Stillingar ledig i Stryn Bedriftsbarnehage

Vi søke etter fagarbeider/ assistent til ei 40-60 % stilling i perioden 01.08.26 - 31.07.27. Stillinga er eit vikariat og kan kombineres med jobb som tilkallingsvikar.

Vi vurderer og tilsetting av Pedagog/ Barnehagelærar 100% frå desember 2026. Denne stillinga er fast.

Vi søkjer primært personar som har utdanning som fagarbeider eller barnehagelærar.

Andre viktige kvalifikasjonar er at du er omsorgsfull, engasjert, pliktoppfyllande, fleksibel og motivert til å jobbe i barnehage.

Vi kan tilby deg ein meiningsfull jobb saman med kompetente og gode kollegaer.

Sjølv om erfaring frå barnehage er eit pluss, vil vi gjerne høyre frå deg som har dei personlege eigenskapane vi er ute etter.

I vår barnehage står god omsorg, leik, samspel og meistring sentralt i det pedagogiske arbeidet.

Vi ser etter deg som er glad i å leike, lære og undre seg i lag med barna, som alltid er på barnas nivå og som er engasjert i jobben du gjer. Du likar å jobbe nært med både barn og vaksne, og er open for nye utfordringar, samtidig som er du er nysgjerrig på å utvikle deg både fagleg og personleg.

Viktig mantra for barnehagen er tidleg innsats gjennom systematisk arbeid, fokus på gode relasjonar og dialog.

Vi kan tilby deg eit inkluderande og godt arbeidsmiljø.

Med oss vil du få ei unik mulighet til å vere med på å påverke barnas utvikling og læring saman med dine kollegaer og foreldra.

Du vil få opplæring og rettleiing i jobben.

Lønn er etter regulativ Private Barnehagers Landsforbund.

Du vil og få eit nærmiljø som kan by på mange flotte naturopplevingar, sommar som vinter.

Sjå gjerne meir på Visit Nordfjord sin heimeside om Stryn kommune er ukjend for deg, https://www.nordfjord.no/stryn

For å bli tilsett må du legge fram politiattest.

Aktuelle søkjarar blir kalla inn til intervju, og vi vil sjølvsagt gje deg svar på søknaden.

Ta gjerne ein kikk på heimesida vår for å få eit lite innblikk i kvardagen vår: https://strynbedriftsbarnehage.barnehage.no/