Avdelingsleiar

Bufetat region vest har ledig ein fast 100% stilling som avdelingsleiar ved senter for foreldre og barn.

Senter for foreldre og barn region vest har tre avdelingar som ligg i Bergen, Førde og Stavanger. Avdelingsleiaren er ein del av senteret sitt leiarteam og blir ein viktig bidragsytar i forhold til den faglege utviklinga på feltet. Vidare medverkar avdelingsleiaren til at drifta vert utført i tråd med nasjonale kvalitetsmål og kunnskapsbasert praksis og brukermedverknad.

Vi kan tilby spennande oppgåver med utfordringar knytt til ny barnevernsreform og nasjonalt standardisert forløp for utgreiing og hjelpetiltak. Vår primære oppgåve er å tilby spesialisert utgreiing av familiar i barneverntenesta si undersøkingseriode. Målgruppa er dei komplekse sakene der det er knytt stor usikkerheit til om foreldra kan gje tilstrekkeleg omsorg. Barna i målgruppa er 0-6 år, med prioritering av 0-3 år.

Stillinga inneber at du både må ha leiarerfaring og gjerne ha barnevernfagleg eller helse- og sosialfagleg kompetanse. Det er ein fordel med erfaring frå døgndrift. Vi har behov for deg som har engasjement, og er opptatt av å vere del av ein organisasjon som skal utvikle best mogeleg tenester i tråd med til ei kvar tid gjeldande faglege føringar. Vi samarbeider tett med kommunale barneverntenester.

Vi ser ser etter ein leiar som er positiv, med faglege og strategiske evner.

Arbeidsoppgåver

• Dagleg ansvar for avdelinga, herunder planlegge og sikre effektiv turnusdrift gjennom året.
• Fag- og personaloppfølging, samt ansvar for internkontroll.
• Leie, motivere og følgje opp dei tilsette.
• Sikre at avdelinga vert drifta innafor dei faglege- og økonomiske rammene.
• Følgje opp administrative føringar og rapportere i tråd med dette.
• Sikre godt arbeidsmiljø saman med dei tilsette.
• Kvalitetssikring drift og arbeidsprosessar.
• Avdelingsleiar må pårekne å ta del i det faglege arbeidet ved avdelinga.

Kvalifikasjonar

Det er krav om:

• Fullført bachelor som barnevernspedagog, sosionom eller vernepleiar (180 studiepoeng).
• Anna relevant bachelorgrad kan vurderast.
• Erfaring frå barnevern, helse eller sosialfeltet. Fortrinnsvis innan fagfeltet sped- og småbarn.
• Relevant leiarerfaring, gjerne innan offentlig sektor.
• Svært god munnleg og skriftleg framstillingsevne på norsk.

Det er ønskjeleg med:

• Relevant videreutdanning tilsvarande 60 studiepoeng eller master.
• Erfaring frå kommunal barnevernteneste eller familiearbeid.
• Minimum 15 studiepoeng innan leiing og administrasjon. Dersom søkjar ikkje har dette må vedkomande forplikte seg til å gjennomføre slik utdanning innan eitt år etter tilsetjing.
• Erfaring med en kombinasjon av strategiske- og operative leiaroppgåver.
• Erfaring frå turnusarbeid innan barnevern, helse- eller sosialfeltet

Personlege eigenskapar

• Gode kommunikasjons- og samarbeidsferdigheiter.
• Forståing av leiarrolle i endring og utvikling.
• Evne til å inspirere medarbeidarar og ha ei positiv innstilling.
• Evne til å arbeide sjølvstendig og strukturert og vere aktiv i utvikling av senteret.
• Framoverlent i høve til utvikling av beste praksis.
• Fleksibel i høve arbeidsoppgåver, både faglege og administrative.
• Evne til å ta beslutningar i komplekse saker.

For oss er det også svært viktig korleis du som person passar til jobben. Dette vil bli tatt med i den totale vurderinga.

Vi tilbyr

• Stillinga er plassert i statleg lønnsregulativ i stillingskode 1407 avdelingsleiar, p.t. frå kr 657 300 - 732 300 pr. år. (ltr. 67-73).
• Løn vert vurdert etter utdanning og erfaring. For særskild godt kvalifiserte søkjarar kan høgare løn vurderast.
• Medlemskap i Statens pensjonskasse jf. Lov om Statens pensjonskasse, som inneber ei god tenestepensjonsordning, med moglegheit om tilbod om boliglån til konkurransedyktige vilkår, samt yrkesskade- og gruppelivsforsikring.
• Ein spanande arbeidsstad, med eit godt fagmiljø og gode utviklingsmoglegheiter.
• Du får vere med på å løfte oss slik at vi kan gi barn og unge og familiar eit enda betre tilbod, og det meiner vi har ein stor verdi i seg sjølv.
• Høve til å trene inntil ein time i veka i arbeidstida.
• Godt tverrfagleg miljø.

Opplysningar til deg som søkjer

• Inkludering og mangfald er ein styrke og gjer at vi kan løyse oppgåvene våre enda betre. Derfor ønsker vi oss medarbeidarar med ulike kompetansar, fagkombinasjonar, livserfaringar og perspektiv. Har du funksjonsnedsetting, hol i CV-en eller innvandrarbakgrunn, oppmodar vi deg som søker til å krysse av i jobbsøkerportalen. Er det kvalifiserte søkjarar, kaller vi inn minst éin i kvar gruppe til intervju, og får du jobben, legg vi til rette for deg om du treng det. Utanom å velje ut riktige kandidatar bruker vi ikkje avkrysningane til noko anna enn anonymisert statistikk.
• Stillinga er for tida lagt til Senter for foreldre og barn, avd. Bergen.
• Politiattest må framleggast ved eventuell tilsetting, jf lov om barnevern § 12-11 andre ledd, og forskrift om politiattest § 7. Denne attesten skal ikkje leggast med søknaden.
• Du kan be om ikkje å bli oppført på den offentlege søkerlista. Dette må i så fall begrunnast. Vi kontakter deg dersom ønsket ditt ikkje takast til følge.

Søknad med CV skal sendast elektronisk via lenke på denne sida.

Vitnemål og attester med bekrefta stillingsstorleik og varigheit skal leggjast ved elektronisk som vedlegg i Webcruiter, samt takast med ved eit eventuelt intervju.