Vil du leie utviklinga av ei viktig teneste for barn og familiar i HAFS?

HAFS barnevernteneste arbeider for å finne gode løysingar for barn, unge og familiar i Hyllestad, Askvoll, Fjaler og Solund. Eininga består av ti engasjerte medarbeidarar som kvar dag samarbeider for å møte utfordringar, sjå moglegheiter og sikre gode tenester til innbyggjarane i regionen.

No står tenesta framfor ei spanande utvikling, og vi søkjer ein trygg og tydeleg leiar som vil vere med på å forme vegen vidare. Som leiar får du ansvar for å vidareutvikle tenesta, leie medarbeidarane og sikre høg fagleg kvalitet i arbeidet til beste for barn, unge og familiar i HAFS.

Barnevernsfeltet er i sterk utvikling, og dette er ei moglegheit for deg som ønskjer å påverke framtidas barnevern. Du vil ha medansvar for oppfølging av vedtekne planar, bidra til strategisk utvikling av tenesta og sikre godt samarbeid med kommunar, samarbeidspartnarar og andre viktige aktørar i HAFS-regionen.

Sentrale arbeidsoppgaver:

· Hovudansvar for å drive eit best mogleg tenestetilbod for barn, deira familiar og nettverk

· Organisasjonsutvikling og kvalitetsarbeid

· Leie og støtte eit team med dyktige sakshandsamarar

· Vidareutvikle kultur, struktur og arbeidsprosessar

· Sikre gode resultat for barn og familiar i regionen

Kven ser vi etter?

Vi søkjer ein trygg, robust og tydeleg leiar som ønskjer å gjere ein forskjell for barn, unge og familiar. Du har ei sterk fagleg forankring, evne til å skape retning og trivst med å leie og utvikle medarbeidarar. Samstundes har du forståing for samhandling, utviklingsarbeid og kommunen si rolle som tenesteytar.

Vi ser særleg etter deg som har:

· Barnevernsfagleg bakgrunn

· Leiarerfaring / gode leiareigenskapar

· God forståing for lovverk og kommunal verksemd

· Evne til å bygge tillit, skape engasjement og oppnå resultat

Kvalifikasjonskrav:

· Utdanning som barnevernspedagog eller sosionom

· Erfaring frå arbeid i barneverntenesta eller tilsvarande verksemd

· Relevant leiarerfaring

· God munnleg og skriftleg framstillingsevne på norsk

· Førarkort klasse B

· Godkjend politiattest og tuberkulinattest

Frå 2031 blir det lovpålagt at leiarar i barneverntenesta har masterutdanning. Dersom du ikkje har mastergrad i dag, må denne gjennomførast innan 2031.

Ved tilsetjing vil det bli lagt stor vekt på personleg eignaheit.

Personlege eigenskapar

Vi trur du vil trivast og lukkast i rolla dersom du:

· Er tydeleg, handlekraftig og fagleg trygg

· Har ein inkluderande og motiverande leiarstil

· Bygger gode relasjonar og skapar tillit rundt deg

· Handterer uføresette situasjonar på ein roleg og konstruktiv måte

· Møter tilsette, brukarar og samarbeidspartnarar med respekt, audmjukskap og tryggleik

Om du ønskjer ein meiningsfull og utfordrande leiarjobb der du får vere med på å vidareutvikle viktige tenester for barn, unge og familiar, vil vi gjerne høyre frå deg. Saman kan vi gjere ein forskjell for innbyggjarane i HAFS.

Vi gjer merksam på at søkjarliste med namn, kjønn, alder og noverande stilling i utgangspunktet er offentleg. Dersom det ikkje er særlege grunnar for å verte unnateke offentleggjering, vil søkjaren verte kontakta og få høve til å trekke søknaden sin før søkjarliste vert gjort offentleg.