Miljøterapeuter 79,80% vaken nattevakt - 6 faste stillingar
Barne-, ungdoms- og familieetaten
- Frist 1.6.2022
- Ansettelsesform Fast
Skjoldvegen barnevernsenter ser etter deg som har stort engasjement og hjarte for ungdom
Informasjon om arbeidsstaden og stillinga
Skjoldvegen barnevernsenter er eit statleg omsorgstiltak for barn og unge i alderen 13 - 18 år. Vi tek i mot plasseringar etter Lov om barneverntenester § 4-4 og § 4-12.
Skjoldvegen barnevernsenter skal gjennom traumebevisst omsorg etablere profesjonelle omsorgsrammer som legg til rette for endring og utvikling. Senteret har tre avdelingar i Bergen og omegn; Fyllingsdalen, Søfteland og Skjold, med til saman 14 plasser.
Skjoldvegen barnevernsenter går no inn i spanande dagar ved eine avdelinga vår, Søfteland, der vi legg om turnus og skal oppretthalde det gode utviklings- og endringsarbeidet som går føre seg ved institusjonen.
Vi treng difor fleire tilsette som vaken nattevakt.
Vi ser etter deg som har eit stort engasjement og hjarte for ungdom som treng trygge og dyktige miljøterapeutar rundt seg for at dei skal få eit godt liv som vaksen.
Skjoldvegen barnevernsenter avd. Søfteland, har ledig 6 faste stillingar som miljøterapeut, vaken nattevakt i 79,80 %.
Stillinga vert organisert med to våkne nattevakter fordelt på tre team. Vi må ha ein kvinne og ein mann på kvart team. Turnus for for tida inneber også vakt kvar tredje helg. Ein må møte på møtedag onsdag før arbeidshelg.
For å oppnå ein balansert kjønnssamansetning, oppmodar vi menn til å søkje.
Stillingane er lagt til avdeling Søfteland som ligg i Bjørnafjorden kommune.
Kva vil arbeidsdagen din bestå av?
- Stillinga som vaken nattevakt inneber eit ansvar for målretta fagleg og miljøterapeutisk arbeid i tråd med traumebevisst omsorg, senteret sine retningsliner og faglege rettleiarar.
- Nattevaktane arbeider sjølvstendig og i team på to nattevaktar, og har eit særskilt omsorgsansvar om natta.
- Nattevaktane har og ein del praktiske, huslege oppgåver og vedlikehald i og rundt avdelinga i løpet av vaktane.
- Nattevaktane deltek på, og har ansvar for, overlapping ved vaktskifte, praktisk rapportskriving og anna skriftleg dokumentasjon.
- Nattevaktane deltar i fagmøter og rettleiing kvar 3. onsdag.
- Skjoldvegen barnevernsenter arbeider i et traumebevisst perspektiv gjennom Omsorgs - og endringsmodellen (OEM). Dette forventar me at du ivaretek. Opplæring vert gitt.
Kva slags bakgrunn har du?
Krav til stillinga:
- Krav om fullført 3-årig sosialfagleg høgskuleutdanning bachelor (sosionom, barnevernpedagog eller vernepleiar) tilsvarande 180 studiepoeng.
- Søkjarar med anna relevant bachelorgrad som til dømes sjukepleiar, pedagog, psykolog eller lærar kan vurderast, fortrinnsvis med 60 stp. relevant vidareutdanning.
- Krav om god munnleg og skriftleg framstillingsevne. Sjølvstende i skriftleg arbeid og god kunnskap i bruk av dataverktøy i dokumentasjonsarbeid.
- God fysisk og psykisk helse.
- Krav om førarkort for personbil kl. B.
Ønskelege kvalifikasjonar:
- Det er ønskeleg med erfaring frå miljøterapeutisk arbeid i barneverninstitusjon og/eller barne- og ungdomspsykiatri.
- Det er ønskeleg at du har kjennskap til Rettighetsforskriften.
Personlege eigenskaper:
- Vi søkjer deg som er ein trygg, tydeleg og tillitsvekkjande vaksen med godt humør, og som likar å arbeide med og for ungdom.
- Du har god arbeidsmoral, gode samarbeidsevner, er ein god motivator og ein bevisst positiv bidragsytar i arbeidsmiljøet.
- Du har gode kommunikasjonsferdigheiter og du evner og å analysere utfordringar og vurdere forslag til løysing.
