Union Spa – vi søkjer assisterende spaansvarlig!

Er du fagleg trygg, serviceinnstilt og har ei roleg og profesjonell tilnærming til behandlingar? No har du sjansen til å bli ein del av teamet vårt i Union Spa – ein eksklusiv og avslappande del av Hotel Union Geiranger, midt i verdsarven.

Stilling: Assisterende spaansvarlig
Oppstart: Snarleg
Stad: Union Spa, Hotel Union Geiranger

Arbeidsoppgåver:

• Utføre ansikts- og kroppsbehandlingar etter våre standardar

• Bistå spaansvarleg med dagleg drift av spa og administrative oppgåver

• Resepsjonsarbeid

• Utføre klassisk massasje

• Sal av produkt og behandlingar

• Bidra til at våre gjestar får ei avslappande og profesjonell oppleving

• Oppfølging og vedlikehald av behandlingsrom og spa-avdeling

Vi ser etter deg som:

• Er utdanna hud- eller kroppsterapeut (eller begge deler)

• Har erfaring frå liknande arbeid

• Har evne til å skape ro, tillit og velvære hos kundane

• Er positiv, fleksibel og likar å jobbe i team

• Kommuniserer godt på norsk eller engelsk

Vi tilbyr:

• Jobb i eit moderne og veletablert spa, i spektakulære omgjevnader

• Gode kollegaer og eit inkluderande arbeidsmiljø

• Variert arbeidskvardag med ulike behandlingar og kundar

• Konkurransedyktige vilkår og moglegheit for personalbustad

Hotel Union er eit ærverdig og moderne hotell i hjartet av Geiranger – ein av Noregs mest ikoniske turistdestinasjonar og del av UNESCO si verdsarvliste. Hotellet har 197 rom, restaurantar, barar, kurs- og konferansefasilitetar, og eit eige veteranbilmuseum.

Union Spa er hotellet si eiga spa-avdeling – ei roleg oase med bassengområde, velværeavdeling, behandlingstilbod og treningsrom. Vi tilbyr behandlingar av høg kvalitet og nyttar produkt frå anerkjende leverandørar. Her kjem gjestene for å slappe av, hente seg inn og nyte fjordutsikt, ro og luksus.

Vi har eit internasjonalt og inkluderande arbeidsmiljø, og som del av vårt team vil du få jobbe i spektakulære omgjevnader – med kvalitet, omsorg og gode gjesteopplevingar i sentrum.