Koordinator pasientlogistikk

OM SJUKEHUSET
Voss sjukehus er eit akuttsjukehus med beredskap innan indremedisin, kirurgi, ortopedi, anestesi, føde- og gynekologi. Me er ein del av Helse Bergen og har tett samarbeid med Haukeland universitetssjukehus. Sjukehuset har om lag 400 tilsette og gjev tenester til rundt 30 000 innbyggjarar – i tillegg til pasientar frå Bergen, Sogn og Hardanger. Her får du vere del av eit oversiktleg sjukehus der du verkeleg kan utgjere ein forskjell!

OM SEKSJONEN OG STILLINGA
Kirurgisk seksjon har eit aktivt og sterkt fagmiljø som omfattar både kirurgi, gynekologi og ortopedi. Me behandlar pasientar innan døgn-, dag- og polikliniske løp og kvardagen er variert med både planlagt aktivitet og øyeblikkeleg hjelp. Seksjonen er tverrfagleg samansett, med høg fagleg standard og godt arbeidsmiljø.
Me søkjer no koordinator for pasientlogistikk i 100% fast stilling. Du vil ha ei sentral rolle i planlegging og koordinering av poliklinikk- og operasjonsprogram, oppfølging av ventelister og kapasitetsstyring. Stillinga passar for deg som trivst med koordinering og samarbeid. Du må kunne handtere ein variert arbeidskvardag med mange kontaktflatar, samstudes som du har blikk for både detaljar og heilskap. Hjå oss får du høve til å styrkje kvaliteten i tenestene og bidra til eit trygt og inkluderande arbeidsmiljø i eit sjukehus med høg aktivitet.

OM VOSS
Voss byr på eit unikt høve til å kombinere eit aktivt arbeidsliv med nærleik til storslått natur og eit rikt kulturliv. Her finn du både kvardagsro og store opplevingar – året rundt.

Arbeidsoppgåver

• Planlegge, koordinere og fylgje opp poliklinikk- og operasjonsprogram i samarbeid med relevante fagmiljø
• Sikre effektiv bruk av ressursar, inkludert rom, personell og utstyr
• Fylgje opp endringar, avvik og omprioriteringar i program og timeoppsett
• Bestille og tilpasse timar, samt handtere ventelister og prioriteringar
• Bistå behandlarar ved undersøkingar, behandlingar og prosedyrar i poliklinikk
• Vere kontaktpunkt for samarbeidspartnarar i planlegging
• Bidra til god informasjonsflyt internt og eksternt
  
• Bidra til kvalitetssikring og kontinuerleg forbetring av rutinar og arbeidsprosessar
• Delta i utviklingsarbeid knytt til pasientlogistikk og drift

Kvalifikasjonar

• Helsesekretær*, medisinsk sekretær, fagbrev i kontorfag, anna sekretærutdanning eller kontorfagleg bakgrunn
  
• Må meistre norsk godt, både munnleg og skriftleg
• Må ha gode digitale ferdigheiter
• Fordel med kjennskap til medisinsk terminologi og elektroniske pasientsystem

*helsesekretær må ha norsk autorisasjon

Personlege eigenskapar

Du er

• Strukturert, punktleg og påliteleg
• Imøtekomande og serviceinnstilt
• Trivst med å koordinere fleire oppgåver samstundes
  
• Tilpassar deg lett, er løysingsorientert og fleksibel
• Tek ansvar, er sjølvstendig og bidreg positivt til arbeidsmiljøet
• Har evne til å prioritere i periodar med høgt arbeidstempo
• Kommuniserer og samarbeider godt med pasientar, pårørande og kollegaer

Vi tilbyr

• Ein spennande og meiningsfylt jobb som gjev personleg utvikling
  
• Løn i samsvar med gjeldande overeinskomst
• Gode pensjons- og forsikringsordningar
  

Me oppfordrar alle søkjarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.

Helse Bergen, Haukeland universitetssjukehus, har nærare14.000 tilsette som har som mål å gi best mogleg helsehjelp til pasientane våre, og rett opplæring til pasientar og pårørande. Kvart år behandlar vi over 900.000 pasientar og bidreg i utdanninga av fleire tusen helsearbeidarar. Forsking og innovasjon er og viktige oppgåver i sjukehuset. Les meir på www.helse-bergen.no eller facebook.

Helse Vest skal så langt som råd avspegle mangfaldet i befolkninga.  Vi ønsker å rekruttere medarbeidarar uavhengig av kjønn med ulik kompetanse, fagkombinasjonar, livserfaring og perspektiv for å bidra i spesialisthelsetenesta.