Dyktige fagpersonar innan barnevern - tre faste stillingar - 100 %
Barne-, ungdoms- og familieetaten
- Frist 4.12.2022
- Ansettelsesform Fast
Nye utfordringar med ny barnevernsreform og nasjonalt standardisert forløp ved foreldre og barn senter. Vil du vere med?
Informasjon om stillingane og arbeidsstaden
- Vil du bli med på å utforme eit nytt tilbod for spe- og småbarn i risiko?
- Region Vest Senter for foreldre og barn, avdeling Førde, har ledig tre faste 100 % stillingar som spesialutdanna barnevernspedagog/sosionom/vernepleiar/miljøterapeut.
- Utgreiingsoppgåver som tilseier erfaring og kompetanse knytt til vurdering av samspel/tilknytning mellom foreldre og barn 0-6 år er tillagt stillingane.
- Senteret jobbar både heimebasert, poliklinisk og døgnbasert. Tilsette går i turnus, for tida med inntil to seinvaktar i veka og arbeid kvar 6. helg. Det er eigne nattevaktar og psykologspesialist.
- Me kan tilby spennande oppgåver med nye utfordringar knytt til ny barnevernsreform og nasjonalt standardisert forløp for Senter for foreldre og barn.
- Avdeling Førde tilbyr utgreiingstiltak med fokus på foreldre-barn samspel, foreldra sin omsorgskompetanse og barnet si fungering. Avdelinga tilbyr òg hjelpetiltak med fokus på utvikling av foreldreferdigheter og å styrke tilknyting mellom foreldre og barn.
- Bistand frå senteret er lovregulert i Lov om barneverntenester § 4-3,7.ledd og 4-4, 2. ledd. Kommunal barnevernteneste er innsøkande instans.
- Region vest senter for foreldre og barn har 3 institusjonsavdelingar for foreldre og barn 0-6 år i Bergen, Stavanger og Førde. Avdeling Bergen/Sudmannske har 7 plassar, Stavanger og Førde har 3 plassar på kvar avdeling.
- Region vest har eit nasjonalt spisskompetansemiljø for sped- og småborn i risiko, som er lagt til senteret.
- I tillegg har senteret eit PMTO-team med terapeutar i Bergen og Stavanger, som gir eit behandlingstilbod til familiar med barn som har åtferdsvanskar.
Kva vil arbeidsdagen din bestå av?
- Jobbe etter standardisert forløp i team med andre dyktige og erfarne fagfolk.
- Observere og gjere barnevernsfaglege analysar og vurderingar av foreldre- og barns samspel.
- Rettleie foreldre.
- Bruke aktuelle kartleggingsverktøy og rettleiingsmetodar.
- Samarbeide med foreldre, barneverntenester og andre aktuelle samarbeidspartar.
- Dokumentere arbeidet og skrive rapport med barnevernfaglege analysar, vurderingar og tilrådingar.
- Jobbe aktivt med fagutvikling og vere med å utvikle ei ny teneste.
- Vitne i fylkesnemnd/rettsapparat.
- Praktiske oppgåver knytt til tiltaket.
Kva slags bakgrunn har du?
- Minimum treårig høgskuleutdanning som barnevernspedagog, sosionom eller vernepleiar. Anna relevant bachelorgrad kan vurderast.
- Det er krav om 30 studiepoeng i relevant vidareutdanning og 4 års erfaring innanfor barnevernfagleg arbeid, eller 60 studiepoeng relevant vidareutdanning, eller master.
- Erfaring frå kommunal barnevernteneste med vekt på utgreiing av omsorg for barn, eller anna relevant erfaring vil bli vektlagt.
- Erfaring frå arbeid med spe- og småbarn i risiko vert vektlagt.
- Erfaring frå sjølvstendig dokumentasjonsarbeid som inneber analysar og vurderingar vert vektlagt.
Det er også ynskjeleg med:
- erfaring med metodikk/verktøy som er knytt opp mot utgreiingsarbeid med foreldre og spe- og småbarn
- observasjonserfaring knytt til barn og samspel foreldre-barn
- rettleiingskompetanse.
Kven ser vi etter?
Vi ser etter deg som:
- Har evne til å opparbeide gode relasjonar også i utfordrande kontekstar.
- Har god barnevernfagleg vurderingsevne.
- Kan jobbe sjølvstendig og ta ansvar.
