Industrimekanikar / automasjonsmekanikar

På Nortura sitt anlegg i Førde ønskjer vi å styrke teknisk avdeling med ein ny teknikar. Vi har i dag eit solid fagmiljø med brei kompetanse og lang erfaring, og ønskjer å sikre vidare god drift gjennom å byggje eit sterkt lag for framtida.

Om teknisk avdeling

Teknisk avdeling består av eit samansett miljø med høg fagleg kompetanse. Her er det representert fag som kjølemaskinist, automasjon, industrimekanikar, elektrikar, røyrleggjar og sveisar.

Kvardagen byr på varierte oppgåver innan drift, vedlikehald, feilsøking og forbetringar av tekniske anlegg. Fabrikken har rullerande teknisk vaktordning, og vi er positive til kurs og vidare utdanning som styrkar avdelinga sitt totale kompetansebehov.

Arbeidsoppgåver

• Drift og vedlikehald av produksjonsutstyr og tekniske anlegg
• Feilsøking og reparasjon innan mekanikk og automasjon
• Deltaking i forbetringsarbeid og utviklingsprosjekt
• Samarbeid tett med produksjon og andre fagmiljø

Vi ser etter deg som har

• Teknisk utdanning (fagbrev som industrimekaniker, automasjonsmekanikar, bilmekaniker eller lignende)
• Erfaring med bruk av PC og digitale verktøy i jobbsamanheng
• Gode norskkunnskapar, munnleg og skriftleg
• Evne til å jobbe sjølvstendig og strukturert
• Serviceinnstilt haldning og gode samarbeidsevner
• Interesse for å lære nytt og utvikle deg fagleg
• Førarkort klasse B

Vi kan tilby

• Eit triveleg og inkluderande arbeidsmiljø med kjekke kollegaer
• Varierte og meiningsfulle arbeidsoppgåver
• Gode moglegheiter for fagleg utvikling
• Konkurransedyktige løns- og arbeidsvilkår
• Gunstige pensjons- og forsikringsordningar
• Kantine og treningsrom
• Trygg arbeidsplass i ei framtidsretta verksemd

Den som blir tilsett må gjennomføre konsernet sitt HMS- og hygieneopplæringskurs.

Nortura er en av Norges største matprodusenter, og Gilde og Prior er to av våre mest kjente merkevarer. Vi er bondens selskap; et samvirke eid av over 17.000 norske bønder over hele landet. I Nortura jobber vi hver dag for matglede, helse og bærekraft og er stolte over å bidra til at det blomstrer i norsk matproduksjon. Vi omsetter årlig for om lag 23 milliarder kroner og skaper store verdier for Norge.

Nortura Førde er ei moderne næringsmiddelbedrift med om lag 100 tilsette. Anlegget driv med slakting av storfe, gris og småfe, og er Nortura sitt største skjereanlegg for småfe. I tillegg har vi ei stor ullavdeling. Vi arbeider etter Lean-metodikk, der kontinuerleg forbetring står sentralt for å sikre god dyrevelferd, HMS og effektiv drift.