Prosjektstilling
- Søknadsfrist 27.8.2026
- Sektor Offentlig
Prosjektstilling
Vestland fylkeskommune skal ha eit effektivt, trygt og framtidsretta transportsystem som legg til rette for klima- og miljøvenleg mobilitet og berekraftig samfunnsutvikling. Dette inneber at fylkeskommunen skal vere ein pådrivar for å skape gode og framtidsretta løysingar, der ein tilpassar infrastruktur til eit
klima i endring, reduserer utslepp og tek vare på naturmangfald. Avdeling for infrastruktur og veg arbeider for trygge kvardagsvegar.
Etter at vi fekk innvilga klimasatstilskot frå Miljødirektoratet søker vi etter nokon som vil jobbe i ei 1-årig prosjektstilling for å arbeide med å utvikle ei digital løysing for rapportering av klimagassutslepp for fylkesvegprosjekt.
Arbeidsoppgåver
- Bidra med å utarbeide klimagassbudsjett og klimagassrekneskap for små og store vegbyggingsprosjekt
- Utarbeide behovsanalyse av vegbyggingsprosjekt i Norge gjennom bruk av interjvu, undersøkingar og arbeidsverkstader og utarbeide ein prosessplan basert på dette.
- Samarbeide med eksterne utviklermiljø for å utvikle rapporteringsløysing for maskiner og køyretøy i vegprosjekt
- Legge til rette for opplæring og utarbeide opplæringsmateriell
- Arbeid med å kontrollere at klimakrav sett i kontrakt vert fulgt og etablere nye rutinar knytt til dette
- Bidra inn i klima og miljøarbeidet på avdelinga som fagressurs på vegprosjekt
Kvalifikasjonar
Du må ha:
- høgare utdanning innan relevante fagkombinasjonar
- god norsk kunnskap, både munnleg og skriftleg
- førekort klasse B
Det er i tillegg ønskjeleg at du har:
- erfaring frå samferdselsprosjekt
- erfaring frå offentleg forvaltning
- kunnskap om klima, miljø og berekraft
Vi tilbyr
- Utfordrande og spennande arbeidsoppgåver
- Engasjerande og sterkt fagmiljø
- Fagsamlingar og sosiale arrangement
- Fleksibel arbeidstid og sommartid
- Mogelegheit for heimekontor etter avtale
- Gode forsikrings- og pensjonsordningar
- Løn etter avtale
Kontaktinformasjon
Jorunn-Elisabeth Stavø, LeiarArbeidsstad
Askedalen 26863 Leikanger
Nøkkelinformasjon:
Arbeidsgivar: Vestland fylkeskommuneReferansenr.: 5147747966
Stillingsprosent: 100%
Vikar
Søknadsfrist: 27.08.2026
JobbMatch
Er du en god match for denne stillingen?
JobbMatch ser på erfaringen og egenskapene dine – og sjekker hvor godt du passer.
Om arbeidsgiveren
Vestland fylkeskommune har ansvar for å utvikle Vestland fylke og å yte viktige tenester for samfunnet. Vi gir vidaregåande opplæring, tannhelsetenester og kollektivtransport til innbyggjarane i fylket. Vi har ansvar for vegsamband og legg til rette for næringsutvikling, fritidsopplevingar, kulturliv og inkludering. Klima og miljø er premiss for samfunnsutviklinga og som verdiskapingsfylke er Vestland ein nasjonal pådrivar for eit desentralisert Noreg.
Vi skal vere ein trygg og inkluderande arbeidsplass for alle, uavhengig av kjønn, alder, etnisk bakgrunn, religion, livssyn, funksjonsevne, seksuell orientering og kjønnsidentitet. Hos oss jobbar vi aktivt med mangfald, inkludering og likestilling. Mangfald bidrar til auka innovasjon, berekraft, effektivitet, læring og trivsel. Vi vil at dei som jobbar hos oss skal spegle samfunnet i Vestland.
Vi gjer merksam på at i følgje offentleglova § 25, 2. ledd, kan opplysningar om søkjaren bli offentleggjort sjølv om du har oppmoda om å ikkje bli ført på offentleg søkjarliste. Dersom du har bedt om unntak frå offentleg søkjarliste vil du alltid bli varsla før søkjarlista blir offentleggjort.
Alle nye tilsetjingar blir gjort med ei prøvetid på 6 månader. Administrasjonsmålet vårt er nynorsk.
- Sted: Askedalen 2, 6863 Leikanger
- Stillingsfunksjon: Miljørådgiver, Planlegger, Samferdselsteknikk og arealplanlegging
Firmaets beliggenhet
Annonseinformasjon
- FINN-kode: 473159699
- Sist endret:
- Org.nr.: 934607120Se på Brønnøysundregistrene(åpnes i ny fane)