- Kan arbeide målretta og systematisk.
- Har god samarbeidsevne.
- Har god skriftleg og muntleg framstillingsevne og norskkunnskapar.
- Har eit positivt engasjement.
Det vil bli lagt stor vekt på personlege eigenskapar.
Kva får du hos oss?
Stillingane er plassert i statleg lønsregulativ:
- Stillingskode 1489 miljøterapeut, 1494 sosionom, 1495 barnevernspedagog og 1508 vernepleiar, p.t kr 435 600 - 553 500 (ltr. 45-60) pr. år.
- Stillingskode 1185 spesialutdanna sosionom, 1510 spesialutdanna barnevernspedagog, 1509 spesialutdanna vernepleiar, 1534 spesialutdanna miljøterapeut, pt. kr 501 200 - 636 700 (ltr 54-68) pr. år.
- Stillingskode 1173 klinisk sosionom eller 1496 klinisk barnevernspedagog, p.t. kr 501 200 - 636 700 pr. år (ltr. 54-68).
Løn og stillingskode vert vurdert etter utdanning og erfaring. Løn kan vurderast etter særskilt kompetanse.
- Medlemskap i Statens pensjonskasse jf. Lov om Statens pensjonskasse, som inneber ei god tenestepensjonsordning, moglegheit for bustadlån til konkurransedyktige vilkår, samt yrkesskade- og gruppelivsforsikring.
Dessutan kan vi tilby:
- Varierte arbeidsoppgåver.
- Ein spennande arbeidsplass med gode faglege utviklingsmoglegheiter og gode kollegaer.
- Du får ta del i overgang til standardisert forløp for alle foreldre og barn sentra i landet frå 2022, i samband med ny barnevernsreform, der vi m.a skal jobbe tettare saman med kommunane i undersøkingsfasen etter Lov om barnevernstenester § 4-3.
Opplysningar til deg som søkjer
- Inkludering og mangfald er ein styrke og gjer at vi kan løyse oppgåvene våre endå betre. Derfor ynskjer vi oss medarbeidarar med ulike kompetansar, fagkombinasjonar, livserfaringar og perspektiv. Har du funksjonsnedsetting, hol i CV-en eller innvandrarbakgrunn, oppmodar vi deg som søkjar om å krysse av i jobbsøkjarportalen. Er det kvalifiserte søkjarar, kaller vi inn minst éin i kvar gruppe til intervju, og får du jobben, legg vi til rette for deg om du treng det. Utanom å velje ut riktige kandidatar bruker vi ikkje avkrysningane til noko anna enn anonymisert statistikk.
- Stillinga er for tida lagt til RV Senter for foreldre og barn, avd. Førde.
- Politiattest må framleggast ved eventuell tilsetting, jf lov om barnevern § 6-10, og forskrift om politiattest § 6.
- Du kan be om ikkje å bli oppført på den offentlege søkerlista. Dette må i så fall grunngjevast. Vi kontaktar deg dersom ynskjet ditt ikkje vert teke til fylgje.
- Førerkort kl. B må du ha.
Kontaktinformasjon
Avdelingsleiar Bente Kråkås tlf 466 18 882
e-post: bente.krakas@bufetat.no
Søknad med CV skal sendast elektronisk via lenke på denne sida.
Vitnemål og attester med bekrefta stillingsstorleik og varigheit skal takast med ved eit eventuelt intervju.
Om arbeidsgiveren
Barne-, ungdoms- og familieetaten sine fem regionar har som hovudoppgåve å drive etatens institusjonar og familievernkontor. I tillegg har regionane ansvar for fosterheimsrekruttering og oppgåver knytt til adopsjon. Barn, unge og deira familie skal få riktig hjelp til rett tid uansett kvar dei bur i Noreg. Bufetat sine fem regionar rapporterer til Barne-, ungdoms- og familiedirektoratet som er underlagd Barne- og familiedepartementet.
Bufetat, region vest femnar om Vestland og Rogaland. Regionkontoret ligg i Bergen.
- Sektor: Offentlig
- Antall stillinger: 2
- Sted: Svanehaugvegen 3, 6810 Førde
- Bransje: Offentlig administrasjon
- Stillingsfunksjon: Barnevernspedagog, Omsorg og sosialt arbeid, Vernepleier/miljøterapeut
- FINN-kode 280967896
- Sist endret