100 % Miljøterapeut

Bergen akuttsenter ivaretek akuttfunksjonen for ungdom 13-18 år i Vestland. Bergen akuttsenter har 6 plassar på avdeling Nattland som
primært er plassert etter samtykke og er ei open avdeling. Kvardagen i avdelinga er prega av hyppige inntak av ungdom i krise, store variasjonar i problematikk; bakgrunn, smerteuttrykk, psykisk fungering og omsorgsbehov. Det er eit krav å kartlegge mange faktorar på kort tid, samt det å byrje arbeidet med å skapa ei utvikling hjå ungdomen og deira familie.

Ved avd. Nattland er det ledig 1 fast 100 % stilling p.t i todelt turnus med arbeid kvar tredje helg.

Det kan også bli ledig andre stillingar ved senteret.

Søkjarar som også er interessert i vikariat/tilkallingsvikar blir oppmoda til å opplyse om dette i søknaden.

Vi tilstrebar ei lik kjønnsfordeling blant våre tilsette. Dette med bakgrunn i eit balansert arbeidsmiljø, og gitte føringar i Barnevernslova. På bakgrunn av dette oppmodar vi særleg menn til å søkje.

Arbeidsoppgåver

• Hovudkontaktansvar for ungdomane som inneber deltaking i møteverksemd, delansvar for framdrift, oppfølging av dagtilbod, familiearbeid og vaktansvar.
• Miljøterapeutisk arbeid med ungdom, med fokus på traumesensitiv tilnærming og krisehandtering.
• Delta i kartleggingsarbeid og observasjon.
• Ta i mot nye ungdomar.
• Dokumentasjonsansvar.
• Praktiske oppgåver i avdelinga.

Kvalifikasjonar

• Du har fullført høgskoleutdanning med minimum 180 studiepoeng som barnevernspedagog, sosionom eller vernepleiar.
  
• Miljøterapeutisk erfaring frå barnevern vert vektlagd.
• God munnleg og skriftleg framstillingsevne.
• Krav om sertifikat kl. B.

Det er ønskjeleg at du har:

• Institusjonserfaring frå miljøterapeutisk arbeid i barnevernsinstitusjon.
• Kjennskap til Barnevernslova og gjeldande reglar for opphald i institusjon.
• Kjennskap til traumebevisst omsorg.

Personlege eigenskapar

• Har god fysisk og psykisk helse.
• Har gode kommunikasjons- og samarbeidsevner.
• Er løysingsfokusert og lojal.
• Framstår som trygg i alle typar situasjonar.
• Har evne til romslegheit, fleksibilitet og sjølvstende.
• Har toleranse for arbeidspress i ein hektisk kvardag.
• Er punktleg, og har evne til å arbeide strukturert og metodisk.
• Personlege eigenskapar vil bli særleg vektlagde.
  

Vi tilbyr

• Stillingane er plassert i statleg lønsregulativ i stillingskode 1495 barnevernspedagog, 1494 sosionom, eller 1508 vernepleiar: kr 466 600 - kr 594 500 pr. år (ltr. 45-61).
• Ved relevant vidareutdanning tilsvarande 60 studiepoeng kan det tilsetjast i stillingskode 1510 spesialutdanna barnevernspedagog, 1185 spesialutdanna sosionom, 1509 spesialutdanna vernepleiar, 1534 spesialutdanna miljøterapeut: kr 524 700 - kr 624 500 pr. år (ltr. 53-64) eller 1173 klinisk sosionom eller 1496 klinisk barnevernspedagog: kr 532 200 - 624 500 pr. år (ltr. 54-64).
• Løn vert vurdert etter utdanning og erfaring.

• Medlemskap i Statens pensjonskasse jf. Lov om Statens pensjonskasse, som inneber ei god tenestepensjonsordning, med moglegheit for tilbod om boliglån til konkurransedyktige vilkår, samt yrkesskade- og gruppelivsforsikring.
• Deltaking i spennande arbeid med ungdommar med behov for god og føreseieleg omsorg

Dessutan kan vi tilby:

• Godt fagleg og sosialt miljø med gode støttespelarar i arbeidskvardagen.
• Du får vere med på å løfte oss slik at vi kan gi barn og unge og familiar eit enda betre tilbod, og det meiner vi har ein stor verdi i seg sjølv.

Opplysningar til deg som søker:

• Inkludering og mangfald er ein styrke og gjer at vi kan løyse oppgåvene våre enda betre. Derfor ønsker vi oss medarbeidarar med ulike kompetansar, fagkombinasjonar, livserfaringar og perspektiv. Har du funksjonsnedsetting, hol i CV-en eller innvandrarbakgrunn, oppmodar vi deg som søker til å krysse av i jobbsøkerportalen. Er det kvalifiserte søkjarar, kaller vi inn minst éin i kvar gruppe til intervju, og får du jobben, legg vi til rette for deg om du treng det. Utanom å velje ut riktige kandidatar bruker vi ikkje avkrysningane til noko anna enn anonymisert statistikk.
  
• Stillinga er for tida lagt til Bergen Akuttsenter avd. Nattland
• Vi ønskjer lik kjønnsbalanse mellom kvinner og menn. Dette kan vere avgjerande ved val av kandidatar til intervju ettersom
  personalsamansetninga er viktig.
• Politiattest må framleggast ved eventuell tilsetting, jf lov om barnevern § 12-11 andre ledd, og forskrift om politiattest § 7. Denne attesten skal ikkje leggast med søknaden.
  
• Du kan be om ikkje å bli oppført på den offentlege søkerlista. Dette må i så fall begrunnast. Vi kontakter deg dersom ønsket ditt ikkje takast til følge.
  

Søknad med CV skal sendast elektronisk via lenke på denne sida.

Vitnemål og attester med bekrefta stillingsstorleik og varigheit skal leggjast ved elektronisk som vedlegg i Webcruiter, samt takast med ved eit eventuelt intervju.