Vil du bidra til god forvaltning og gode tenester for innbyggjarane våre?

NGIR søkjer ein engasjert og strukturert sakshandsamar til eit vikariat i avdelinga Sak og system.

Vikariatet varer frå 1. oktober 2026 til 31. mai 2028.

Som sakshandsamar hos oss får du ei viktig rolle i arbeidet med å sikre rettferdig, korrekt og effektiv behandling av saker knytte til renovasjon og slam.

Du vil vere ein del av eit fagmiljø som arbeider tett på innbyggjarane, og bidra til gode løysingar gjennom sakshandsaming, rettleiing og dialog.

Om stillinga

Arbeidskvardagen vil i stor grad vere knytt til behandling og oppfølging av saker innan renovasjon og slam.

Du vil handtere søknader, førespurnader og ulike forvaltningssaker, utarbeide vedtak og skriftlege svar, og gi rettleiing til innbyggjarar og samarbeidspartnarar.

Stillinga omfattar også arbeid med uttalar i samband med areal- og reguleringsplanar, samt andre oppgåver innan avdelinga sitt ansvarsområde.

Dette er ei stilling for deg som trivst med å arbeide grundig og systematisk, og som ser verdien av god og tydeleg kommunikasjon.

Kven ser vi etter?

Vi ser for oss at du har relevant høgare utdanning innan administrasjon, samfunnsfag, juridiske fag, økonomi eller tilsvarande.

Erfaring frå sakshandsaming eller offentleg forvaltning vil vere ein fordel, men er ikkje eit krav.

Gode norskkunnskapar, både munnleg og skriftleg, er ein føresetnad.

NGIR nyttar nynorsk som administrasjonsspråk, og ein stor del av arbeidet inneber skriftleg kommunikasjon. Vi søkjer derfor ein medarbeidar som skriv nynorsk på ein trygg, korrekt og tydeleg måte.

Du har god digital forståing og set deg raskt inn i nye system og arbeidsprosessar.

Personlege eigenskapar

For å trivast i stillinga bør du vere strukturert, nøyaktig og ansvarsmedviten.

Du arbeider sjølvstendig, men samarbeider også godt med andre når det trengst.

Du er serviceinnstilt og møter innbyggjarar og kollegaer på ein positiv og profesjonell måte.

Vi ser etter ein person som tek eigarskap til oppgåvene sine, som evnar å handtere fleire saker samstundes, og som har gode vurderingsevner.

Du likar å finne løysingar og bidreg til eit godt arbeidsmiljø gjennom engasjement, samarbeid og godt humør.

Personlege eigenskapar vil bli tillagde stor vekt.

Kvifor velje NGIR?

Hos oss får du ein meiningsfull jobb med stor samfunnsnytte.

Du blir del av eit inkluderande og kompetent arbeidsmiljø med høg trivsel og godt samarbeid på tvers av fagområde.

Vi legg vekt på tillit, utvikling og kunnskapsdeling, og ønskjer å vere ein arbeidsplass der medarbeidarane opplever meistring og arbeidsglede.

Gjennom arbeidet ditt vil du vere med på å sikre gode tenester for innbyggjarane i regionen og bidra til ei berekraftig forvaltning av fellesskapet sine ressursar.

Våre verdiar

I NGIR arbeider vi etter verdiane våre: innbyggjarar i fokus, ansvarleg og påliteleg, utviklingsorientert og samarbeid.

Vi ønskjer ein kollega som kjenner seg att i desse verdiane og som vil vere med på å vidareutvikle tenestene våre.

Vil du bli vår nye kollega?

Då håpar vi du sender oss ein søknad.

Vi ser fram til å høyre frå deg.