Me oppfordrar alle som er kvalifisert til å søkja jobb hos oss uansett alder, funksjonsevne, kjønn eller minoritetsbakgrunn. Me legg vekt på å leggje til rette arbeidsforholda dersom du har behov for det.  

Administrasjonsmålet i kommunen er nynorsk. Alle nytilsetjingar vert gjort med ei prøvetid på 6 månader. Me gjer merksam på at i følgje offentleglova § 25, 2. ledd kan opplysningar om søkjaren bli offentleggjort, sjølv om du har oppmoda om ikkje å bli ført på offentleg søkjarliste. Dersom du har bedt om unntak frå offentleg søkjarliste vil du alltid bli varsla før søkjarlista vert offentleggjort.  

Søknadar må leverast innan fristen og må sendast inn via rekrutteringssystemet vårt EasyCruit. 

 

Velkommen til fagre Sogn! Staden der du kan kombinere ei spanande karriere med eit liv i frisk luft og fantastiske omgjevnadar. Sjekk ut sogn.no for fleire grunnar til å kome til Sogndal og Sogn.
Sogndal kommune vart etablert 01.01.2020 etter kommunereforma. Det er ca. 12.000 innbyggjarar i kommunen, i tillegg er me vertskommune for over 3.000 studentar gjennom studieåret. Sogndal er regionsenteret i Sogn. Kommunen har om lag 1300 medarbeidarar. Kvar dag leverer me gode tenester i tråd med innbyggjarane og næringslivet sine behov. Me har sett oss som mål å vere ein framtidsretta og kunnskapsbasert samfunnsutviklar med fortrinn innan reiseliv, unike kompetansemiljø og innovasjon.

Tilgjengelegheitserklæring: https://uustatus.no/nn/erklaringer/publisert/187f2156-519b-4500-aa98-4e70dee1f837