- Personleg eignaheit vil verta vektlagd ved tilsetjing.
Kva får du hos oss?
- Stillingane er plassert i statleg lønsregulativ i stillingskode 1495 barnevernspedagog, 1494 sosionom, 1508 vernepleiar eller 1489 miljøterapeut i lønsramme 15, alt. 5-11, p.t. kr 413 500 - 534 400 pr. år (ltr. 43-59).
- Ved relevant vidareutdanning tilsvarande 60 studiepoeng kan det tilsetjast i stillingskode 1510 spesialutdanna barnevernpedagog, 1185 spesialutdanna sosionom, 1509 spesialutdanna vernepleiar, 1534 spesialutdanna miljøterapeut i lønsramme 18, alt. 5-11, p.t. kr 468 300 - 563 900 pr. år (ltr. 51-62) eller 1173 klinisk sosionom eller 1496 klinisk barnevernspedagog, i lønsramme 18, alt 7-11, p.t. kr 491 200 - 563 900 pr. år (ltr. 54 - 62).
- Turnustillegg kjem i tillegg til grunnløn.
- Løn og stillingskode vert vurdert etter utdanning og erfaring.
- Medlemskap i Statens pensjonskasse jf. Lov om Statens pensjonskasse, som inneber ei god tenestepensjonsordning, tilbod om bustadlån på konkurransedyktige vilkår, samt yrkesskade- og gruppelivsforsikring.
Dessutan kan vi tilby:
- Arbeid på institusjon med godt arbeidsmiljø og fagleg høg standard, med gode støttespelarar i arbeidskvardagen.
- Gode moglegheiter for fagleg og personleg utvikling, rettleiing og spanande utfordringar.
- Opplæring i Omsorg- og endringsmodellen.
- Utfordrande og varierte arbeidsoppgåver.
Opplysningar til deg som søker
- Inkludering og mangfald er ein styrke og gjer at vi kan løyse oppgåvene våre enda betre. Derfor ønsker vi oss medarbeidarar med ulike kompetansar, fagkombinasjonar, livserfaringar og perspektiv. Har du funksjonsnedsetting, hol i CV-en eller innvandrarbakgrunn, oppmodar vi deg som søker til å krysse av i jobbsøkerportalen. Er det kvalifiserte søkjarar, kaller vi inn minst éin i kvar gruppe til intervju, og får du jobben, legg vi til rette for deg om du treng det. Utanom å velje ut riktige kandidatar bruker vi ikkje avkrysningane til noko anna enn anonymisert statistikk.
- Stillinga er for tida lagt til Skjoldvegen barnevernsenter, avdeling Søfteland i Bjørnafjorden kommune.
- Politiattest må framleggast ved eventuell tilsetting, jf lov om barnevern § 6-10, og forskrift om politiattest § 6. Denne attesten skal ikkje leggast med søknaden.
- Du kan be om ikkje å bli oppført på den offentlege søkerlista. Dette må i så fall begrunnast. Vi kontakter deg dersom ønsket ditt ikkje takast til følge.
Kontaktinformasjon
Fungerande einingsleiar Ørjan Jacobsen tlf. 466 19 406
epost: orjan.jacobsen@bufetat.no
Søknad med CV skal sendast elektronisk via lenke på denne sida.
Vitnemål og attester med bekrefta stillingsstorleik og varigheit skal takast med ved eit eventuelt intervju.
Om arbeidsgiveren
Barne-, ungdoms- og familieetaten sine fem regionar har som hovudoppgåve å drive etatens institusjonar og familievernkontor. I tillegg har regionane ansvar for fosterheimsrekruttering og oppgåver knytt til adopsjon. Barn, unge og deira familie skal få riktig hjelp til rett tid uansett kvar dei bur i Noreg. Bufetat sine fem regionar rapporterer til Barne-, ungdoms- og familiedirektoratet som er underlagd Barne- og familiedepartementet.
Bufetat, region vest femnar om fylka Vestland og Rogaland. Regionkontoret ligg i Bergen.
- Sektor: Offentlig
- Antall stillinger: 6
- Sted: Skjoldvegen 51, 5221 Nesttun
- Bransje: Offentlig administrasjon
- Stillingsfunksjon: Barnevernspedagog, Omsorg og sosialt arbeid, Vernepleier/miljøterapeut
Nøkkelord
miljøterapeut, barnevern, nattevakt, omsorg, ungdom
- FINN-kode 258920687
- Sist endret