Helsefagarbeidar

På jakt etter ein jobb med varierte arbeidsoppgåver og meiningsfulle dagar?

Røyrvika omsorgsbustadar ligg sentralt på Bryne, med kort veg til både sentrum og buss- og togstasjon. Me tilbyr bustad og oppfølging til 22 bebuarar med ulike ressursar, behov og livssituasjonar. Fleire har samansette helsebehov og mange fagområde bidreg for å sikra gode helse- og omsorgstenester.

Røyrvika er ein del av avdelinga Psykisk helse og rusarbeid, og me arbeider for å skapa trygge og gode rammer der den enkelte bebuar kan oppleva meistring, utvikling og livskvalitet. Her møter du menneske med samansette behov, noko som gir både faglege utfordringar og moglegheiter for læring og utvikling.

Hos oss får du ikkje berre ein jobb – du får moglegheit til å gjere ein forskjell i kvardagen til menneske som treng det. Du blir ein del av eit tverrfagleg og engasjert fagmiljø med om lag 60 tilsette fordelt på 30 årsverk. Me legg stor vekt på samarbeid, fagutvikling og brukarmedverknad, og me arbeider kontinuerleg for å utvikla tenestene våre. Samstundes er me opptekne av å ta vare på kvarandre og skapa eit arbeidsmiljø, prega av openheit, støtte og godt humør.

Avdelinga har årsturnus, og frå januar 2027 vil du få moglegheit til å påverka eigen turnus gjennom turnusplanlegginga.

Me har ledig fleire stillingar :
100% fast, 1 stilling som helsefagarbeidar
100 % vikariat, 2 stillingar som helsefagarbeidar. Vikariat i eitt år, med moglegheit for forlening.
Helgestillingar, 3 stk. faste stillingar, herav ei 1 nattstilling og 2 dag/kveld stillingar. Nokre av helgene er kvar 3. helg og andre kvar 4. med langvakter. Ca 13-20% stilling

Oppstart etter avtale.

Arbeidsoppgåver

• Bidra til å sikra forsvarlege pleie- og omsorgtenester, og at oppgåver vert utførte i tråd med kvalitetskrav og lovverk
• Primær/sekundæransvar
• Sikra eit godt samarbeid med andre samarbeidsparter
• Legemiddelhandtering
• Yta nødvendig helsehjelp, miljøarbeid og praktiske oppgåver
• Bidra til fagleg utvikling av tenesta
• Sjå behov for utvikling og endring hos brukarane
• Fagleg rettleiing av tilsette, lærlinger og elevar som er i praksis
• Fagleg kompetanseheving og utvikling
• Skapa tryggheit og gode relasjonar
• Dokumentasjon etter lovverk og interne rutinar

Kvalifikasjonar

• Autorisasjon som helsefagarbeidar
• Gode norskkunnskapar, både munnleg og skriftleg (minimun tilsvarande nivå B2)
• Erfaring frå psykisk helsearbeid er ønskeleg
  
• Er fleksibel og ansvarsbevisst
• Gode datakunnskapar. Dokumentasjon er ein viktig del av arbeidet, og me nyttar Profil som journalsystem
• Me legg vekt på personlege eigenskapar og evna til samarbeid på tves av faggrupper til det beste for beboeren
  

Du må laste opp relevante vitnemål og attestar. Vitnemål og /eller karakterutskrift kan du henta på Vitnemålsportalen. Har du utdanning frå utlandet må du leggja generell og/eller yrkesgodkjenning fra Direktoratet for høgarer utdanning og kompetanse (HKdir)

Personlege eigenskapar

• Gode kommunikasjonsferdigheiter og framstå klar og tydeleg
• Du tar initiativ
• Er engasjert i faget og interessert i ny lærdom
  
• Er ansvarsbevisst og fleksibel, like utfordringar og vere løysingsorientert
• Gode samarbeidsevner, både internt, i arbeidsmiljø og eksternt
• Evne til å arbeida sjølvstendig og i team
• Villig til å ta fatt på nye arbeidsoppgåver etter kvart som organisasjonen utviklar seg
• Ta medansvar for eiga utvikling og tileigna seg ny kunnskap
• Du er interessert i ny lærdom og er engasjert i faget

Personlege eigenskapar og eignaheit for stillinga vil bli tillagt stor vekt. Me legg særleg vekt på evna til å samarbeida godt med ulike faggrupper til beste for bebuarane.

Vi tilbyr

• Gode pensjonsordningar (KLP)
• Løn etter tariff
• Ein spennande, variert og fagleg utfordrande arbeidsplass i eit godt arbeidsmiljø
  
• Nært samarbeid med eit breitt fagmiljø i ein organisasjon i utvikling

Politiattest registreres før første arbeidsdag tar til.