Til deg som ønsker leiarstilling i ei verksemd med det viktigaste samfunnsoppdraget

Ved Bjørgvin ungdomssenter er det ledig fast 100 % stilling som avdelingsleiar.

Avdelingsleiar har i samarbeid med leiar og behandlingsansvarlig oppfølgings- og rettleiingsansvar for miljøterapeutar ved Bjørgvin ungdomssenter.

Avdelingsleiar er også tillagt ansvar for personaladministrasjon for si avdeling.

Avdelingsleiar rapporterar til leiar og inngår i leiargruppa.

Bjørgvin ungdomssenter driv rusbehandling i henhold til Læringsbasert rusbehandling (LBR). Målgruppa er ungdom med alvorlege åtferdsvanskar, herunder alvorlege og vedvarande rusproblem. Det blir lagt stor vekt på å få til eit godt samarbeid med ungdommen og den naturlege økologien til ungdommen. Sentralt i behandlingsarbeidet er at ungdommen skal opparbeide seg ferdigheiter for å handtere situasjonar som tidlegare har ført til rusbruk. Det er tett samarbeid med foreldre og andre viktige personar for å støtta ungdommen i endringsarbeidet. Rusbehandlinga byggjer på læringsteoretiske prinsipp, kognitiv åtferdsterapi og sosialøkologisk teori. Behandlingsmodellen er under utvikling i eit spanande samarbeid mellom kvalitetssikrar i Nasjonal eining for behandling (NABE), Nasjonalt utviklingssenter for barn og unge (NUBU), Bjørgvin ungdomssenter og Jong ungdomshjem.

• Du skal følge opp plan- og rapporteringsarbeid på avdelinga og vere ansvarleg for at dette blir gjort i tråd med eininga sine rutiner.
• Du skal bidra til å sikre god fagleg standard i behandlingsarbeidet, og i samarbeid med leiar / fagleg rådgjevar vere ein pådrivar i fagleg utviklings- og implementeringsarbeid i di avdeling.
• Du vil ha ansvar for dagleg drift i avdelinga, samt skal ha oversikt og kontroll over behov for bemanning/vaktprotokoll.
• I samarbeid med leiar har du ei viktig rolle i forhold til samarbeid med eining for inntak i Bufetat, og skal følge opp inntaksarbeidet etter at beslutning om inntak av ungdom er tatt.
• Det kan vere aktuelt å vere vitne i fylkesnemdsaker.
• Avdelingsleiar er sentral i det eksterne samarbeidet.
• Avdelingsleiar har eit særskilt ansvar når det gjeld fokus på ungdommane sin skulegang/samarbeid med skular/sikre ungdomane sine rettar innan skule/opplæring. 

Du må ha:

• godkjent sosialfagleg høgskuleutdanning, som barnevernspedagog, sosionom eller vernepleiar
• relevant erfaring frå gjennomføring av dagleg drift, herunder planlegge, evaluere og beslutte innan eige ansvarsområde
• erfaring i leiarrolle og/eller utdanning innan leiing/offentleg administrasjon er ein fordel
• kunnskap om rettighetsforskriften.
• god munnleg og skriftleg framstillingsevne.

Det er ønskeleg med: 

• minimum 15 studiepoeng innan leiing og administrasjon
• barnevernsarbeid frå 1. og 2. linjeteneste
• erfaring med målgruppa, eller arbeid med barn/ungdom og familiar.
• erfaring frå tverrfagleg/tverretatleg samarbeid
• leiarerfaring frå liknande arbeid vil vere ein fordel
• kjennskap til arbeidstidsordningar/turnusarbeid
• kjennskap til og evne til å følge opp ved interne og eksterne tilsyn
• kjennskap til arbeid med tvangsprotokoller og juridiske vurderingar

Vi ser etter deg som:

• har gode kommunikasjons- og samarbeidsferdigheiter
• har evne til å inspirere medarbeidarar og ha ei positiv innstilling
• har evne til å arbeide sjølvstendig og strukturert og bidra aktivt i utviklingsarbeid
• har god evne til fleksibilitet i høve til ulike arbeidsoppgåver, fagleg og adminstrativt
• tåler høgt arbeidstempo i periodar, bidrar med bistand og støtte til medarbeidarar i utfordrande situasjonar
• kan arbeide målretta og effektivt både sjølvstendig og i team
• har evne til å ta beslutningar, planlegge og framstå tydeleg i leiarrolla
• har omstillingsevne

• Stillinga er plassert i statleg lønnsregulativ som kode 1407 avdelingsleder i lønnstrinn 62 - 72, p.t. kr 563 900 - 677 600 pr. år. Lønn vert vurdert etter ei heilskapsvurdering av kvalifikasjonar.
• Medlemskap i Statens pensjonskasse jf. Lov om Statens pensjonskasse, som inneber ei god tenestepensjonsordning samt yrkesskade- og gruppelivsforsikring.

Vi kan også tilby:

• eit utviklande og godt arbeids- og fagmiljø
• deltaking i etablert samarbeid på leiing/fagleg nivå med institusjon i region aust som arbeidar med same metodikk/målgruppe
• deltaking på ulike typer opplæring, fagleg/administrativt.
• deltaking saman med annan avdelingsleiar/leiar/behandlings-ansvarlege i møte med ekstern kvalitetsrådgjevar
• deltaking på Bufetat sin leiarskule

• Inkludering og mangfald er ein styrke og gjer at vi kan løyse oppgåvene våre enda betre. Derfor ønsker vi oss medarbeidarar med ulike kompetansar, fagkombinasjonar, livserfaringar og perspektiv. Har du funksjonsnedsetting, hol i CV-en eller innvandrarbakgrunn, oppmodar vi deg som søker til å krysse av i jobbsøkerportalen. Er det kvalifiserte søkjarar, kaller vi inn minst éin i kvar gruppe til intervju, og får du jobben, legg vi til rette for deg om du treng det. Utanom å velje ut riktige kandidatar bruker vi ikkje avkrysningane til noko anna enn anonymisert statistikk.
• Stillinga er for tida lagt til Bjørgvin ungdomssenter.
• Politiattest må framleggast ved eventuell tilsetting, jf lov om barnevern § 6-10, og forskrift om politiattest § 6. Denne attesten skal ikkje leggast med søknaden.
• Du kan be om ikkje å bli oppført på den offentlege søkerlista. Dette må i så fall begrunnast. Vi kontakter deg dersom ønsket ditt ikkje takast til følge.

Jostein Skogseth, leiar. Mob; 466 15 629.

Søknad med CV skal sendast elektronisk via lenke på denne sida.

Vitnemål og attestar med bekrefta stillingsstorleik og varigheit skal takast med ved eit eventuelt intervju.