Bli ein del av pedagogane sitt Kraftlag i barnehagane i Suldal

Me ønskjer deg som set borna i fokus.  

Om oss:  

Suldalsbarnehagane er fem ulike barnehagar - frå mindre barnehagar, oppvekstsenter og til større einingar med over 80 plassar  - alle med sine eigne kvalitetar. Me jobbar saman mot målet: 

«Alle barn og unge i Suldal skal kvar dag oppleva meistring i eit inkluderande og trygt oppvekstmiljø som fremjar livslang læring»  

Som pedagog hos oss jobbar du tett på borna, kollegaene og lokalsamfunnet. Du ser raskt verknaden av arbeidet ditt, og du er med på å påverka kvardagen til barn og unge i Suldal. 

Er du klar?  Me treng deg! 

Kjølvikstølen barnehage

Einingsleiar Katarzyna Mysiara mobil 966 95 566:

• 200% pedagog                                                                                                                         

Kven ser me etter? 

• Du har godkjent barnehagelærarutdanning. Personar med andre kvalifikasjonar kan søkje og blir vurderte/ukvalifisert blir tilsett som Barnehagelærar.

• Du planlegg og gjennomfører aktivitetar som vekker nysgjerrigheit, motivasjon og utvikling hos borna. 

• Du bidreg til eit inkluderande og støttande miljø. Du jobbar for at alle born blir sett og får støtte til å utvikla seg. 

• Du er god på å variere metodar og er løysingsorientert, slik at ulike behov blir møtt. 

• Du samarbeider godt med kollegaer, føresette og andre. 

• Du er engasjert i borna sin kvardag og deltek aktivt i barnehagen sine faglege og sosiale aktivitetar. Du tenker at saman skapar me eit positivt barnehagemiljø. 

Kraftlaget – kva får du hos oss? 

Arbeidsmiljø 

Velferdsutvalet arrangerer fast sommarfest, kom-i-form-konkurransar, og fjellturar. Dei arrangerer og andre samlingar innimellom, og du kan då blant anna bli med på middag, kurs, kino eller foredrag. 

Dette er frivillige aktivitetar, men gir gode moglegheiter for å bli kjent med kollegaer i heile Kraftlaget. 

Fleksibilitet og kvardagsliv 

Me gir ekstra lønnstillegg til pedagogar og prøver å vere fleksible for tilsette med faste arbeidsplanar, særleg ved behov knytt til familie og livssituasjon. 

• Pedagogisk leiar i barnehage under 10 års ansiennitet: 30 000 kroner 

• Pedagogisk leiar i barnehage 10 års ansiennitet: 32 000 kroner 

• Pedagogisk leiar i barnehage 16 års ansiennitet: 37 000 kroner 

Utviklingsmoglegheiter 

Me har ordningar for vidareutdanning og kompetanseheving , både internt og gjennom regionale fagnettverk. 

Bu i Suldal 

Dersom du bur i Suldal kan du få sletta deler av studielånet ditt. Du kan og pøvebu i ein av våre nye rekrutteringsbustadar. 

Hjå oss i Suldal kommune får du: 

• Faglege og personlege utfordringar i eit godt og inspirerande arbeidsmiljø 

• Engasjerte og dyktige kollegaer 

• Bedriftshelseteneste 

• Gode løns- og tilsetjingsvilkår over tariff 

• Nynorsk som administrasjonsspråk 

• Høve til innmelding i lokalt kunstlag for fast tilsette 

Andre opplysningar: 

• Aktuelle søkjarar vert kalla inn til intervju 

• Det er krav om godkjend politiattest etter gjeldande lovverk ved tiltrede. Attesten kan ikkje vere eldre enn tre månadar 

• Kontaktinformasjon for stillinga finn du til høgre for annonsa 

• Kommunen følgjer offentlighetslova § 25 ved eventuell offentleggjering av søkjarliste 

Velkomen som søkjar! Me ser fram til å høyra frå deg.

Velkommen til Skattkammeret Suldal - Rogalands største kommune i areal, og eit levande samfunn rik på naturressursar og kreativ kraft.

Me er stolte av å være ein nyskapande arbeidsgjevar. Me omfamnar LEAN-prinsippa for å skapa makalause tenester, og søkjer alltid etter dedikerte medarbeidarar som ønskjer å bli med på reisa vår.

Om du søkjer ein meiningsfull karriere, samtidig som du ønskjer eit balansert og aktivt kvardagsliv, er Suldal plassen for deg.

Det rike kulturlivet i Suldal gir liv til samfunnet, både i grendene og på vårt aktive kulturhus på Sand. Her ligg også sentralidrettsanlegget med idrettshall, sandhall og Suldal bad.

Hos oss finn du dei høgaste toppane i Rogaland, langstrakte vidder, idylliske grender tett på fjorden og 70 km med merka skiløyper i vintersesongen.

Utforsk våre ledige stillingar og bli ein del av laget vårt.

Velkommen til Suldal kommune – eksotisk, aktiv og trygg!